Jozué 4:18 - Kazambale lé Sebe Sauunu 1979

¹⁸ Balebanzannu lé woo goo Gakelebale lé gipawe pagikɛsu nya, bléyian va lé wo si Juudɛn guru gi yé wo bɔra a gɔ la, Juudɛn ’yinu go ’wo pa gi, yé wo nwɛɛn é gɔnu faa la bélé é vinin zo.

Jozué 4:18 ပူးပေါင်းရင်းမြစ်များ

Minwiinzannu lé Wezuofe Sɛbɛ 12:15

Wo ɛ Juudɛn yuu kini moné vinin nya, bléyian va lé é bɔra bwi la, ’bɛ bléyi va, yé munu lé woo nyanaan gɔ woronanu, yirinwanazia valé yirivɔnazia, wona, yé wo wo bin.

Ézai 8:8

É dan go lɛ Juda tɛrɛ la, yé é dan ana mini lɛ fɔɔ yé é bɔ mi bɔrɔ ma. Yiba, Émanuɛl, é dan é bɛa soi lɛ yé é dan ilé tɛrɛ faa ta bua lɛ.

Jozué 3:13

Yé Balebanzannu lé woo goo Tɛrɛfaazan Gakelebale lé gipawe pagikɛsu nya, bléyian va lé wo dan wo gane vɔ lɛ Juudɛn yuu va, Juudɛn yoro é dan bɔi lɛ, ’yinu lé wo si loru, wo dan zun dɔ lɛ é kunu nya.

Jozué 3:15

’Sagyɛbléyi faa va, Juudɛn éé bɔraan bwi la, naa, Balebanzannu lé woo goo kɛsu nya, dé wo bɔ Juudɛn yuu ma, yé wo gane ma vo drɔɔdrɔɔ ’yi gɔɔn ma,

Jozué 4:11

Dé munu faa gié faa, Gakelebale lé kɛsu valé Balebanzannu gié munu ’lɛ.

Jozué 4:17

Yé Jozué a fe Balebanzannu lɛ léé: ’Ka si Juudɛn va.

Jozué 4:19

Moné vinin yi vuzan nya, munu si Juudɛn yuu va yé wo nyana ’wolé sɔkɔnnu gi Gilgal lé ke Jériko yirinwanazia glɛ la, ana.