Jozué 22:9 - Kazambale lé Sebe Sauunu 1979

⁹ Rubɛnnu koo, Gadnu koo, Manasé bɛn lɛgɔnɔ do koo, wo si Izraɛl lé nénu va Silo, Kanaan tɛrɛ la, yé wo nɔla gole we gi Galaad tɛrɛ lé ke wozé nya, ’té wo nyana a ta bɛ, a ta, Gakelebale a fe Moizi lɔlu nya fɛan zo, a zo.

Jozué 22:9 ပူးပေါင်းရင်းမြစ်များ

2 Samuɛl 2:9

yé é a dɔ Galaad tɛrɛ koo, Gésuunu koo, Jizréɛl koo, Éfraim koo, Bɛnjamɛn koo, Izraɛl faa koo, wo nwiinzan blɛn nya.

Minwiinzannu lé Wezuofe Sɛbɛ 5:9

yirinwanazia, wo nyanale éé sié Yufrat yuu va, fɔɔ yé é bɔ nyéné saa lé fɛna pélisiana, naa, wolé trubɛnu a kiɛre Galaad tɛrɛ la.

Lɛrɛvɔ Sɛbɛ 60:7

’I ko si we gi i bɛyi nya, yé ’i kolé bazorole nyi si, Léé, munu lé wo sɔ i lɛ, wo si we gi.

Mi Nɔnɔle 32:1

Rubɛn munu valé Gad munu lé trubɛnu kɛlɛ di é baba, yé wa ye léé, Jaézɛɛ lé tɛrɛ valé Galaad lé tɛrɛ a trubɛnu blena zimanu nya.

Mi Nɔnɔle 32:20

Moizi lé wo lɛ léé: Dé ka kɛlɛ ’bɛ zo, dé ka gulidanfɛnu sia, gulidanle Gakelebale ’lɛ we ma,

Mi Nɔnɔle 32:22

yé tɛrɛ ’ko plale Gakelebale wuo zuo yé ka si ana, ’té we ’ka dan kɛlɛ lɛ ka nwiin Gakelebale vazia valé Izraɛlnu vazia lo, yé tɛrɛ ’ko é dan kɛlɛ lɛ kazé nya Gakelebale ’lɛ.

Mi Nɔnɔle 32:26

kolé nénu koo, ko nanu koo, kolé trubɛnu valé kolé winu faa koo, wo dan vo lɛ Galaad flanu ta,

Mi Nɔnɔle 32:29

É lé wo lɛ léé: Dé Gad munu valé Rubɛn munu Juudɛn yuu kini ka va, ’té wo faa lé gulidanfɛnu a wo lee, gulidanle Gakelebale ’lɛ we ma, yé dé tɛrɛ ’ko kɛlɛ kazé nya, ka dan Galaad lé tɛrɛ nɔ lɛ wo lɛ.

Bélidɔwesɛbɛ Fiézan 3:18

Maa ka béli dɔ yi la léé, Gakelebale, kalé Bale, é tɛrɛ ’ko nɔ ka lɛ léé, ’ka a kɛlɛ kazé nya. ’Kaa sunyanu faa, ’ka tawo Izraɛl lé nénu ’lɛ, ’té gulidanfɛnu a ka lee.

Bélidɔwesɛbɛ Fiézan 3:20

fɔɔ yé Gakelebale é flinle nɔ ka bwenu lɛ, bélé fɛan zo lé é a nɔ ka lɛ, a zo, fɔɔ yé tɛrɛ lé Gakelebale, kalé Bale a nɔ wo lɛ Juudɛn zi, yé é kɛlɛ wozé nya. ’Bɛ zuo yé ka dan nɔla lɛ kalé fɛna lé maa a nɔ ka lɛ do do, ana.

Bélidɔwesɛbɛ Fiézan 34:1

Moizi si Moab lé fɛna pɛblɛɛna, yé é Nébo gɔ gié, fɔɔ yé é bɔ Pizga gɔ nwiin, Jériko yara. Yé Gakelebale tɛrɛ faa gɔɔn a lɛ:

Jozué 13:11

Galaad tɛrɛ koo, Gésuunu valé Maakatinu lé tɛrɛ koo, Eɛmɔn gɔ faa koo, Bazan tɛrɛ faa koo, fɔɔ yé é bɔ Salaka;

Jozué 13:25

Wolé tɛrɛ lé ke Jaézɛɛ koo, Galaad lé flanu faa koo, Amɔn lé nénu lé tɛrɛ kunu fɔɔ yé é bɔ Aroɛɛ lé ke Raba yara, ’bɛ koo,

Jozué 13:31

Galaad tɛrɛ kunu do koo, Asitarɔt valé Édréi lé ke Ɔg lé flanu nya Bazan tɛrɛ la, ’bɛnu koo, wo wo nɔ Manasé be Makii benu lɛ, ’té ’bɛ benu a fié yé wa nɔ a palu do lɛ, wo gɔnɔla ma gɔnɔla ma.

Jozué 22:10

Wo bɔ aan wo Juudɛn yuu ma tɛrɛ lé ke Kanaan tɛrɛ buru do nya, ana, Rubɛnnu koo, Gadnu koo, Manasé bɛn lɛgɔnɔ do koo, wo balebanna do kɛlɛ Juudɛn yuu gɔ la, balebanna lé mi a yé é boan, a nya.

Weblezannu 20:1

Izraɛl lé nénu faa bɔra, é sia Dan fɔɔ Bɛɛ‐Sééba, é valé Galaad tɛrɛ la, yé wo zén ékeva bélé mi do kpen zo Gakelebale ’lɛ, Misipa.

Weblezannu 5:17

Galaad lé ke Juudɛn zi, é ’ka si lɛ é nyanana lo. Mɛmalé Dan dɔ élé ’yitagoronu sɔnɔɔ? Azɛɛ a é nyanale wɛyi gɔ la, Yé wo flin ’yitagoro dɔna.