Jozué 5:9 - Kazambale lé Sebe Sauunu 1979

⁹ Gakelebale lé Jozué lɛ léé: Kyɔ maa Éjipiti tɛrɛ la yaragyɛwe si ka ’wuo ma. Woo fɛkona laama Gilgal fɔɔ kyɔ yi nya.

Jozué 5:9 ပူးပေါင်းရင်းမြစ်များ

Wepélisiananu 34:14

Wo lé wo lɛ léé: We do ana. Gɔné lé wo ’ka a gane dɔ lɛ lo, ko ’ka bɔa ko buru nɔle lɛ ’bɛzan lɛ lo. ’Bɛ é dan kɛlɛ lɛ ko ma yaragyɛwe nya.

2 Samuɛl 19:15

Minwiinzan da yé é bɔ Juudɛn gɔ la; yé Juda munu go Gilgal minwiinzan sile zia valé Juudɛn kinile a nya we gi.

Néémi 12:29

Bɛt‐Gilgal koo, Géba valé Azmavɛt lé tɛrɛ koo, woo lé, yé wo zén ékeva Jérusalɛm; naa, lɛrɛvɔmunu lé flanu a é pale Jérusalɛm zi.

Lɛrɛvɔ Sɛbɛ 119:39

Yaragyɛwe lé éé kana zén‐é an gi, ’bé si an ma baa, Naa, ilé weblelenu a zin saa nya.

Jérémi 9:25

Ka ye, Gakelebale léma: A yi é dan bɔ lɛ, yé munu faa lé wo gane ke é dɔle, ’té wo bli ’ka é sile ’wo kɛlɛwe kyɛnnu lɛ lo, maa dan we lɛdɔ lɛ wo gi.

Ézékiɛl 23:3

Wo gɔné gini Éjipiti tɛrɛ la; wo gɔné gini ’wo boroné la bléyi va. ’Bɛna lé wo wo nyɔ yéli, ’bɛna lé wo bɛ mane wo nyɔ toroné ma.

Ézékiɛl 23:8

Éjipiti munu yia a va a boroné la bléyi va; wo bɛ mane a nyɔ toroné ma, yé wo ’wolé leginile vɔ a lee, amalé é ’ka sɔn vɔ lɛ gɔné ginile ma wo va lo.

OZÉ (Osée) 4:15

Oo ’kaa Izraɛlnu, dé kabo nɔ bɔrɔdɛ kɛlɛle lɛ, té Juda ’é we dɔ ’é nwiin ’bɛ kɛlɛle nya lo; té ka go Gilgal lo; té ka go loru Bɛt‐Avan lo; té ka bale ’nyɔɔn a fele nya léé, Gakelebale a é yuɛma, lo.

Lévinu 24:14

’Ka Balesɔnɔzan ’ko bɔra fla gini ma; munu faa lé wo dére ’ko ’ma, wo dan ’wo bɛ pla lɛ a nwiin, yé munu faa é dan gɔlɛ vuli lɛ a va yé ’é ga.

Amɔs 5:5

Té ka Bétɛl nagini lo; té ka go Gilgal lo; té ka gié Bɛɛ‐Sééba lo. Naa, wo dan Gilgal si lɛ, yé wo dan Bétɛl sɛrɛ lɛ.

Misé 6:5

Anlé munu, we lé é dɔ Moab nwiinzan Balak gi, ’ka bɔn‐in bɔrɔ ’bɛ ma do, yé we lé Béɔɔ be Balaam a zi pa a lɛ, ’ka gibɔrɔ ’bɛ ma do, yé we lé é bɔ Sitim valé Gilgal méléna, ’ka gibɔrɔ ’bɛ ma do, yé wezin lé Gakelebale a kɛlɛ, ka dan a gi dɔɔ lɛ.

Sofoni 2:8

Bléyian va lé Moab valé Amɔn munu anlé munu sɔnɔ, yé wo nwa wolé tɛrɛ glɛnu ma boblɛn nya, maa Moab munu lé sɔnɔdérenu ’ma, yé maa Amɔn munu lé wo ma we sɛrɛ dérenu ’ma.

Jozué 24:14

Sin, ’ka kana Gakelebale lee ma, yé ’ka a bɔ bli tegele valé yarapalale nya ma. Balenu lé ka tinu wo bɔ yuu zi valé Éjipiti tɛrɛ la, ’wo si ka melena ma, yé ’ka Gakelebale bɔ ma.

Jozué 4:19

Moné vinin yi vuzan nya, munu si Juudɛn yuu va yé wo nyana ’wolé sɔkɔnnu gi Gilgal lé ke Jériko yirinwanazia glɛ la, ana.

Jozué 5:8

Dé wo nyaa ’bɛ munu faa ganedɔle nya, wo vo ’wolé sɔkɔnu gi fɔɔ yé wo béli.

1 Samuɛl 14:6

Jonatan lé pɛniɛ lé éé alé gulidanfɛnu kɔné sié, a lɛ léé: ’I da ’ko go fɔɔ yé ko bɔ ganedɔlozannu ’konu lé gulimabɛnna. Dé Gakelebale é dan pa lɛ ko vaa? Naa, dé munu a kiɛreoo, dé munu ’ka kiɛre looo, Gakelebale é bɔalɛ yé é munu si we gi wo nya.

1 Samuɛl 17:26

David lé é sɔnɔ munu lɛ léé: Mi lé é Filisiti mi ’ko gyɛ yé é yaragyɛwe si Izraɛl nwiin, wo dan a kɛlɛ lɛ kaa ’bɛzan lɛɛ? Filisiti mi ’ko, ganedɔlozan, de ɛ ke a nya yé é Bale yuɛmale lé sunyanu sɔnɔaan?

1 Samuɛl 17:36

’Bɛ zo lé i wuozan golizra valé urisi gyɛ yé Filisiti mi ’ko, ganedɔlozan ’ko, azé é dan kɛlɛ lɛ ’bɛ zo; é Bale yuɛmale lé sunyanu sɔnɔ, azama.

1 Samuɛl 7:16

Lɛɛ do do gi, Bétɛl koo, Gilgal koo, Misipa koo, éé giéan Izraɛlnu lé weblele nya é bale nya.