Jozué 6:17 - Kazambale lé Sebe Sauunu 1979

¹⁷ Fla koo, fɛnu faa lé ke fla koo, wo dan wo nɔ lɛ Gakelebale lɛ bale pale wo ma nya, naa, bɔrɔdɛ le Raab koo, munu faa lé wo ke a va kɔn gi koo, wo dan wo vo lɛ é yuɛma, munu lé ko wo nwunvɔ, é wo yɔɔ, ’bɛzama.

Jozué 6:17 ပူးပေါင်းရင်းမြစ်များ

Wepélisiananu 12:3

Munuan, wo dan i drɔɔ vo lɛ, maa dan wo drɔɔ vo lɛ. Munuan wo dan bale pa lɛ i ma, maa dan bale pa lɛ wo ma, yé i ma lé tɛrɛ la lelenu faa tere drɔɔ é dan vo lɛ.

Ezidras 10:8

Minwiinzannu valé mi segelenu léé, dé miomian ’ka go lɛ ana yi yaa wuo lo, wo dan alé fɛnu si lɛ a lee, yé é ’ka dan luugimunu zénle ékeva na ye lɛ é dɛrɛ lo.

Ézai 34:6

Wo nyɛ Gakelebale lé gwɔun ma ble, yé wo nyɔnɔ vuru a ma; mi nyɛ a ’blanénu valé boligɔnénu nyɛ nya, yé mi nyɔnɔ a ’blagɔné kolimayere wɔlɛ nyɔnɔ nya; naa, Gakelebale a saraka bona Bozra; é a mi gyɛna é baba Édom tɛrɛ la.

Jérémi 46:10

Yi ’ko a Mizan, lai sunyanu lé Gakelebale lé yi nya, We lɛgi payi lé, we lɛgi payi nya Gakelebale nyanézannu ma. Gwɔun é dan fɛ ble lɛ, é dan kan lɛ, Yé wo nyɛ é dan gwɔun gyɛ lɛ bélé nwɛ zo. Naa, Mizan lai sunyanu lé Gakelebale, éé saraka boo Yirinwana bɛbolazia tɛrɛ la, Yufrat yuu gɔ la.

Ézékiɛl 39:17

Mizan Gakelebale léma: Yé bii blami be, mianénu koo, sifɛnu faa koo, bwigiwinu faa koo, bé fe wo lɛ léé, ’wo zén ékeva, ’wo da; ’wo si fɛ faa do dona, ’wo zén ékeva. Maa dan saraka bo lɛ mi nya wo lɛ; saraka blɛn lé, Izraɛl gɔnu nwiin; ka dan mi wi ble lɛ yé ka dan mi nyɛ mini lɛ.

Lévinu 27:21

Dé féilɔzan si a ta lɛɛ nyané nya, wo dan féi ’ko pa lɛ é yɛrama yé é vo bélé féi lé wa vo Gakelebale zé nya, a zo; é dan kɛlɛ lɛ Balebanzan zé nya.

Misé 4:13

Siɔn munu, ’ka nwa yé ’ka wo sunwo. Maa dan foliɛwɔlɛ béli nɔ lɛ ka lɛ yé maa dan zéné sɔnéwɔlɛnu nɔ lɛ ka lɛ, yé ka dan bɛn kiɛre ’wii lɛ yé ka dan wolé fɛ zinnu pa lɛ é yɛrama Gakelebale zé nya, yé ka dan wolé fuafɛnu pa lɛ é yɛrama Tɛrɛfaazan zé nya.

Matio 25:40

Maa minwiinzan é dan a zi pa lɛ wo lɛ léé: Maa lé ka lɛ webozen nya léé, yi faa‐an nya lé ka we ’konu kɛlɛ an zuané kiiénénu va mi do lɛ, ka a kɛlɛ maa ɛ lɛ.

1 Korent munu 16:22

Dé Mizan ’ka sɔa mian lɛ lo, ’wo bale pa ’bɛzan ma ma. Mara?-?na‐ta, ’bɛ gi léé, Mizan, ’i da.

