Jozué 5:1 - Kazambale lé Sebe Sauunu 1979

¹ Amorénu nwiinzannu faa lé wo ke é nyanale Juudɛn yuu zi yirivɔnazia, wo valé Kanaannu nwiinzannu faa lé wo ke é nyanale wɛyi sɔnɔ, wa ’ma aan wo léé, Gakelebale Juudɛn ’yinu kini ékema yé é tɛrɛ gale bɔra Izraɛl lé nénu lɛ fɔɔ yé wo faa gié, wo gi nyɛ kini yé wo fuu faa si wo ta Izraɛl lé nénu ’lɛ.

Jozué 5:1 ပူးပေါင်းရင်းမြစ်များ

Wepélisiananu 12:6

Abram gié ana tɛrɛ la fɔɔ yé é bɔ fɛ lé wana tɔ laama Sisɛm, ana, fɔɔ fɛna dégélé lé wana tɔ laama Moré, ana. Kanaan munu ana ’bɛ bléyi va yee tɛrɛ ’ko la.

Wepélisiananu 48:22

Maa dan izé nɔ lɛ bélé i bwenu zé zo, yé maa izé taa pa. Tɛrɛ lé maa a si Amoré munu lee anlé gwɔun valé anlé sa nya, yee lé maa izé taa pa a nya.

2 Samuɛl 21:2

Minwiinzan Gabaɔn munu laa, wefele wo lɛ we gi. Gabaɔn munu ’ka Izraɛl lé nénu nya lo, naa, Amoré munu kulu do lé wo nya; Izraɛl lé nénu Bale kun léé, wo ’ka dan wo gyɛ lɛ lo, naa, Izraɛl lé nénu valé Juda lé we a Saul bli gi blɛn, amalé é sɔ a lɛ léé, ’é Gabaɔn munu kulu ga.

1 Minwiinzannu 10:5

alé tablé tafɛ koo, a wuozannu lé kɔnnu koo, a wuozannu lé nyanama valé wolé sɔ koo, alé nwɛminikana sizannu koo, balebanwi lé éé a kyɛ blé Gakelebale lɛ koo, Séba munu nwiin le a faa ye. A fuu si a ta yé é lé minwiinzan lɛ léé:

Ezidras 9:1

We ’ko nyaale zuo, minwiinzannu da an va yé wo léé: Izraɛlnu koo, Balebanzannu koo, Lévinu koo, wo ’ka wo kan kini lɛ tɛrɛ ’ko la munu ma lo, yé wa wolé bozowe zuo sonana. Kanaannu koo, Étinu koo, Férézinu koo, Jébusinu koo, Amɔnnu koo, Moabnu koo, Éjipitinu koo, Amorénu koo, wa wolé bozowenu zuo sonana.

Lɛrɛvɔ Sɛbɛ 135:11

Amorénu nwiinzan Sioni koo, Bazan tɛrɛ nwiinzan Ɔg koo, Kanaan tɛrɛ nwiinzannu faa koo, é wo gyɛ;

Fwile 23:28

Maa dan gyebenu nwunvɔ lɛ ka ’lɛ, yé Éévinu koo, Kanaannu koo, Étinu koo, yee gyebenu é dan wo bin lɛ i ma baa.

Ézai 41:5

Wɛyiworona tɛrɛ lamunu a ye, yé kana zén wo gi, Munu lé wo ke tɛrɛ glɛ sinanu na, wo ma éé nyɔɔn‐an, Wo bié, wo da.

Ézékiɛl 16:3

Bé fe léma: Mizan Gakelebale lé Jérusalɛm munu lɛ léma: Dé é a i punsina valé i yaale nya, i a Kanaan mi nya. I ti a Amoré mi nya yé i bu a Éti le nya.

Ézékiɛl 21:7

Blami be, ’i yara dɔ Jérusalɛm la, yé ’i we fe fɛna sauunnu ma. ’I balelawe fe Izraɛl tɛrɛ ma.

Daniɛl 5:6

Minwiinzan blɛn kɔlɛ fuola yé é gibɔrɔ pa a ma. A sowɔlɛ so é ke ’léé, yé a powuonu vo tɔɔtɔɔ.

