Jozué 23:16 - Kazambale lé Sebe Sauunu 1979

¹⁶ Gipawe lé Gakelebale, kalé Bale, a kɛlɛ ka va, dé ka a sɛrɛ, dé ka bale bɛnu bɔ yé ka dia wo ’lɛ, Gakelebale lé bliflile é dan nwa lɛ ka ma yé ka dan zamaga wo lɛ é nya do, tɛrɛ zin lé é a nɔ ka lɛ, a ta.

Jozué 23:16 ပူးပေါင်းရင်းမြစ်များ

1 Minwiinzannu 14:15

Gakelebale é dan Izraɛl bla lɛ, yé é dan kɛlɛ lɛ bélé gyan lé ’yinu a nyɔɔn‐an, a zo; tɛrɛ zima lé é a nɔ Izraɛl tranu lɛ, é dan a si lɛ Izraɛl lee, yé é dan wo nwɛɛn lɛ yuu zi, wo miyilinu kɛlɛ yé wo Gakelebale bli fli, azama.

1 Minwiinzannu 9:6

Naa, dé ka si an va, ka valé ka benu nya, an sɔnnénu valé anlé bélidɔwenu lé maa wo fe ka lɛ, dé ka ’ka wo ta tawo lɛ lo, dé ka go bale bɛnu bɔ lɛ yé ka dia ka bli la wo ’lɛ,

1 Minwiinzannu 9:7

maa dan Izraɛl si lɛ tɛrɛ lé maa a nɔ a lɛ, a ta; kɔn lé maa an tɔ pa a ma, maa dan a si lɛ an yuɛi, yé Izraɛl é dan kɛlɛ lɛ yérisiémazannu valé gɔnévɔmazannu nya bɛnnu faa va.

2 Minwiinzannu 17:7

Gakelebale, Izraɛl munu lé Bale, lé é wo si Éjipiti tɛrɛ la, Éjipiti nwiinzan blɛn Faraɔn lee, Izraɛl munu wenyané kɛlɛ a ma yé wo kana bale bɛnu lee, amalé we ’ko bɔ.

2 Minwiinzannu 24:20

Gakelebale bli fli Jérusalɛm valé Juda ma, yé é a a va léé, ’é wo si é yuɛ gi, amalé we ’ko kɛlɛ. Yé Sédésias nwa Babilɔn minwiinzan blɛn ma.

Ézai 24:5

Ana munu tɛrɛ sɛrɛ, naa, wo bélidɔwenu sɛrɛ, yé wo Bale déretawenu lɛgama, gipawe lé a glɛ ’ka lo, wa sɛrɛ, azama.

Jérémi 32:23

Wo da, yé wo tɛrɛ ’ko si wozé nya, naa, wo ’ka i dére lɛdɔ lɛ a ma lo, yé wo ’ka ilé bélidɔwe tawe kɛlɛ lɛ monomono lo; we faa lé i wo béli dɔ a nya léé, ’wa kɛlɛ, wo ’ka a kɛlɛ lɛ lo. Amalé i we tɔntɔnnu faa ’ko bɔ wo ma.

Jérémi 32:24

Bé ye, wa tɛrɛ ’bin gyɛna fla ma yé wa bon‐ɛnna a nya; Kaldé munu lé wo nwa fla ’ko ma bɛ, wo dan fla ’ko si lɛ, gwɔun koo, lɔrɔ koo, migyɛgyɛ koo, ’té wo Izraɛl kele é wo bɛ. I wean fe, é bɔ, yé bé ye.

Mi Nɔnɔle 33:56

Yé we lé é sɔ kɔɔn an lɛ léé, maa kɛlɛ wo lɛ, maa dan a kɛlɛ lɛ ka lɛ.

Bélidɔwesɛbɛ Fiézan 17:3

dé é go bale bɛnu zuo yé é wo bɔ yé é dia é bli la wo ’lɛ, yiri koo, moné koo, lagifɛ gbaunu koo, dé é go wo zuo, maa ’ka ka béli dɔ lɛ léé, ’ka ’bɛnu bɔ lo.

Bélidɔwesɛbɛ Fiézan 28:15

Naa, dé ka ’ka Gakelebale, kalé Bale dére lɛdɔ lɛ a ma lo, yé bélidɔwenu faa valé a sɔnnénu faa lé maa wo fe ka lɛ kyɔ, dé ka ’ka vo lɛ wo la yé ka wo pa lo, bale lé é dan a pa lɛ ka ma yé é ka kun, yee lé ke ’ko:

Bélidɔwesɛbɛ Fiézan 6:15

naa, Gakelebale, kalé Bale é a maawo Bale nya ka méléna. A bli é dan fli lɛ ka ma yé é dan ka si lɛ tɛrɛ la tata.

Weblezannu 2:14

Gakelebale bli fli Izraɛl ma. É wo pa gulizarafɛ sizannu lee, yé ’bɛnu gulizarafɛnu si wo lee. É wo dan wo nyanézannu lé wo ke wo zi, wo lee, yé wo ’ka bɔa lɛ yé wo dɔ wo nyanézannu ’lɛ é dɛrɛ lo.

Weblezannu 2:20

Yé Gakelebale bli fli Izraɛl ma, yé é léma: Bɛn ’ko, gipawe lé maa a kɛlɛ wo tranu va, wa sɛrɛ yé wo ’ka an dére lɛdɔ lɛ a ma lo, bɛwemalé bɛn bɛnu lé Jozué wo vo yé é ga,

1 Samuɛl 12:25

Dé ka wenaané kɛlɛ, ka dan zamaga wo lɛ, ka valé ka nwiinzan blɛn nya.