Jozué 24:20 - Kazambale lé Sebe Sauunu 1979

²⁰ Bléyian va lé ka dan Gakelebale vo lɛ yé ka Bale bɛnu bɔ, é dan we tɔntɔn bɔ lɛ ka ma yé é dan ka sɛrɛ lɛ we zin kɛlɛle ka lɛ zuo.

Jozué 24:20 ပူးပေါင်းရင်းမြစ်များ

Minwiinzannu lé Wezuofe Sɛbɛ 28:8

Sin, Gakelebale lé zén‐ékevamunu faa yuɛ va, Izraɛl faa yuɛ va, kolé Bale lé é ke é tɔné dɔna ko lɛ, a yuɛ va, maa lé ka lɛ léé, ’ka Gakelebale, kalé Bale lé bélidɔwenu faa lɛdɔma ka bli faa nya, tɛrɛ zin ’ko kɛlɛle kazé nya we gi, yé é vo ka zarafɛ nya ka benu lee, lɛɛfaama a glɛ ’ka lo.

Minwiinzannu lé Wezuofe Sɛbɛ 28:9

Yé bii, an be Salomɔn, ’i i ti Bale dɔɔ ma, bé kun i bɛ fié nya, bélé nyanama pa i bli faa nya ma, naa, Gakelebale éé mi faa bli gi ginian fɔɔ yé é bɔ a wɔlɛ ma, yé é mibligiwe valé mi lé gibɔrɔlenu faa dɔɔ. Dé bé nagini, é dan zi nɔ lɛ i lɛ léé, i ’é ye; dé i sɔn vɔ a ma é dan sɔn vɔ lɛ i ma yifaama.

2 Minwiinmunu lé Wezuofe Sɛbɛ 15:2

yé Azaria go Aza va, yé é lé a lɛ léé: Aza, ’i tɔné dɔ an lɛ, bii valé Judanu valé Bɛnjamɛnnu. Bléyian va lé ka a Gakelebale va, ’té é a ka va. Dé ka a nagini, ka dan a ye lɛ; naa, dé ka sɔn vɔ a ma, é dan sɔn vɔ lɛ ka ma.

Ezidras 8:22

Ko a fe kɔɔn minwiinzan blɛn lɛ léé, Bale bɛ zin a é pale munu faa lé wa naginian, wo ta, we zin kɛlɛle wo lɛ we ma, naa, alé plɛplɛ valé alé bliflile a munu faa lé wo sɔn vɔ a ma, wo ma. Aléwemalé yara an gyɛ ganelasunyanu valé wisootasunyanu laale ma minwiinzan blɛn lee, léé, ’wo ko tabin ko nyanézannu lee zia.

Lɛrɛvɔ Sɛbɛ 89:31

Dé a benu sɔn vɔ anlé bélidɔwenu ma, Yé dé wo ’ka tawo lɛ an déretawenu ta lo,

Ézai 1:28

Naa, nwamimazannu valé wenyanékɛlɛmunu, wo faa é dan sɛrɛ lɛ tata, yé munu lé wo sɔn vɔ Gakelebale ma, wo dan zamaga wo lɛ.

Ézai 63:10

Naa, wo nwa a ma, yé wo a Léli Sauun bli kyɛ dɔ; yé é nɔla wo nyanézan nya, yé é guli dan wo va.

Jérémi 17:13

Gakelebaleoo, Bale, Izraɛl munu bli a bii ɛ lɛ. Munu faa lé wo sɔn vɔ i ma, yaragyɛwe é dan bɔ lɛ wo ma. Munu lé wo nwun zi dɔ an ta, wo dan wo tɔ gyɛ lɛ tɛrɛ va. Naa, maa Gakelebale lé an ke mi vo é yuɛma ’yi’wuo nya, wo sɔn vɔ an ma, azama.

Ézékiɛl 18:24

Dé mi tegele é yara si élé we tegele kɛlɛle ta ’té éé weple kɛla, dé é mi nyané lé bozowenu zuosona ’naan, é dan vo lɛ é yuɛmaa? Alé we tegele kɛlɛle sele é dan saan lɛ an gi, naa, é ébo nɔ weple valé wenyané kɛlɛle lɛ, amalé é dan ga lɛ.

Kelewenu 7:42

Yé Kazambale é nwun zi dɔ wo ta yé é wo vo lagifɛnu bɔna, é a é gyɛle balelayemunu lé sɛbɛ gi fɛan zo, a zo; wo léé: Izraɛl munu, wi lé ka gyɛ, é valé sarakanu lé ka bo bwi gi Lɛɛ yɔ fié wuo, an lɛ lé ka kɛlɛɛ?

Bélidɔwesɛbɛ Fiézan 4:25

Dé ka né yaa, dé kalé nénu é né yaa, dé ka mɔn ana tɛrɛ la, dé ka kabo sɛrɛ, dé ka miyili nyaa, dé ka fɛofɛan foto kɛlɛ, we lé ke é naané Gakelebale kalé Bale yuɛ gi, dé ka ’bɛ kɛlɛ yé ka a bli fli,

Bélidɔwesɛbɛ Fiézan 4:26

ka dan zamaga wo lɛ tɛrɛ lé ka go a si lɛ kazé nya Juudɛn yuu zi bɛ, a ta, ’té ka sele ’ka dɔa mi gi é dɛrɛ lo; kalé tɛrɛla é dan bɔi lɛ a ta, yé ka kulu é dan ga lɛ tata; maa la valé tɛrɛ kɛlɛ anlé wenayezannu nya kyɔ yé wo ka ma we fe.

Ébrunu 10:38

Yé anlé mi tegele é dan béli lɛ blipale ma, naa, dé é diéra, an gi ’ka dan nana lɛ alé we ma lo.

Jozué 24:21

Munu lé Jozué lɛ léé: Gbaoo gba! Naa, ko dan Gakelebale bɔ lɛ.

1 Samuɛl 12:15

Naa, dé ka ’ka Gakelebale dére lɛdɔ lɛ a ma lo, dé ka sɔn vɔ Gakelebale dére ma, Gakelebale bɛ é dan kɛlɛ lɛ ka ma, é kɛlɛ ka tinu ma fɛan zo, a zo.

1 Samuɛl 12:25

Dé ka wenaané kɛlɛ, ka dan zamaga wo lɛ, ka valé ka nwiinzan blɛn nya.