Jozué 6:5 - Kazambale lé Sebe Sauunu 1979

⁵ Dé wo béli fɛn, yé ka béli dére ’ma, munu faa ’é siaa dére plɛplɛ nya. Tɔɔn, wolé fla zi gɔrɔ é dan zana lɛ, yé ka faa do do é dan wɔra lɛ tegele.

Jozué 6:5 ပူးပေါင်းရင်းမြစ်များ

Fwile 19:19

Béli wele gi é go gyɛle nya, ’té éé goo gyɛle nya. Moizi éé we fé, ’té Kazambale a zi paan dére biéle nya.

Ézai 25:12

É dan ilé gɔrɔ grɔgrɔ plɛplɛ dia lɛ; é dan a ’wii lɛ tuuntuun fɔɔ yé a vun é dɔ guru gi.

Ézai 30:25

Yian nya lé wa mi kiɛre gyɛna, ’té kɔn plɛplɛnu éé diaan, ’bɛ yi nya lé ’yi é dan yoro lɛ gɔ torolenu valé gɔpanénu faa nwiin.

Jérémi 50:15

’Ka siaa gulidandére nya a zi fɛfaana. É yɔfalo fu nwa; a ganevɔnanu zana a gi; a gurunu zana. Naa, Gakelebale ézé lɛgi pa a ma; ’ka kazé lɛgi pa a ma, ’ka kɛlɛ a lɛ bélé fɛan zo lé é a kɛlɛ, a zo.

Ébrunu 11:30

Blipale nya lé wo Jériko zi gɔrɔ zana, wo giéle a zi yi sɔrafié nya.

Jozué 6:16

A gɔnɔ sɔrafiézan nya, Balebanzannu béli fɛn aan wo, Jozué lé munu lɛ léé: ’Ka siaa plɛplɛ, naa, Gakelebale fla nɔ ka lɛ.

Jozué 6:20

Munu siaa plɛplɛ yé Balebanzannu béli fɛn. Munu béli vun ’ma aan wo, wo siaa plɛplɛ, yé flagɔrɔ zana yé munu faa do do wɔra fla tegele. Wo fla si,

Jozué 6:4

Balebanmunu sɔrafié, wo dan go lɛ Bale lé kɛsu ’lɛ, béli sɔrafié lé wo zuoi éé goo wele nya, wo nya wo lee; a yi sɔrafiézan nya, ka dan gié lɛ flagɔrɔ zi gɔnɔ sɔrafié, yé Balebanmunu wo dan béli fɛn lɛ.

Jozué 6:6

Nɛn be Jozué Balebanmunu laa, yé é lé wo lɛ léé: ’Ka gipawe pagikɛsu si yé ’ka go a nya, yé Balebanzannu sɔrafié ’é go ’wolé béli sɔrafié lé wo zuoi éé goo wele nya, wo nya Gakelebale lé gipakɛsu ’lɛ.

Weblezannu 20:37

Tɔɔn, yɔɔmunu ’wii Gibéa ta, wo go wo ’lɛ yé wo flamunu faa gyɛ gwɔun nya.

1 Samuɛl 17:20

David nwa bladi tutu. É ’blanu bɛ pa mi do lee, é ’élé kɔné si yé é go fɛan zo lé Izai a fe a lɛ, a zo. É bɔ sɔkɔn dɔna bléyian va, ’té sunyanu a gona dɔna guli bale la, ’té woo siaan gulidandére nya.

1 Samuɛl 17:52

Yé Izraɛl munu valé Juda munu siaa yé wo Filisitinu zuo bin fɔɔ gɔ worona, fɔɔ Ékrɔn gɔrɔ ’léé. Filisitinu lé wo ga ma tuo wo, wo go diale nya Saaraim zi ta fɔɔ yé wo bɔ Gat valé Ékrɔn.

1 Samuɛl 4:5

Gakelebale lé gipawe pagikɛsu da sɔkɔn dɔna bléyian va, Izraɛl faa siaa plɛplɛ gi nanale nya fɔɔ yé tɛrɛ ma nyɔɔn a we ma.