Jozué 23:10 - Kazambale lé Sebe Sauunu 1979

¹⁰ Ka va mi do mi wuru soru bin, naa, Gakelebale, kalé Bale ka ma guli dan, é a fe ka lɛ fɛan zo, a zo.

Jozué 23:10 ပူးပေါင်းရင်းမြစ်များ

2 Samuɛl 23:8

Gulidan nyanazannu lé wo ke David wuo, wo tɔ lo. Takémɔn mi Josɛb‐Basébéta a sunyanu nwiinzanu va mi segele do nya. É mi wuru ziɛn gyɛ élé din nya guli lɛ do kpen danle nya.

Minwiinzannu lé Wezuofe Sɛbɛ 5:20

Mi bɛnu da bɔ lɛ wo va, yé wo Agarénu valé wo vamunu faa kele. Naa, gulidanbléyi va wo siaa Kazambale lɛ, yé wo ’wobo bɛ pa a lee, amalé Bale a ’ma.

Minwiinzannu lé Wezuofe Sɛbɛ 5:22

Guli ’ko si Kazambale va, amalé mi kiɛre ga. Yé wo nyana Agarénu pa gi, fɔɔ yé é bɔ wo gobléyi va luu gi.

Lɛrɛvɔ Sɛbɛ 35:1

David zé lé. Gakelebale, ’i an ta guli dan an mazannu va, Munu lé woo guli daan an va, ’i guli dan wo va ma.

Lɛrɛvɔ Sɛbɛ 46:7

Bɛnnu wo gi gunu yé wolé plale mi nwiin ma nyɔɔn; Bale we do fe yé tɛrɛ ’yi bo kanale nya.

Fwile 14:14

Gakelebale é dan ka ta guli dan lɛ; yé ’kaa, ’ka vo é tadɔle.

Ézai 30:17

Dé mi do é bɛ nwa, mi wuru soru é dan fwi lɛ; dé mi soru ’wo bɛ nwa, ka faa é dan fwi lɛ fɔɔ yé ka lé ka vo, ka dan kɛlɛ lɛ bélé tɔmase do zo gɔ nwiin, bélé drapo zo gɔpané ta.

Lévinu 26:7

Ka dan ka nyanézannu zuo bin lɛ yé ka dan wo gyɛ lɛ gwɔun nya.

Lévinu 26:8

Ka va mi soru é dan mi yɔ soru bin lɛ, yé ka va mi yɔ soru é dan mi baa soru bin lɛ, yé ka dan ka nyanézannu gyɛ lɛ gwɔun nya.

Zakari 12:8

’Bɛ yi la Gakelebale é dan Jérusalɛm munu takuun lɛ, yé wo va mi tɔɔtɔɔ é dan kɛlɛ lɛ bélé David zo ’bɛ yi la, yé David lé munu é dan kɛlɛ lɛ Bale zo, bélé Gakelebale lé lanje lé éé tawoo wo ’lɛ, a zo.

Rom munu 8:31

Kaa fé we ’konu ma nɔɔ? Dé Kazambale a kaa va, de ɛ kɛla kaa maa?

Bélidɔwesɛbɛ Fiézan 20:3

É dan a fe lɛ wo lɛ léé: Izraɛl, ’ka tɔné dɔ. Ka a gona guli danna kyɔ ka nyanézannu va. Té ka bli kyɛ é dɔ lo; té kana é zén ka gi lo, té di é kini ka gi lo; té ka gi nyɛ é kini wolé we ma lo.

Bélidɔwesɛbɛ Fiézan 20:4

Naa, Gakelebale, kalé Bale a tawona ka va, gulidanle we gi ka nyanézannu va, ’bɛ valé ka bélile we gi.

Bélidɔwesɛbɛ Fiézan 28:7

Ka nyanézannu lé wo dan nwa lɛ ka ma, Gakelebale é dan a guli ’wuo nɔ lɛ ka lɛ; wo dan wo dazi ye lɛ ka va gulidanle we ma, yé wo gozi ’ka dan ye lɛ lo.

Bélidɔwesɛbɛ Fiézan 3:22

Té i kana pelo; naa, Gakelebale kalé Bale, é dan ka ta guli dan lɛ é boan.

Bélidɔwesɛbɛ Fiézan 32:20

É léé: An dan an yara si lɛ wo la, Yé an dan wozé ’wuoplana ye lɛ; Naa, wa bɛn sɛrɛle nya, Wa yuɛi blaan nénu nya.

Bélidɔwesɛbɛ Fiézan 32:30

Dé wolé Gɔlɛ ’ka wo dan lɛ lo ’naan, Dé Gakelebale ’ka é bɛ si lɛ wo wuo lo ’naan, É kɛlɛ kaa yé mi do éé mi wuru soru zuo bin‐éé? É kɛlɛ kaa yé mi fié éé mi baa soru bin‐éé?

Jozué 10:42

Minwiinzannu ’ko valé ’wolé tɛrɛnu, Jozué wo faa si bléyi do nya, naa, Gakelebale, Izraɛl lé Bale Izraɛl ta guli dan, ’bɛzama.

Jozué 23:11

’Ka yuɛ pa kabozen va é zima Gakelebale, kalé Bale lɔrɔ pale we gi.

Jozué 23:3

We faa lé Gakelebale, kalé Bale a kɛlɛ bɛnnu ’konu lɛ ka ’lɛ, ka a ye, naa, Gakelebale, kalé Bale é ka ma guli dan.

Weblezannu 15:15

É sokofale puowɔlɛ dɛrɛ ye, é bɛ soi yé é a sia yé é mi wuru soru gyɛ a nya.

Weblezannu 3:31

Éud é zuo, Anat be Samagaa nwa. É Filisitinu gyɛ mi wuru yaa diritabin foroné nya. Yé yee é ziin, é kɛlɛ Izraɛlnu voébomazan do nya.

1 Samuɛl 14:6

Jonatan lé pɛniɛ lé éé alé gulidanfɛnu kɔné sié, a lɛ léé: ’I da ’ko go fɔɔ yé ko bɔ ganedɔlozannu ’konu lé gulimabɛnna. Dé Gakelebale é dan pa lɛ ko vaa? Naa, dé munu a kiɛreoo, dé munu ’ka kiɛre looo, Gakelebale é bɔalɛ yé é munu si we gi wo nya.