Jozué 6:23 - Kazambale lé Sebe Sauunu 1979

²³ Pɛniɛnu lé wo go tɛrɛ nagini lɛ yi la, wo wɔra yé Raab koo, a ti koo, a bu koo, a bwenu koo, alé fɛnu faa koo, wo wo bɔra. Wo alé munu faa bɔra yé wo wo vo Izraɛlnu lé sɔkɔn gini ma.

Jozué 6:23 ပူးပေါင်းရင်းမြစ်များ

Wepélisiananu 12:2

Maa dan i kɛlɛ lɛ bɛngɔnɔ blɛn nya, yé maa dan i drɔɔ vo lɛ, yé maa dan i tɔ kɛlɛ lɛ blɛn yé bii ɛ dan mi bɛnu drɔɔ vo lɛ.

Wepélisiananu 18:24

Dé mi tegele yɔ fié wɔlɛ vu a fla nii? I dan wo gyɛ lɛ zamaga nya é ziin? I ’ka dan flamunu ma we vo lɛ mi tegele yɔ fié wɔlɛ vu lé ke fla bɛ, wolé we ma loo?

Wepélisiananu 19:29

Dé Kazambale fɛna pɛblɛɛ flanu sɛrɛ Abraam sele dɔ a gi; yé dunuzén?-?milawe lé é bɔ Lɔt nyanala flanu ma yé é wo guru zana a gi bɛ, é Lɔt si ’bɛ we ’konu gi.

Mi Nɔnɔle 31:19

Yé ’kaa, ’ka vo fla gini ma yi sɔrafié, ka va munu faa lé wo mi gyɛ koo, ka va munu faa lé wo mane mi gale ma koo, ’ka kabo kɛlɛ tegele a yi yaazan valé a yi sɔrafiézan nya, ka valé kalé luunu nya.

Kelewenu 10:28

Piɛri lé wo lɛ léé: Ka a gi dɔɔ léé, a yi a é gale ko Juifinu lee léé, té ko nana ’bɛn bɛnu va lo. Yé té ko wɔra wolé kɔn gi lo. Naa, Kazambale a gɔɔn an lɛ léé, té maa mi do kpen ye é tiridɔle valé é lɛrɛlɛrɛ lo.

Kelewenu 27:24

yé é lé an lɛ léé: Pɔl, té i kana monomono lo. É a lé i dɔ Sézaa ’lɛ. Yé bé ye, munu faa lé wo ke ’yitagoro gi i va, Kazambale wo nɔ i lɛ.

1 Korent munu 5:12

Munu lé wo ’ka léglizi gi lo, anlé we lé ke wolé we blele nyaa? Kazambale ɛ ke ’bɛnu lé weblezan nya. Ka a léglizigimunu lé weblezannu nya. ’Ka mi lɛrɛlɛrɛ ’ko si ka méléna.

Éfez munu 2:12

’Bɛ bléyi va, ’té Krist ’ka kazé nya lo; ’té a se ’ka ka lɛ léé, ka nyana Izraɛl lo; blivolɛdére lé Kazambale a fe é gi pale do nya munu va, ’té kazé ’ka a va lo; ’té ka bli ’ka we do lɛ lo; ’té ka a tɛrɛ la dublaa, ’té Kazambale ’ka kalé Bale nya lo.

Ébrunu 11:31

Blipale nya lé gɔnegini le Raab ’ka ga lɛ tɔnégiplɛplɛzannu va lo, naa, é mimavɔɔzannu si é zima, ’bɛzama.

Ébrunu 11:7

Kazambale tɛlɛ tɛlama we fe aan wo Noé lɛ, kana zén a gi, yé blipale nya lé é ’yitagoro do kɛlɛ yee valé é kulu sile we gi we ma; alé blipale nya lé é we dɔ tɛrɛlamunu nwiin, yé kɛlɛle tegele lé mi a yé blipale ma, é a ye ézé nya.

Jozué 2:13

’Ka sɔbɛlawe fe an lɛ; an ti koo, an bu koo, an bwenu koo, an burunu koo, an zuanénu koo, wolé fɛnu faa koo, dé ka dan wo vo lɛ é yuɛma yé ka ko si ga lee, ’ka fe an lɛ.

Jozué 2:16

É lé wo lɛ léé: ’Ka go gɔ vazia, dé ka da kee ka zuobinmunu nya; ’ka yɔɔ ana mi yi yaa, fɔɔ yé wo da é ziin; ’bɛ zuo yé ’ka kalé zi sia.

Jozué 2:18

Dé ko da tɛrɛ ’ko la, ’i bale sɔɔn vɔ fɛnɛti lé i ko zun a ta, a ma, yé i ti koo, i bu koo, i bwenu valé i zuanénu koo, i ti lé kɔngimunu faa koo, ’i wo zén ékeva ilé kɔn gi i va.

Weblezannu 1:25

Fɛana lé woo wɔraan fla é a zi nagɔɔn wo lɛ. Yé wo flamunu gyɛ gwɔun nya; naa, mi ’ko valé élé munu faa, wo wo vo yé wo go.