1 Korent munu 2:7

Kazambale lé wedɔɔle lé ke givuruwe yɔɔle nya, ’té Kazambale a ma’lɛrɛ tɛrɛ bɔrale ’lɛ, ko tɔbɔle we ma, yee lé ko fé.

Galasi munu 3:10

Munu faa lé wo ke bélidɔwe kɛlɛwenu va, bale a é pale wo ma; naa, é a é gyɛle Kazambale lé sɛbɛ gi léé: We lé ke é gyɛle bélidɔwe sɛbɛ gi bɛ, dé mian é ’ka a faa kɛla yarapalale nya lo, bale a é pale a ma.

Galasi munu 3:12

Bélidɔwe ’ka sié blipale va lo, naa, é a é gyɛle léé: Mian éé we ’konu kɛla, é dan béli lɛ wo ma.

Bélidɔwesɛbɛ Fiézan 20:17

Étinu koo, Amorénu koo, Kanaannu koo, Férézinu koo, Éévinu koo, Jébusinu koo, ’ka munu ’ko gyɛ, Gakelebale, kalé Bale a fe ka lɛ fɛan zo, a zo.

Ébrunu 11:31

Blipale nya lé gɔnegini le Raab ’ka ga lɛ tɔnégiplɛplɛzannu va lo, naa, é mimavɔɔzannu si é zima, ’bɛzama.

Ébrunu 6:10

Naa, Kazambale ’ka weple kɛla lo. Ka nyanama pa fɛan zo, ’bɛ sele a Kazambale gi. Ka a gɔɔn léé, Kazambale tɔ sɔ ka lɛ, alé munu mawe kɛlɛle nya fɛan zo, ’té ka a kɛlɛna tan bɛ, ’bɛ sele a a gi.

SEBE LÉ JAK A GYE (Épitre de Jacques) 2:25

É ziin, gɔné gini le Raab nwunvɔzannu si aan wo yé é wo pa zia zi bɛ ’léé, a kɛlɛwenu ’ka alé we kɛlɛ lɛ tegele loo?

Jozué 2:1

Wa Sitim, yé Nɛn be Jozué mimavɔɔzannu fié nwunvɔ kyeen gi yé é lé wo lɛ léé: ’Ka go, ’ka tɛrɛ nagini, naa, ’ka go Jériko bozen na. Wo go, yé wo bɔ bɔrɔdɛ le do lé wa laama Raab, alé kɔn ’léé, yé wo yi gyɛ ’bɛna.

Jozué 2:22

Wo go, yé wo bɔ gɔ ma yé wo vo ana yi yaa fɔɔ yé wo zuobinmunu nɔla wo pai. Wo zuobinmunu wo nagini zi ’ko ta fɛfaana, yé wo ’ka wo ye lɛ lo.

Jozué 7:1

Fɛnu lé wa nɔ Bale lɛ bale pale a ma nya Izraɛl lé nénu saan a vazia. Juda bɛngizan Zérak be Zabidi, Zabidi be Kaami, Kaami be Akan, fɛnu lé wa nɔ bale pale wo ma nya, é wo si. Yé Gakelebale lé bliflile nwa Izraɛlnu ma.

1 Samuɛl 15:3

’I go sin, ’i guli dan Amalɛk va yé ’i alé fɛnu faa sɛrɛ; té i wo do kpen vo lo; gɔnénu valé lomu koo, nénu valé nyɔmanénu koo, dirinu valé ’blanu koo, nyɔgɔménu valé sokofalenu koo, ’ka bale pa wo ma, ’ka wo faa gyɛ.

1 Samuɛl 15:6

É lé Kéni munu lɛ léé: ’Ka si Amalɛknu méléna, ’ka go, té ka zamaga wo wo nya lo we gi; naa, ka wezin kɛlɛ Izraɛl lé nénu lɛ, wo sile Éjipiti bléyi va. Yé Kéni munu si Amalɛk méléna.