Jozué 6:4 - Kazambale lé Sebe Sauunu 1979

⁴ Balebanmunu sɔrafié, wo dan go lɛ Bale lé kɛsu ’lɛ, béli sɔrafié lé wo zuoi éé goo wele nya, wo nya wo lee; a yi sɔrafiézan nya, ka dan gié lɛ flagɔrɔ zi gɔnɔ sɔrafié, yé Balebanmunu wo dan béli fɛn lɛ.

Jozué 6:4 ပူးပေါင်းရင်းမြစ်များ

Wepélisiananu 2:3

Kazambale yi sɔrafiézan drɔɔ vo, yé é a pa é yɛrama; yi ’ko nya lé é flin élé nyanama faa lé é a pa fɛ faa kɛlɛle nya bɛ, a ma, ’bɛzama.

1 Minwiinzannu 18:43

Yé é lé é wuozan lɛ léé: ’I nwa, ’i yuɛ vɔ wɛyi vazia. A wuozan nwa yé é a nagini yé é léé: We do ’ka ana lo. Éli lé gɔnɔ sɔrafié léé: ’I go é ziin.

2 Minwiinzannu 5:10

Élizé mi nwunvɔ a fele a lɛ we gi léé: ’I go, ’i zuru Juudɛn yuu va gɔnɔ sɔrafié. I kɔlɛ é dan nɔla lɛ yé i gi é dan bɔ lɛ.

2 Minwiinzannu 5:14

Yé é go yé é Juudɛn ’yi bɔ gyɛ gɔnɔ sɔrafié Bale lé mi dére yɛrama; yé a kɔlɛ kɛlɛ é ziin bélé né boroné kɔlɛ zo, yé a gi bɔ.

2 Minwiinmunu lé Wezuofe Sɛbɛ 13:12

Bé ye, Bale valé é banzannu a ko va ko zi ’lɛzannu nya, yé bélinu lé wo dére zuo gi éé wé, wa ko lee, léé, wa fɛn ka ma. Izraɛlnu, té ka guli dan Gakelebale ka tranu lé Bale va lo, naa, a va ’ka dan gyɛ lɛ ka lɛ lo.

2 Minwiinmunu lé Wezuofe Sɛbɛ 20:17

É ’ka lé ka guli do kpen dan we ’ko gi lo; ’ka bɔra a gi, ’ka dɔ ana, yé Gakelebale é dan ka si lɛ we gi fɛan zo bɛ, yé ka ana ye. Judanu valé Jérusalɛm munu, té ka kana lo; té di é kini ka gi monomono lo. Tɛlɛ, ’ka go kee wo nya, yé Gakelebale é dan kɛlɛ lɛ ka va.

2 Minwiinmunu lé Wezuofe Sɛbɛ 20:19

Lévinu lé ke Kéat valé Koré kululazannu nya, wo nwa Gakelebale, Izraɛl lé Bale tɔ ma gyɛle nya dére plɛplɛ biéle nya.

2 Minwiinmunu lé Wezuofe Sɛbɛ 20:21

’Bɛ zuo yee valé munu bli kɛlɛ do yé é lɛrɛvɔzannu dɔ, léé, ’wo’wolé lɛrɛvɔsɔnu zén ’wo ta, yé wo tawo sunyanu ’lɛ, ’té woo Gakelebale tɔ ma gya a fele nya léé: ’Ka Gakelebale tɔ zin fe, naa, a nyanai éé zén‐é yifaama.

JOB (Job) 42:8

Sin, ’ka dirigɔné sɔrafié valé ’blagɔné sɔrafié si, ’ka goan an wuozan Job lɛ, yé ’ka wo nɔ, balebanwi lé wa kyɛ blé, a nya, kabo lé we ma. An wuozan Job é dan bazoro lɛ ka tɔ ma, yé a pli zi lé maa ’ka dan we kɛlɛ lɛ ka lɛ kalé tavowe yɛrama lo; naa, ka ’ka anlé we fe lɛ ’é fena bélé an wuozan Job a fe fɛan zo, a zo lo.

Ézai 27:13

A yi la, wo dan béli blɛn fɛn lɛ, yé munu lé wo vo lu la Asiri tɛrɛ la, ’bɛ valé munu lé wo yɔɔ Éjipiti tɛrɛ la, wo dan da lɛ yé wo dan dia lɛ ’wo bli la Gakelebale ’lɛ, gɔ sauun nwiin, Jérusalɛm.

Lévinu 14:16

Balebanzan é dan é bɛyi bɛnwɔlɛ vɔ lɛ nyɔnɔ lé ke é bɛbo lee, a va, yé é dan a nwɛɛn lɛ gɔnɔ sɔrafié Gakelebale ’lɛ.

Lévinu 4:6

é dan é bɛnwɔlɛ vɔ lɛ a nyɛ va yé é dan a ma puo lɛ gɔnɔ sɔrafié Gakelebale ’lɛ, fɛna sauun na, sɔ lé wa kɛlɛ kɔnmi nya, a yara.

