Jozué 5:6 - Kazambale lé Sebe Sauunu 1979

⁶ Naa, Izraɛlnu tawo lɛɛ yɔ fié nyéné saa lé fɛna, fɔɔ yé gulidanmunu faa lé wo si Éjipiti, ’té wo ’ka Gakelebale dére lɛdɔ lɛ a ma lo, wo ga; tɛrɛnyɔnɔzan lé, Gakelebale ébo ’nyɔɔn wo tinu lɛ léé, é dan a nɔ lɛ ko lɛ bɛ, Gakelebale ébo ’nyɔɔn wo lɛ léé, wo ’ka dan a ye lɛ lo.

Jozué 5:6 ပူးပေါင်းရင်းမြစ်များ

Lɛrɛvɔ Sɛbɛ 107:4

Wo vo nɔɔna bwi gi; wo vo tawona wo saa, Yé fla lé wo bɔa nyanale lɛ a ta, wo ’ka ’bɛ ta zi ye lɛ lo.

Fwile 3:17

yé é léé, ’é dan ka fwi lɛ Éjipiti tɛrɛ la, fɛna lé ka ke nyané blena, ana, yé ’é go ka nya Kanaannu koo, Étinu koo, Amorénu koo, Férézinu koo, Éevinu koo, Jébusinu koo, wolé tɛrɛ la, tɛrɛ nyɔnɔzan ta.

Fwile 3:8

Maa zun wo sile Éjipiti munu lee we ma, wo sile tɛrɛ ’ko la yé ’wo go tɛrɛ blɛn zima ta we gi, wo gole tɛrɛ nyɔnɔzan ta we gi. Kanaannu koo, Étinu koo, Amorénu koo, Férézinu koo, Éévinu koo, Jébusinu koo, wa é nyanale tɛrɛ ’ko la.

Jérémi 2:2

’I go, yé ’i siaa Jérusalɛm munu tɔné gi léma: Gakelebale léma: An sɔ i lɛ i boroné la bléyi va fɛan zo, a sele a an gi. Ko ke si é dɛrɛ bléyian va, an wea i lee fɛan zo, ’Té i go an zuo bwi gi, Féi ’ka fɛana lo, ana, a sele a an gi.

Ézékiɛl 20:15

Maa anbo ’nyɔɔn an bɛ nwale nya bwi gi léé, maa ’ka dan go lɛ wo nya tɛrɛ lé maa si a va wozé nya bɛ, a ta lo; tɛrɛ nyɔnɔzan lé é ke é zima é mini tɛrɛnu faa ta, yee lé.

Ézékiɛl 20:6

’Bɛ yi la, maa anbo ’nyɔɔn an bɛ nwale nya léé, maa dan wo si lɛ Éjipiti tɛrɛ la yé ’an go wo nya tɛrɛ do lé maa a si a va wozé nya, a ta; tɛrɛ nyɔnɔzan lé ke é zima é mini tɛrɛnu faa ta, yee lé.

Joɛl 3:18

’Bɛ bléyi va, dɔrɔ dɛrɛ é dan si lɛ gɔnu gi, ’té éé yoroan, Dirinyɔyi é dan si lɛ gɔpanénu gi ’té éé yoroan, Yé ’yi é dan kɛlɛ lɛ Juda ’yiyorona faa gi; ’Yibɔna do é dan fɔn lɛ Gakelebale lé kɔn gi, Yé alé ’yinu é dan gɔworona lé wa laama Sitim, ana vo lɛ drɔɔdrɔɔ.

Mi Nɔnɔle 14:23

munu faa ’ko, tɛrɛ lé maa anbo ’nyɔɔn wo tranu lɛ léé, maa dan a nɔ lɛ wo lɛ, wo va mi do kpen ’ka dan tɛrɛ ’ko ye lɛ monomono lo. Wo yuɛ vɔ an zi, amalé wo va mi do kpen ’ka dan a ye lɛ lo.

Mi Nɔnɔle 26:63

Izraɛl munu lé Moizi valé Balebanzan Éléazaa wo nɔnɔ Moab lé fɛna pɛblɛɛna, Juudɛn yuu sɔnɔ, Jériko yarazia, wo lé ke bɛ.

Bélidɔwesɛbɛ Fiézan 1:3

Wolé tawo lɛɛ yɔ fiézan gi, ’bɛlé moné vu ta dozan lé yi vininzan nya, Moizi we fe Izraɛl lé nénu lɛ. We faa lé Gakelebale a pa a ’léé, léé, ’é a fe, é a fe wo lɛ.

Bélidɔwesɛbɛ Fiézan 2:14

Ko ta sia Kadɛs‐Baanéa fɔɔ yé ko bɔ Zérɛd yuu va, é kɛlɛ lɛɛ yɔ do wɔlɛ vu ta sɔraa; ko tawoo fɔɔ gɔnénu lé woo bɔa gulidanle lɛ yé wo faa ga, Gakelebale ’ébo ’nyɔɔn wo lɛ fɛan zo, a zo.

Bélidɔwesɛbɛ Fiézan 2:7

Naa, Gakelebale, kalé Bale, é kalé nyanama faa drɔɔ vo; ta lé ka a wo bwi blɛn ta ’ko, é a gi dɔɔ. Ka lɛɛ yɔ fié lo, ’té yee Gakelebale, kalé Bale a ka va; fɛ do kpen ’ka vuru lɛ ka ma lo.

Bélidɔwesɛbɛ Fiézan 8:4

Lɛɛ yɔ fié ’ko gi, kalé sɔ ’ka fwi lɛ lo, yé ka gane ’ka zii lɛ lo.

Ébrunu 3:11

Bɛwemalé an bli fli yé maa anbo ’nyɔɔn léé, Maa ’ka dan anlé flinle nɔ lɛ wo lɛ lo.

Jozué 1:6

’Ibo dɔ gligli, yé ’i bli ta dɔ plɛplɛ, naa, tɛrɛ lé maa a fe ka tranu lɛ anbo ’nyɔɔnle nya lé maa dan a nɔ lɛ wo lɛ, mi lé é dan munu ’ko nyana lɛ a ta, bii ɛ ke a nya.

Jozué 24:7

Ka tinu siaa Gakelebale lɛ yé Gakelebale gunu dɔra wo valé Éjipitinu méléna, é wɛyi zén wo ta yé é wo mini. We lé maa a kɛlɛ Éjipiti munu lɛ, ka ana ye. Yé ka mɔn bwi la.

Jozué 5:5

Munu faa ’ko lé wo si Éjipiti, wo wo gane dɔ; naa, munu faa lé wo wo yaa zia nyéné saa lé fɛna wo sile Éjipiti tɛrɛ la zuo, wo ’ka wo gane dɔ lɛ lo.

Jozué 5:7

Wolé nénu dɔ wo pai; naa, wo ’ka wo gane dɔ lɛ zia lo, yé wo ’ka ganedɔmunu nya lo, yé Jozué wo gane dɔ.