Jozué 22:6 - Kazambale lé Sebe Sauunu 1979

⁶ Yé Jozué wo drɔɔ vo yé é wo pa zia, yé wo go wolé sɔkɔnnu ’léé.

Jozué 22:6 ပူးပေါင်းရင်းမြစ်များ

Wepélisiananu 14:19

É Abram drɔɔ vo yé é léé: Lagibale, yee ɛ ke la valé tɛrɛzan nya, yee ’é i drɔɔ vo ma.

Wepélisiananu 47:10

Jakɔb Faraɔn drɔɔ vo é ziin, yé é si Faraɔn va.

Wepélisiananu 47:7

Jozɛfu da é ti Jakɔb nya yé é a nagɔɔn Faraɔn lɛ. Yé Jakɔb Faraɔn drɔɔ vo.

2 Samuɛl 6:18

Balebanwi lé wa kyɛ blé, é valé bɔvɔ sarakanu, David nyaa a bole nya aan wo, é munu drɔɔ vo lai sunyanu lé Gakelebale tɔ nya.

2 Samuɛl 6:19

’Bɛ zuo, buru do koo, wipo do koo, dɔrɔporo gale po vɔle do koo, David a nɔ Izraɛl lé mi gbau faa lɛ do do, gɔnénu valé lomu nya. Yé munu faa go ’wolé kɔn ’léé do do.

2 Samuɛl 6:20

David nɔla élé kɔn drɔɔ vole we ma yé Saul lu Mikal da a si lɛ zia. É léé: Mɛ tɔbɔwe ɛ kɛlɛ kyɔ Izraɛl nwiinzan lɛ, yé é porole vɔ mi wuomunu valé mi wuolomu yuɛ va bélé boazan zo!

1 Minwiinzannu 8:66

A yi sɔraazan nya Salomɔn munu pa zia. Wo minwiinzan blɛn drɔɔ vo yé wo faa go ’wolé kɔn ’léé ’wo gi nanale valé ’wo bli drɔɔ nya, wezin faa lé Gakelebale a kɛlɛ é wuozan David valé élé munu Izraɛl lɛ, a we ma.

2 Minwiinmunu lé Wezuofe Sɛbɛ 30:18

Naa, munu va mi palu blɛn ’ka wobo kɛlɛ lɛ tegele lo; Éfraimnu koo, Manasénu koo, Isakaanu koo, Zabulɔnnu koo, wo va mi kiɛre ’ka ’wobo kɛlɛ lɛ tegele lo. Yé wa Taboyi lé fɛ blena, dɔlé ’té wo ’ka a kɛlɛna wean wa gyɛ sɛbɛ ta, a yɛrama lo. Naa, Ézékia bazoro wolé we ma yé é léé: Gakelebale, bii ɛ ke é zin;

Fwile 39:43

Moizi nyanama faa nagini; yé bé ye, wa kɛlɛ Gakelebale dére yɛrama, wa kɛlɛ ’kyɛ. Yé Moizi wo drɔɔ vo.

WENÉNÉ LÉ LUK A GYE (Évangile selon Luc) 2:34

Siméɔn wo drɔɔ vo yé é lé né bu Mari lɛ léé: Bé ye, Bale né ’ko dɔ Izraɛl mi kiɛre saanzan valé wo drɔ?-?zan nya é ziin, yé é a dɔ tɔmase lé wo dan za vɔ lɛ a ta, a nya,

WENÉNÉ LÉ LUK A GYE (Évangile selon Luc) 24:50

É go wo nya fɔɔ Bétani sɔnɔ, yé é bɛ pla wo ta, yé é wo drɔɔ vo.

Jozué 14:13

Jozué Jéfuné be Kalɛb drɔɔ vo yé é Ébrɔn nɔ a lɛ azé tɛrɛ nya.

Jozué 24:28

’Bɛ zuo Jozué munu pa zia wolé tɛrɛnu la do do.

1 Samuɛl 10:25

Yé a se a minwiinzan blɛn lɛ fɛan zo, Samuɛl a gɔɔn munu lɛ. É a gyɛ sɛbɛ la yé é a pla Gakelebale ’lɛ. ’Bɛ zuo é munu pa zia wolé kɔn ’léé do do.

1 Samuɛl 13:2

é Izraɛl munu si a va mi baa do wuru soru; mi baa do a yee ɛ va Mikimas valé Bétɛl gɔ nwiin yé mi wuru soru a Jonatan va Gibéa, Bɛnjamɛn tɛrɛ la. É mi pɔnénu pa zia wolé sɔkɔn ’léé do do.

1 Samuɛl 2:20

Éli Elkana valé é na drɔɔ vo a fele nya léé: Gakelebale ’é nénu nɔ i lɛ le ’ko ma ma, né lé é a nɔ Gakelebale lɛ, a paizan nya. Yé wo go ’wo va.