Jozué 23:1 - Kazambale lé Sebe Sauunu 1979

¹ Ana mɔn Gakelebale flinle nɔ Izraɛl lɛ, a nyanézannu lé wa zi lɛ sɔɔ, a sile nya wo lee. Jozué a kwa, yé a lɛɛ kɛlɛ kiɛre.

Jozué 23:1 ပူးပေါင်းရင်းမြစ်များ

Wepélisiananu 25:8

Abraam ga é kwa ta gi nanale nya. É a kwa yé a lɛɛ kɛlɛ kiɛre yé é go élé munu va.

1 Minwiinzannu 1:1

Minwiinzan David kɛlɛ é kwa, yé a lɛɛ a kiɛre; wo sɔnu zén a ta, naa, mi lé ’bɛ é kyɛ pa a ma, ’bɛ ’ka lo.

Minwiinzannu lé Wezuofe Sɛbɛ 23:25

Naa, David léé: Gakelebale Izraɛl lé Bale flinle nɔ élé munu lɛ yé wo dan nyana lɛ yifaama Jérusalɛm;

Minwiinzannu lé Wezuofe Sɛbɛ 27:1

Guniwuonu koo, mi wuru soru soru valé mi yɔ soru soru nwiinzannu koo, kominu koo, wa minwiinzan blɛn bɛgizannu nya sunya palunu lé we kɛlɛle we gi; wo gole moné ma valé wo dale moné ma lé we a wo ɛ lee, moné faa gi. Sunya palu do a mi baa vu ta fié.

2 Minwiinmunu lé Wezuofe Sɛbɛ 14:1

We lé ke é zima valé é drɔle Gakelebale alé Bale yuɛ gi, Aza a kɛlɛ.

2 Minwiinmunu lé Wezuofe Sɛbɛ 14:5

Aza fla plɛplɛnu pa Juda tɛrɛ la; naa, tɛrɛ vo drɔɔ; wo ’ka guli dan lɛ a va lɛɛ ’konu wuo lo. Gakelebale vole drɔɔ nɔ wo lɛ, azama.

2 Minwiinmunu lé Wezuofe Sɛbɛ 20:30

Yé Jozafat lé tɛrɛla vo drɔɔ, yé alé Bale flinle nɔ a lɛ bɛ faa ma.

Lɛrɛvɔ Sɛbɛ 46:9

’Ka da, ’ka bɔn‐in bɔrɔ Gakelebale lé nyanamanu ma, Fɛ sɛrɛlenu lé é a kɛlɛ tɛrɛ la, ’ka bɔn‐in bɔrɔ wo ma do.

Ézai 63:14

Gakelebale Léli go wo nya flinna bélé wi lé é zun gɔ worona, a zo. ’Bɛ zo lé i go ilé munu nya, i tɔ kɛlɛle blɛn we ma.

Bélidɔwesɛbɛ Fiézan 31:2

an bɛ ’ka sɔa we do kɛlɛle nya é dɛrɛ lo, yé Gakelebale a fe an lɛ léé, an ’ka dan Juudɛn ’ko kini lɛ lo.

Jozué 11:23

Jozué ana tɛrɛ faa si, fɛan zo lé Gakelebale a fe Moizi lɛ, a zo. Yé Jozué yeé tɛrɛ nɔ Izraɛlnu lɛ wozé nya, tɛrɛ buru do do mi do do, wo bɛn ma bɛn ma. ’Bɛ zuo, tɛrɛ vo éboma, ’té guli ’ka lo.

Jozué 13:1

Jozué kwa gyɛ yé a lɛɛ kɛlɛ kiɛre. Gakelebale lé a lɛ léé: I kwa gyɛ yé i lɛɛ kɛlɛ kiɛre yé tɛrɛ lé é vo yé é a lé i pla a nwiin é a blɛn baba.

Jozué 21:44

Gakelebale flinle nɔ wo lɛ bɛ faa ma, é a fe wo tranu lɛ ébo ’nyɔɔnle nya fɛan zo, a zo; wo nyanézan do kpen ’ka bɔa dɔle lɛ wo ma lo, yé Gakelebale wo faa pa wo lee.

Jozué 22:4

Sin, Gakelebale, kazé Bale flinle nɔ ka bwenu lɛ, é a fe wo lɛ fɛan zo, a zo, amalé ’ka diéra yé ’ka go kalé sɔkɔn ’léé, tɛrɛ lé é ke kazé nya, ’té Gakelebale wuozan Moizi a nɔ ka lɛ Juudɛn zi bɛ, a ta.

1 Samuɛl 12:2

Yé sin, ka nwiinzan blɛn lé é dan tawo lɛ ka ’lɛ, yee lo. Dé é a maa nya, maa a é kwa yé an nwana fuola yé an benu a ka va; maa tawo ka ’lɛ, é sia an kiéné bléyi va fɔɔ kyɔ yi nya.