Jozué 24:11 - Kazambale lé Sebe Sauunu 1979

¹¹ Ka Juudɛn kini yé ka bɔ Jériko. Jériko munu guli dan ka va, Amorénu koo, Férézinu koo, Kanaannu koo, Étinu koo, Giigazinu koo, Éévinu koo, Jébusinu koo, woo lé.

Jozué 24:11 ပူးပေါင်းရင်းမြစ်များ

Wepélisiananu 15:19

Kéni munu koo, Kénizi munu koo,

Lɛrɛvɔ Sɛbɛ 105:44

É bɛn bɛnu lé tɛrɛ nɔ wo lɛ, Yé nyanama lé bɛn bɛnu a pa, wo a tɔnɔ ble,

Lɛrɛvɔ Sɛbɛ 114:3

Wɛyi ’bɛ ye tɔɔn, é fwi, Juudɛn yuu nɔla é zuozia;

Lɛrɛvɔ Sɛbɛ 114:5

Wɛyi, mɛ ɛ kɛlɛ i lɛ yé i ke fwinaa? Juudɛn yuu, mɛ ɛ kɛlɛ i lɛ yé i nɔla i zuoziaa?

Fwile 13:5

Kanaan munu koo, Éti munu koo, Amoré munu koo, Éévi munu koo, Jébusinu koo, wolé tɛrɛ lé Gakelebale ébo ’nyɔɔn ka tranu lɛ léé, é dan a nɔ lɛ ka lɛ, dé ka wɔra yee tɛrɛ nyɔnɔzan ’ko ta, ka dan Gakelebale bɔ lɛ a bɔbɛ ’ko nya moné ’ko duo nya.

Fwile 23:23

Anlé lanje é dan tawo lɛ i ’lɛ, yé é dan go lɛ i nya, Amorénu koo, Étinu koo, Férézinu koo, Kanaannu koo, Éévinu koo, Jébusinu koo, wo va, yé maa dan wo si lɛ tɛrɛ la tata.

Fwile 23:28

Maa dan gyebenu nwunvɔ lɛ ka ’lɛ, yé Éévinu koo, Kanaannu koo, Étinu koo, yee gyebenu é dan wo bin lɛ i ma baa.

Fwile 23:31

Maa dan ilé tɛrɛ glɛ dɔ lɛ, é sia Wɛyi Sɔɔn ma fɔɔ yé é bɔ Filisitinu lé wɛyi ma, yé é sia bwi ma fɔɔ yé é bɔ yuu ma; naa, maa dan ana tɛrɛlamunu pa lɛ ka lee, yé ka dan wo bin lɛ ka ’lɛ.

Fwile 3:17

yé é léé, ’é dan ka fwi lɛ Éjipiti tɛrɛ la, fɛna lé ka ke nyané blena, ana, yé ’é go ka nya Kanaannu koo, Étinu koo, Amorénu koo, Férézinu koo, Éevinu koo, Jébusinu koo, wolé tɛrɛ la, tɛrɛ nyɔnɔzan ta.

Fwile 3:8

Maa zun wo sile Éjipiti munu lee we ma, wo sile tɛrɛ ’ko la yé ’wo go tɛrɛ blɛn zima ta we gi, wo gole tɛrɛ nyɔnɔzan ta we gi. Kanaannu koo, Étinu koo, Amorénu koo, Férézinu koo, Éévinu koo, Jébusinu koo, wa é nyanale tɛrɛ ’ko la.

Fwile 33:2

Maa dan lanje do pa lɛ zia ka ’lɛ, yé Kanaan munu koo, Amoré munu koo, Éti munu koo, Férézi munu koo, Éévi munu koo, Jébusi munu koo, maa dan wo bin lɛ.

Kelewenu 13:19

É bɛn sɔrafié gyɛ Kanaan tɛrɛ la; ’bɛ zuo yé é ’bɛnu lé tɛrɛ nɔ wo lɛ wozé nya.

Kelewenu 7:45

Dé kaa tranu sɔkɔn ye, wo goan yé wo bɔra a nya bɛnnu lé Kazambale wo bin wo ’lɛ, wolé tɛrɛ la, ’té Jozué a wo zilɛzan nya. Yee sɔkɔn vo ana fɔɔ yé é bɔ David zé bléyi ma.

Bélidɔwesɛbɛ Fiézan 7:1

Tɛrɛ lé ka dan a si lɛ kazé nya bɛ, dé Gakelebale kalé Bale ka bɔ ana, é dan bɛn kiɛre bin lɛ ka ’lɛ; bɛn lɛ sɔrafié lé wo blɛn mini ka lɛ, yé wolé plɛplɛ mini ka lɛ, woo lé; Étinu koo, Giigazinu koo, Amorénu koo, Kanaannu koo, Férézinu koo, Éévinu koo, Jébusinu koo, woo lé.

Jozué 3:10

Jozué léma: Bale yuɛmale a ka méléna, yé Kanaannu koo, Étinu koo, Éévinu koo, Férézinu koo, Giigazinu koo, Amorénu koo, Jébusinu koo, é dan wo bin lɛ ka ’lɛ; ka dan ’bɛ gi dɔɔ lɛ ’ko zo:

Jozué 4:1

Dé munu faa Juudɛn kini faa, Gakelebale lé Jozué lɛ léé:

Jozué 4:19

Moné vinin yi vuzan nya, munu si Juudɛn yuu va yé wo nyana ’wolé sɔkɔnnu gi Gilgal lé ke Jériko yirinwanazia glɛ la, ana.

Jozué 4:23

Naa, Gakelebale, kazé Bale é Juudɛn yuu kini ékema yé é tɛrɛ gale bɔra a worona ka lɛ, fɔɔ yé ka gié, fɛan zo lé Gakelebale, kazé Bale a kɛlɛ Wɛyi Sɔɔn lé é a kini ékema yé é tɛrɛ gale bɔra ko lɛ fɔɔ yé ko gié, ana, a zo,