Jozué 6:27 - Kazambale lé Sebe Sauunu 1979

²⁷ Gakelebale a Jozué va, yé a tɔ kɛlɛle blɛn nwɛɛn ana tɛrɛ faa ta.

Jozué 6:27 ပူးပေါင်းရင်းမြစ်များ

Wepélisiananu 39:21

Gakelebale a Jozɛfu va yé é wezin kɛlɛ a lɛ. É a kɛlɛ mi zin nya bokɔngimunu nwiinzan yuɛ gi.

2 Samuɛl 7:9

dé i tawo fɛofɛana, maa a i va; maa i nyanézannu kulu ga i ’lɛ, yé maa i tɔ kɛlɛ blɛn bélé tɛrɛlamunu lé mi blɛnblɛnnu tɔ zo;

Minwiinzannu lé Wezuofe Sɛbɛ 14:17

David tɔ bɔ tɛrɛ faa la, yé Gakelebale a kɛlɛ kanamazan nya bɛnnu faa va.

Esitɛɛ 9:4

Naa, Maadosé a plɛplɛ minwiinzan blɛn lé kɔn gi yé a tɔ a nwɛɛnna bɛntɛrɛ faa ta, naa, a plɛplɛ gi a gona gyɛle nya, azama.

Matio 14:1

’Bɛ bléyi ’ko va, gyamalati Érɔd Jézu lé we ’ma aan wo yé é lé é wuomunu lɛ léé:

Matio 18:20

Dé é a mi fié nyaoo, dé é a mi yaa nyaoo, fɛana lé woo zén‐é ékeva an tɔ gi, maa ana wo méléna.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

Matio 4:24

A tɔ zin fele bɔ Siri tɛrɛ faa la, yé munu faa lé wo ma éé yaan yé wa nyané blena gyɛ gɔnɔ faa lee, wo da wo faa nya Jézu va, yé é wo béli; wo faa lé yonu ke wo gi koo, gwegyɛzannu valé furuagyɛzannu koo, woo lé.

Bélidɔwesɛbɛ Fiézan 31:6

’Kabo dɔ gligli, yé ’ka bli ta dɔ plɛplɛ. Té ka kana wo lee lo, té di ’é kini ka gi wolé we ma lo; naa, Gakelebale, kalé Bale bozen é dan tawo lɛ ka va, é ’ka dan ka vo lɛ é pla lo, é ’ka dan sɔn vɔ lɛ ka ma lo.

2 Timoté 4:17

Mizan ɛ bɔ an va, yé é an dɔ plɛplɛ anlé wefele lɛsɔɔle we ma, bɛnnu faa lé a ’male we gi. Yé Bale an si golizra lɔ ma.

2 Timoté 4:22

Mizan ’é vo i léli va ma. Bale ’é ka drɔɔ vo ma. Amɛɛn.

Jozué 1:5

Mi do kpen ’ka dan dɔ lɛ i’lɛ i yuɛma bléyi faa va lo. Maa dan kɛlɛ lɛ i va, fɛan zo lé maa kɛlɛ Moizi va, a zo; maa ’ka dan i vo lɛ i do lo, maa ’ka dan daan lɛ i ma lo.

Jozué 1:9

Maa ’ka a fe lɛ i lɛ léé, ’ibo dɔ gligli yé i bli ta dɔ plɛplɛ, loo? Té i kana lo; té i gi nyɛ ’é kini lo, naa, Gakelebale, ilé Bale a i va, we faa lé i dan a kɛlɛle pélisia lɛ, a gi.

Jozué 9:1

Minwiinzannu faa lé ke Juudɛn bɛ ’ko la zia, gɔ nwiin koo, gɔ worona koo, wɛyi blɛn gɔ ma faa koo, fɔɔ é bɔ Liban sɔnɔ, Étinu koo, Amorénu koo, Kanaannu koo, Férézinu koo, Éévinu koo, Jébusinu koo, wo we ’konu ’ma aan wo, wo zén ékeva bli do nya gulidanle Izraɛl valé Jozué va we gi.

Jozué 9:3

We lé Jozué a kɛlɛ Jériko valé Ai lɛ, dé Gabaɔn munu a ’ma

Jozué 9:9

Wa zi pa léé: I wuozannu si tɛrɛ baa baa boen ta, Gakelebale izé Bale tɔ kɛlɛle blɛn lé we ma; alé we lé wa fe, ko a ’ma, we faa lé é a kɛlɛ Éjipiti tɛrɛ la

Weblezannu 1:19

Gakelebale a Judanu va; yé wo gɔ si, naa, wo ’ka bɔ lɛ fɛna pɛblɛɛna munu binle lɛ lo, ’bɛnu lé foliɛwɔlɛ goronu a, ’bɛzama.

1 Samuɛl 18:14

Dé é weowean péli sia éé a kɛlɛle lɛ sɔɔan, yé Gakelebale a a va.

1 Samuɛl 2:30

Bɛwemalé Gakelebale, Izraɛl lé Bale léma: Maa lé turu léé, ilé munu valé i ti lé munu é dan vo lɛ an ’lɛ lɛɛfaama, ’bɛ glɛ ’ka lo. Gakelebale léé: Sin, ’bɛ ’ka an gi é dɛrɛ lo. Naa, mi lé é an lɛdɔama, maa dan ’bɛzan lɛdɔ lɛ a ma, yé mi lé é serele bo an ma, maa dan serele bo lɛ ’bɛzan ma.