Amɔs 2:9

dɔlé té Amoré munu lé wo ke grɔgrɔ bélé sɛdrɛyilinu zo, ’té wa plɛplɛ bélé sɛnéyilinu zo, maa ’bɛnu sɛrɛ Izraɛlnu ’lɛ. Maa ’bɛnu poronu sɛrɛ loru, yé maa ’bɛnu suninu sɛrɛ tɛrɛ gi.

Mi Nɔnɔle 13:29

Amalɛk munu éé nyanaan yirinwana bɛyilazia. Étimunu koo, Jébusimunu koo, Amorémunu koo, woo nyanaan gɔ nwiin, yé Kanaanmunu éé nyanaan wɛyi sɔnɔ, é valé Juudɛn yuu bɛ fiénu ta.

Jozué 17:12

Manasé benu ’ka bɔ lɛ fla ’konu sile lɛ lo yé Kanaan munu a a va lé, ’wo vo tɛrɛ ’ko la.

Jozué 17:18

Gɔ é dan kɛlɛ lɛ kazé nya, naa, é a pɔrɔ lé ka dan a wo lɛ, a nya, yé a pagi fɛnu é dan kɛlɛ lɛ kazé nya, yé dé Kanaan munu lé foliɛwɔlɛ goro anaoo, dé wa plɛplɛoo, ka dan wo bin lɛ.

Jozué 24:15

Yé dé ka ’ka Gakelebale bɔle yé we zin nya lo, dé é sɔ ka lɛ ka mian bɔ, kazé si a va kyɔ, dé balenu lé ka tinu a bɔ yuu zi, dé ’bɛnu léé, dé Amorénu lé ka nyanaan wolé tɛrɛ la bɛ, dé wozé balenu léé, naa, maa koo, anlé kɔngimunu koo, ko dan Gakelebale bɔ lɛ.

Jozué 3:16

’yinu lé wo si loru zia, wo dɔ yé wo téé é kunu nya; wo sina a baa, Adam lé fla sɔnɔ, ’té é ke Saatan bɛ do la; yé ’yinu lé woo yoroan fɛna pɛblɛɛ lé wɛyi vazia, Wɛminiélɛ Wɛyi vazia, wo béli tata. Munu gié Jériko yara tegele.

Jozué 3:17

Balebanzannu lé woo goo Gakelebale lé gipawe pagikɛsu nya, wo dɔ kli tɛrɛ gale ta Juudɛn méléna, ’té Izraɛl faa éé giéan tɛrɛ gale ta, fɔɔ yé wo giéle nyaa a zo.

Wegɔɔnle 18:10

Wo dan dɔ lɛ baa, kanale alé nyanéblele lee we ma, yé wo dan a fe lɛ léé: Yuuu! An bu loo! Fla blɛn Babilɔn, fla plɛplɛ! Ilé we nyaa ’bɛ zo bléyi do nyaa?

Weblezannu 1:1

Jozué gale zuo, Izraɛl lé nénu we laa Gakelebale lee léé: Ko va mi kyɛɛn ɛ dan nwa lɛ é vinin gulidanle Kanaannu va we maa?

Weblezannu 11:23

Yé sin, Gakelebale, Izraɛl lé Bale, é Amorénu bin élé munu Izraɛl ’lɛ, bii ɛ dan wolé tɛrɛ kɛlɛ lɛ izé nyaa?

Weblezannu 3:3

Filisitinu nwiinzannu soru koo, Kanaannu faa koo, Sidɔnnu koo, Éévinu lé wo ke é nyanale Liban gɔ ma, é si Baal‐Eɛmɔn gɔ ma fɔɔ yé é bɔ wɔrana Amat, wo koo, woo bɛnnu ’ko lé.

Weblezannu 4:2

Gakelebale wo dan Kanaan nwiinzan Jabɛn lé é pla munu nwiin Asɔɔ, a lee. Alé sunyanu nwiinzan a Sizéra nya, yé é nyana Arosɛt‐Goim.

1 Samuɛl 25:37

Naa, é bladi, nwɛ si Nabal yuɛi, yé we lé é bɔ, a na a faa zuo fe a lɛ. Nabal zuru dia yé é kɛlɛ bélé gɔlɛ zo.