Jozué 4:24 - Kazambale lé Sebe Sauunu 1979

²⁴ tɛrɛlamunu faa lé a gi dɔɔle we ma lé Gakelebale bɛ a plɛplɛ, yé kanale Gakelebale kazé Bale lee ’é vo ka gi yifaama.

Jozué 4:24 ပူးပေါင်းရင်းမြစ်များ

1 Minwiinzannu 8:40

yé wo dan kana lɛ i lee, bléyi lé wo nyana, tɛrɛ lé bé nɔ ko tranu lɛ, a ta, ’bɛ bléyi faa va.

1 Minwiinzannu 8:60

tɛrɛ la bɛnnu faa lé a gi dɔɔle we gi léé, Gakelebale ɛ ke Bale nya, a bɛ ’ka lo.

2 Minwiinzannu 19:19

Sin, Gakelebale, kolé Bale! ’I ko si Sansérib lee ma, yé tɛrɛ la bɛnnu faa a gi dɔɔ léé, bii do kpen ɛ ke Bale nya, oo Gakelebale!

2 Minwiinzannu 5:15

Naaman valé é vamunu faa nɔla Bale lé mi va é ziin. É bɔ aan wo é go a va yé é léé: Bé ye, maa gi dɔɔ léé, Bale ’ka tɛrɛ bɛ la lo, ’té dé é ’ka Izraɛl tɛrɛ nya lo. Yé sin, ilé zanté, blɛ lé i wuozan é dan a kɛlɛ lɛ i lɛ, bé si.

Minwiinzannu lé Wezuofe Sɛbɛ 29:12

Fuafɛnu valé fuasan éé sié bii ɛ va, bii ɛ plaan fɛnu nwiin, gla kɛlɛle valé plɛplɛ a bii ɛ lee, i bɛ ɛ sɔa fɛ blɛnnu faa kɛlɛle valé wo dɔle gligli nya.

JOB (Job) 40:9

Dé bé kɛlɛ Maa dan i bɛ plɛplɛ tɔ bɔ lɛ.

Lɛrɛvɔ Sɛbɛ 106:8

Naa, Bale wo si we gi é tɔ lé we ma, ’Élé plɛplɛ tagɔɔnle munu lɛ we gi.

Lɛrɛvɔ Sɛbɛ 89:13

Bii ɛ yirinwana bɛbolazia valé yirinwana bɛyilazia kɛlɛ. Tabɔɔ gɔ valé Eɛmɔn gɔ gi éé nanaan i tɔ lé we ma.

Lɛrɛvɔ Sɛbɛ 89:7

Naa, lagimunu va, mi kyɛn ɛ bɔa ébo danle lɛ Gakelebale maa? Bale benu va, mi kyɛn ɛ ke bélé bii zoo?

Fwile 14:31

Gakelebale bɛ plɛplɛ lé é we kɛlɛ Éjipiti munu lɛ a nya, Izraɛl a ye. Yé munu kanaan Gakelebale lee, yé wo bli vo Gakelebale valé é wuozan Moizi lɛ.

Fwile 15:16

Kanale valé di kinile é dan bɔ lɛ wo ma fiaa; I bɛ lé plɛplɛ lé we ma lé Wo dan kinin lɛ bobogyɛzannu nya bélé gɔlɛ zo, Fɔɔ yé ilé munu é gié, oo, Gakelebale, Fɔɔ yé ilé munu lé i wo ye izé nya, Yé wo gié.

Fwile 20:20

Moizi lé munu lɛ léé: Té ka kana lo; ka gi danle koo, kanale Bale lee kɛlɛle ka gi yé ka ’ka wenyané kɛla lo koo, ’bɛ lé we ma lé Kazambale da.

Fwile 9:16

Naa, é i vo ana, ilé ’élé plɛplɛ yele we gi yé wo ’é tɔ sɔɔla tɛrɛ faa la.

Ézai 52:10

Gakelebale a mi sauun nya fɛan zo, É a nagɔɔn bɛnnu faa yuɛ va; Kolé Bale éé mi sié we gi fɛan zo, Tɛrɛ glɛ sina munu faa é dan a ye lɛ.

Jérémi 32:40

Gipawe lé é dan vo lɛ ana lɛɛfaama, maa dan a kɛlɛ lɛ wo va. Maa ’ka dan an yara si lɛ wo ta é dɛrɛ lo, maa dan we zin kɛlɛ lɛ wo lɛ. Yé an dan an lee kanale pa lɛ wo bli gi, léé, té wo si an va lo.

Bélidɔwesɛbɛ Fiézan 28:10

Munu faa é dan a ye lɛ léé, Gakelebale tɔ a ka ta, yé wo dan kana lɛ ka lee.

Bélidɔwesɛbɛ Fiézan 6:2

Dé ka kana Gakelebale, kalé Bale lee, bélidɔwenu faa valé gɔnɔlawenu faa lé maa a gɔɔn ka lɛ, dé ka wo lɛdɔma, ka koo, ka benu koo, ka benu é benu koo, dé ka wo lɛdɔma kalé tɛrɛla faa gi, ka dan mɔn lɛ tɛrɛ la.

1 Samuɛl 17:46

Kyɔ Gakelebale é dan i pa lɛ an lee, an dan i gyɛ lɛ yé an dan i ’wuo kini lɛ; kyɔ an dan Filisitinu galenu nɔ lɛ lagi mianénu valé tɛrɛlawinu lɛ. Yé tɛrɛ faa é dan a gi dɔɔ lɛ léé, Izraɛl lé Bale ana.