Zakari 4:2

É lé an lɛ léé: I mɛ fɛ yéé? Yé maa a zi pa a lɛ léé: Maa nagini, yé maa kyan fintran do ye; a blan a sɔrafié, yé bɔ do a é dunle a nwiin, ’té tio sɔrafié a a ma yé ’bɛnu vɔ fintrannu ma;

Zakari 4:6

Yé é lé an lɛ léé: Dére lé Gakelebale a fe Zorobabɛl lɛ, yee lé ke ’ko: Gakelebale léma: Mi lé plɛplɛ valé mi lé glawe ’ka we kɛla lo; naa, an Léli ɛ we kɛla.

Mi Nɔnɔle 23:1

Balaam lé Balak lɛ léé: ’I balebanna sɔrafié dɔ an lɛ ’ko, yé ’i dirigɔné sɔrafié valé ’blagɔné sɔrafié ma ’lɛrɛ an lɛ ’ko.

Jozué 6:13

Balebanzannu sɔrafié lé wo go béli sɔrafié lé wo zuoi éé goo wele nya, wo nya, Gakelebale lé gipakɛsu ’lɛ, wo ta sia yé wo béli fɛn. Sunyanu lé gulidanfɛnu ke wo lee, wo tawo wo ’lɛ, yé wo zi bin sunyanu go Gakelebale lé gipakɛsu zuo. Bléyian va lé wa tawona, ’té woo béli fɛɛn.

Jozué 6:3

’Ka gié wolé flagɔrɔ zi; ’kaa faa lé ka ke gulidan sunyanu nya, ’ka gié wolé fla zi gɔnɔ do. Ka dan kɛlɛ lɛ ’bɛ zo fɔɔ yi suiɛdo.

Jozué 6:5

Dé wo béli fɛn, yé ka béli dére ’ma, munu faa ’é siaa dére plɛplɛ nya. Tɔɔn, wolé fla zi gɔrɔ é dan zana lɛ, yé ka faa do do é dan wɔra lɛ tegele.

Wegɔɔnle 1:20

Monéné sɔrafié lé i wo ye an bɛyi lee, é valé kyan fintran sɔrafié, wolé we a é yɔɔle. A gi lé é ke ’ko: monéné sɔrafié a léglizi sɔrafié lé lanjenu nya, yé fintran sɔrafié a léglizi sɔrafié nya.

Wegɔɔnle 1:4

’Kaa léglizi sɔrafié lé ka ke Azi tɛrɛ la, an we ka va. Maa Jan ɛ ke sɛbɛ ’ko gyɛna ka lɛ. Mi lé é ke, ’té é ke ana é kyɛn, ’té é dan bɛ, yee koo, léli sɔrafié lé é ke alé webleblin ’lɛ, wo koo, Jézu Krist lé é ke yarapawela wenayezan, gamunu va nwazan vininzan, tɛrɛlamunu nwiinzannu ’é nwiinzan nya, yee koo, ’wo zin kɛlɛ ka lɛ yé ’wo ka vo drɔɔ ma. Mi lé kaa sɔa a lɛ, ’té é kaalé wenyané si kaa lee é nyɛ nya,

Wegɔɔnle 10:3

yé é siaa dére plɛplɛ nya bélé golizra wele zo. É siaa aan wo, zagele sɔrafié ban.

Wegɔɔnle 15:1

’Bɛ zuo, maa givuruwe bɛ ye la gi; é a blɛn; we zevɔle lé; lanje sɔrafié lé, migyɛgyɛ sɔrafié voélazannu ke wo lee, wo ana; wo nya lé Kazambale lé bliflile lɛ éé sɔɔan.

Wegɔɔnle 15:7

Bale lé éé voo é yuɛma lɛɛfaama, kyankana sɔrafié lé é ke é fanle alé bliflile nya, fɛ yuɛmale ziɛn va mi do wo si yé é wo nɔ lanje sɔrafié lɛ.

Wegɔɔnle 16:1

Maa dére plɛplɛ do ’ma sina fɛna sauun na yé é lé lanje sɔrafié lɛ léé: ’Ka go, yé Kazambale lé bliflile lé ke kana sɔrafié gi, ’ka zana tɛrɛ va.

Wegɔɔnle 5:1

A zuo maa sɛbɛ do ye webleblin tazan bɛyi lee. Wo sɛbɛ gyɛ a gi valé a lala yé wa lɛ tan zɔrɔkaanyɔɔ sɔrafié nya.

Wegɔɔnle 5:6

Webleblin koo, fɛ yuɛmale ziɛn koo, mi segelenu koo, maa ’Blané ye é dɔle wo méléna; é a bélé fɛan zo lé a bɔrɔ a é bole, a zo. A béli a sɔrafié, yé a yuɛ a sɔrafié, wo lé ke Kazambale léli sɔrafié lé é wo nwunvɔ tɛrɛ faa la, wo nya.

Wegɔɔnle 8:2

Lanjenu sɔrafié lé woo dɔa Kazambale ’lɛ, maa wo ye, yé wo béli sɔrafié nɔ wo lɛ.

Wegɔɔnle 8:6

Yé lanjenu sɔrafié lé béli sɔrafié ke wo lee, wo ’wo ma’lɛrɛ béli fɛnle we gi.