Jozué 5:13 - Kazambale lé Sebe Sauunu 1979

¹³ Naa, Jozué bɔ aan wo Jériko sɔnɔ, é yara nwa loru, yé é a nagini yé bé ye, mi do a é dɔle a yara tegele, élé gwɔun nya é lee. Jozué go a va yé é lé a lɛ léé: I a ko va laa, i a ko nyanézannu vaa?

Jozué 5:13 ပူးပေါင်းရင်းမြစ်များ

Wepélisiananu 18:1

Gakelebale bɔra Abraam va Mamré sɛnéyilinu méléna, ’té é a é nyanale élé sɔkɔn ’léé é yiéyi, yiri plɛplɛ nya.

Wepélisiananu 18:2

Abraam é yara nwa yé é a nagini; i yua, mi yaa a é dɔle alé fɛna sɔnɔ. É wo ye aan wo, é nwa élé sɔkɔn ’léé yé é go wo si lɛ zia vlan nya, yé é dia é bli la wo gane wuo.

Wepélisiananu 28:16

Jakɔb vuo yi fla yé é léé: Wezen lé, Gakelebale a fɛkona yé maa ’ka a gi dɔɔ lɛ lo.

Wepélisiananu 33:1

Jakɔb yara nwa yé é a nagini, ’té Ézau a dana mi wuru fié nya é va. Yé Jakɔb nénu guli Léa koo, Rasɛl koo, wuolomu fié koo, wo ma.

Wepélisiananu 33:5

Ézau é yuɛ vɔ yé é lomu valé nénu ye yé é léé: De lé nénu ɛ ke i va bɛɛ? Yé Jakɔb léé: Nénu lé Kazambale a nɔ i wuozan lɛ, wo lé.

Minwiinzannu lé Wezuofe Sɛbɛ 12:22

Yi faa do do ma, munu éé dan David va, bɔle a va we gi, fɔɔ wo kɛlɛ kiɛre bélé Kazambale lé sunya palu do zo bwi gi.

Minwiinzannu lé Wezuofe Sɛbɛ 21:27

Yé Gakelebale we fe lanje lɛ yé élé gwɔun wɔra é kɔlɛ gi.

Minwiinzannu lé Wezuofe Sɛbɛ 21:30

David ’ka go lɛ balebanna ’kona Kazambale naginile we gi lo, Gakelebale lé lanje lé gwɔun kana blɛn zén a gi, ’bɛzama.

Fwile 23:23

Anlé lanje é dan tawo lɛ i ’lɛ, yé é dan go lɛ i nya, Amorénu koo, Étinu koo, Férézinu koo, Kanaannu koo, Éévinu koo, Jébusinu koo, wo va, yé maa dan wo si lɛ tɛrɛ la tata.

Daniɛl 10:5

Maa yuɛ vɔ, maa a nagini, yé an mi do ye é dɔle, ’té lɛnsɔ a a ta, yé Ufaz kyan kyɛsidi a é dɔle a gyɛn.

Daniɛl 8:3

An yuɛ vɔ yé maa nagini, ’té ’blagɔné do a é dɔle yuu ma yé a bélinu a. A bélinu a é torole, naa, a do torole mini é bɔlu do ta yé yee ɛ bɔra é voéla.

Zakari 1:8

Maa nagini é béli, ’té mi do a wisoo kanakana ta, ’té é a é dɔle miiteyilinu méléna furɔ va; ’té wisoo kanakananu koo, a gbamblɛnu koo, a funu koo, ’té wa zuo.

Mi Nɔnɔle 22:23

Gakelebale lé lanje lé é ke é dɔle zia, gwɔun soile do nya é lee bɛ, sokofale tina a ye, yé é si zia yé é gyɛ a nya féi gi. Balaam sokofale tina bla, gole a nya é ziin zi ta we ma.

Mi Nɔnɔle 22:31

Gakelebale Balaam yuɛ lɛ so, yé Balaam Gakelebale lé lanje ye é dɔle zia, ’té gwɔun soile do a a lee, yé é zun yé é dia é bli la.

Kelewenu 1:10

É a gona bléyian va la gi, ’té wo yuɛ a a zuo téiin bɛ, tɔɔn, mi fié lé sɔ fu ke wo ta, wo bɔra wo ma,

Jozué 6:2

Gakelebale lé Jozué lɛ léé: Bé ye, Jériko koo, a nwiinzan koo, alé gulizilɛ sunyanu koo, an wo nɔ i lɛ.

Wegɔɔnle 1:13

yé kyan fintrannu méléna mi do lé é ke bélé blami be zo, maa a ye. Varɔ grɔgrɔ a a ta, ’té kyan kyɛsidi a a golɛ ta.

Weblezannu 13:11

Manoas nwa yé é go é na zuo yé é go gɔnézan va yé é lé a lɛ léé: Bii ɛ we fe le ’ko lɛɛ? É a zi pa léé: Maa lé.

Weblezannu 13:22

yé é lé é na lɛ léé: Ko Bale ye, amalé ko dan ga lɛ.