Jozué 3:11 - Kazambale lé Sebe Sauunu 1979

¹¹ Ka ye, Tɛrɛfaazan lé gipawe pagikɛsu é dan gié lɛ ka ’lɛ Juudɛn va.

Jozué 3:11 ပူးပေါင်းရင်းမြစ်များ

Minwiinzannu lé Wezuofe Sɛbɛ 29:11

Gakelebale, fɛnu faa lé ke la gi valé fɛnu faa lé ke tɛrɛ la, wa izé nya, amalé kɛlɛle blɛn koo, plɛplɛ valé tɔ blɛn koo, vole é yuɛma lɛɛfaama valé fuasan koo, wo faa a bii ɛ zé nya; Gakelebale, bii a é nwale fɛnu faa ta loru i boan, amalé i plale mi nwiin yara lé.

JOB (Job) 41:11

Kyɛgoi éé bɔraan a nyé gi Bélé bɔ lé ke flina, a gi goi zo, bélé kanaguni gi kyɛgoi zo.

Lɛrɛvɔ Sɛbɛ 24:1

Lɛrɛ do lé David a vɔ. Tɛrɛ valé é tafɛnu faa a Gakelebale zé nya, Tɛrɛ valé munu lé woo nyanaan a ta, wa Gakelebale zé nya.

Lɛrɛvɔ Sɛbɛ 97:5

Gɔblɛnnu ’yi éé boo bélé yilinyɔnɔ zo Gakelebale ’lɛ, Tɛrɛ faazan ’lɛ.

Ézai 3:12

Nénu éé yaan anlé munu ta yé lomu a é plale wo nwiin. Anlé munu, kalé zigɔɔnzannu a ka saanna, yé zi lé ka ke tawona a ta, wa sɛrɛna.

Ézai 54:5

I kɛlɛzan a i zana nya, azama. A tɔ lé, lai sunyanu lé Gakelebale; Izraɛl lé Mi Sauun a i tabozan nya; A tɔ lé, tɛrɛ faa la munu lé Bale;

Jérémi 10:7

Bɛnnu nwiinzan, de ɛ ’ka kanaan i lee loo? Kanale i lee yara lé; Naa, bɛnnu lé wedɔɔmunu faa koo, bɛngɔnɔnu faa koo, I danmazan do kpen ’ka wo va lo.

Misé 4:13

Siɔn munu, ’ka nwa yé ’ka wo sunwo. Maa dan foliɛwɔlɛ béli nɔ lɛ ka lɛ yé maa dan zéné sɔnéwɔlɛnu nɔ lɛ ka lɛ, yé ka dan bɛn kiɛre ’wii lɛ yé ka dan wolé fɛ zinnu pa lɛ é yɛrama Gakelebale zé nya, yé ka dan wolé fuafɛnu pa lɛ é yɛrama Tɛrɛfaazan zé nya.

Sofoni 2:11

Gakelebale é dan kɛlɛ lɛ wo ma bawurumazan nya, naa é dan viébalenu faa kulu ga lɛ tɛrɛ la. Yé munu faa do do é dan si lɛ ’wolé tɛrɛ la, yé wo dan dia lɛ a ’lɛ. Wo dan si lɛ wɛyi worona tɛrɛnu faa ta é ziin.

Zakari 14:9

Gakelebale é dan kɛlɛ lɛ tɛrɛ faa nwiinzan blɛn nya. ’Bɛ yi la Gakelebale do kpen é dan kɛlɛ lɛ Gakelebale nya, yé yee do kpen tɔ é dan vo lɛ.

Zakari 4:14

Yé é léé: Mi fié lé woo dɔa Tɛrɛfaazan ’lɛ, ’té wo nyɔnɔ zén wo nwiin bɛ, wo lé.

Zakari 6:5

Lanje a zi pa an lɛ léma: Lagi fu ziɛnnu lé woo bɔraan fɛana lé wo ke é dɔle Tɛrɛfaazan ’lɛ ana bɛ, wo lé.

Bélidɔwesɛbɛ Fiézan 9:3

Amalé kyɔ, Gakelebale, kalé Bale é dan tawo lɛ ka ’lɛ bélé kyɛ lé éé fɛ faa blé, a zo, ’ka ’bɛ gi dɔɔ ma; yee ɛ dan wo kɛlɛ lɛ kiéné ka ’lɛ, yee ɛ dan wo kulu ga lɛ; ka dan wo bin lɛ, ka dan wo gyɛ lɛ do ’té, Gakelebale a fe ka lɛ fɛan zo, a zo.

Jozué 3:13

Yé Balebanzannu lé woo goo Tɛrɛfaazan Gakelebale lé gipawe pagikɛsu nya, bléyian va lé wo dan wo gane vɔ lɛ Juudɛn yuu va, Juudɛn yoro é dan bɔi lɛ, ’yinu lé wo si loru, wo dan zun dɔ lɛ é kunu nya.