Jozué 23:15 - Kazambale lé Sebe Sauunu 1979

¹⁵ Dére zinnu faa lé Gakelebale, kalé Bale a fe ka lɛ, wo lɛ sɔɔ fɛan zo, a zo duo lé Gakelebale é dan dére naanénu faa lɛ sɔɔ lɛ, fɔɔ yé é ka guru zana a gi tɛrɛ zin lé Gakelebale, kalé Bale a nɔ ka lɛ, a ta.

Jozué 23:15 ပူးပေါင်းရင်းမြစ်များ

1 Minwiinzannu 14:15

Gakelebale é dan Izraɛl bla lɛ, yé é dan kɛlɛ lɛ bélé gyan lé ’yinu a nyɔɔn‐an, a zo; tɛrɛ zima lé é a nɔ Izraɛl tranu lɛ, é dan a si lɛ Izraɛl lee, yé é dan wo nwɛɛn lɛ yuu zi, wo miyilinu kɛlɛ yé wo Gakelebale bli fli, azama.

1 Minwiinzannu 8:56

Gakelebale lé é flinle nɔ élé munu Izraɛl lɛ, blivolɛdére faa lé é a fe bɛ, a yɛrama, ’wa drɔɔ vo ma. Dére néné faa lé é a fe é wuozan Moizi lɔlu nya, a do kpen ’ka vo lɛ é pla lo.

Ézai 24:6

Amalé bale pale wo ma é dan wolé tɛrɛ sɛrɛ lɛ, yé ana munu é dan ’wolé wenyané ma ban ye lɛ; bɛwemalé tɛrɛ é dan ana munu ble lɛ yé wo ’léé é dan vo lɛ kiéné.

Jérémi 32:24

Bé ye, wa tɛrɛ ’bin gyɛna fla ma yé wa bon‐ɛnna a nya; Kaldé munu lé wo nwa fla ’ko ma bɛ, wo dan fla ’ko si lɛ, gwɔun koo, lɔrɔ koo, migyɛgyɛ koo, ’té wo Izraɛl kele é wo bɛ. I wean fe, é bɔ, yé bé ye.

Jérémi 32:42

Naa, Gakelebale léma: Fɛan zo lé an kleblele blɛn dia munu ’ko ta, a zo duo lé, wezinnu lé maa wo ma blivolɛ dére fe wo lɛ, maa dan wo kɛlɛ lɛ wo lɛ.

Jérémi 35:17

Amalé Gakelebale lai sunyanu lé Bale, Izraɛl munu lé Bale léma: Ka ye, we tɔntɔnnu faa lé maa wo lɛ kini Juda munu koo, Jérusalɛm munu koo, wo lɛ, maa dan wo kɛlɛ lɛ wo lɛ. An wo laa, yé wo ’ka we lɛ lo, azama.

Lévinu 26:3

Dé ka tawo anlé bélidɔwenu ta, dé ka an sɔnnénu pa yé ka tawo wo ta,

1 Tɛsalɔnik munu 2:16

Ko a a va léé, ko we fe yolémunu lɛ wo sile we gi we ma, naa, Juifinu tun dɔ kolé wefele gi, yé wo yara pa wolé wenyané kɛlɛle ta fɔɔ yé ’bɛ lɛ sɔɔ. Naa, Kazambale bli fli wo ma.

Weblezannu 13:1

Izraɛl lé nénu Gakelebale ’namawe kɛlɛ é ziin; yé Gakelebale wo pa Filisitinu lee, lɛɛ yɔ fié wuo.

Weblezannu 3:12

We lé é ’ka sɔ lɛ Gakelebale lɛ lo, Izraɛl lé nénu a kɛlɛ é ziin; Gakelebale plɛplɛ nɔ Moab nwiinzan Églɔn lɛ Izraɛl ma; we lé é ’ka sɔ lɛ Gakelebale lɛ lo, wa kɛlɛ, azama.

Weblezannu 3:8

Bɛwemalé Gakelebale bli fli Izraɛl ma, yé é wo dan Mézopotami nwiinzan Kusan‐Riséataim lee. Yé Izraɛl lé nénu vo é plale Kusan‐Riséataim wuo lɛɛ sɔraa.

Weblezannu 6:1

Izraɛl lé nénu wo Gakelebale ’namawe kɛlɛ; yé Gakelebale wo pa Madian lee lɛɛ sɔrafié.