Jozué 22:5 - Kazambale lé Sebe Sauunu 1979

⁵ Naa, dérenu valé bélidɔwe lé Gakelebale wuozan Moizi a fe ka lɛ, ’ka wo ta tawo ka yuɛi do nya ma; ’ka Gakelebale, kalé Bale lɔrɔ pa ma; ’ka alé zinu faa ta tawo ma; ’ka alé bélidɔwenu kɛlɛ ma; ’ka buvɔ a ma ma; yé ’ka alé nyanama pa ka bli faa valé ka boen faa nya ma.

Jozué 22:5 ပူးပေါင်းရင်းမြစ်များ

Lɛrɛvɔ Sɛbɛ 106:3

Munuan woo tawoo bélidɔwe ta, ’Té woo we tegele kɛla bléyi faa va, wozé a néné.

Lɛrɛvɔ Sɛbɛ 78:7

Léé, ’wo pa Bale ta, Léé, té wo gi é san Bale panyanamanu ma lo, Yé ’wo alé bélidɔwe sɔnnénu pa,

Fwile 15:26

É léé: Dé i Gakelebale, ilé Bale dére ban i tɔné nya é zima, we lé ke tegele a yuɛ gi, dé bé kɛlɛ, dé i tɔné dɔ alé bélidɔwenu lɛ, dé i tawo a sɔnné faa yɛrama, gyɛnu lé maa Éjipiti munu gyɛ wo nya, maa ’ka dan i gyɛ lɛ a do kpen nya lo; maa a Gakelebale lé éé i bélié, a nya, azama.

Fwile 20:6

yé munu lé an sɔ wo lɛ, ’té woo anlé bélidɔwenu kɛla, an nyanai éé zén‐é wo ta fɔɔ wo kulu wuru soru nya.

Fwile 23:13

We faa lé maa a fe ka lɛ, ka dan a kɛlɛ lɛ, yé té ka bale bɛnu tɔ fe lo; té wa ’ma boenwo ka ’léé monomono lo.

Fwile 23:25

Ka dan Gakelebale, kalé Bale bɔ lɛ, yé é dan kalé fɛblele valé kalé ’yi drɔɔ vo lɛ, yé maa dan gyɛ si lɛ ka méléna.

Wegɔnévɔlenu 4:23

’I yuɛ pa i bli va é mini fɛ bɛ faa ta; bélile ’wuo si ana, bɛwema.

Ézai 55:2

Mɛmalé ka gɔɔli sɛra fɛ lé é ’ka fɛblele nya lo, a maa? Mɛmalé ka nyanama paan fɛ lé é ’ka ka kaan lo, a maa? Amalé ’ka tɔné dɔ an lɛ yé ka dan fɛ zin ble lɛ, Yé fɛ lé a néné éé mi ’léli selean é ’léé, i gi é dan nana lɛ a blele ma.

Jérémi 12:16

Dé anlé munu kɛlɛwe vɔ wo lee, dé wo an tɔ ’nyɔɔn a fele nya léé: Gakelebale a é yuɛma, bélé fɛan zo lé wo Baal ’nyɔɔnle paa anlé munu gi bɛ, a zo, ’té wo gi é dan nana lɛ zin yele we ma anlé munu méléna.

Matio 22:37

Jézu a zi pa a lɛ léé: ’I Mizan, izé Bale, lɔrɔ pa i bli faa koo, i boen faa koo, i gi bɔrɔle faa koo, wo nya.

Matio 4:10

Jézu lé a lɛ léé: Satan, ’i si an ma. É a é gyɛle Kazambale lé sɛbɛ gi léé: ’I ’wuo tua Mizan izé Bale lɛ, yé ’i yee do kpen ɛ bɔ.

Matio 6:24

Mi ’ka bɔa kɛlɛle lɛ mi fié wuozan nya lo. Naa, a do za é dan vo lɛ a gi, yé a koɛzan é dan sɔ lɛ a lɛ; é dan nana lɛ a do va, yé é dan a koɛzan ye lɛ boami nya. Ka ’ka bɔa kɛlɛle lɛ Kazambale valé tɛrɛlafuafɛnu wuozannu nya lo.

WENÉNÉ LÉ LUK A GYE (Évangile selon Luc) 1:74

É a se kɛlɛ ko lɛ léé, dé é ko si ko nyanémunu lee faa, ’Té ko ’é bɔa Kɛlɛle sauun valé we tegele kɛlɛle nya é ’lɛ, kolé tɛrɛ la yinu faa gi, ’té kana ’ka ko gi lo.

WENÉNÉ LE JAN A GYE (Évangile selon Jean) 12:26

Dé é sɔ mian lɛ léé, é anlé nyanama pa, ’é da an zuo ma; yé fɛana lé an ke, ana lé anlé nyanamapazan é dan kɛlɛ lɛ é ziin. Mian éé anlé nyanama paan, an Ti é dan ’bɛzan tɔ kɛlɛ lɛ blɛn.

WENÉNÉ LE JAN A GYE (Évangile selon Jean) 14:15

Dé an sɔ ka lɛ, ’ka anlé bélidɔwenu kɛlɛ ma.

Kelewenu 11:23

É bɔ aan wo yé é Kazambale lé zin ye wo ta, a gi nana yé é we pla wo lɛ léé: ’Ka vo é yerele Mizan ma bli do nya.

Kelewenu 27:23

Bale lé, maa ke azé nya, ’té maa a bɔa bɛ, alé lanje do bɔra an va kyɔ é béli,

Rom munu 1:9

Bale lé maa a bɔa an bli gi a Be lé Wenéné fele nya, é a anlé wenayezan nya léé, an bazoroan ka tɔ ma yifaama, an ’ka daan a ma lo,

Rom munu 12:9

Té ka mi lɔrɔ pa dabli nya lo ma. Wenyané za ’é vo ka gi ma. ’Ka kun wezin kɛlɛle ma plɛplɛ ma.

Rom munu 8:28

Yé kaa gi dɔɔ léé, munu lé Kazambale éé sɔa wo lɛ, ’té Bale wo laa ’é bɔn‐in danle yɛrama bɛ, we faa lé éé bɔa wo ma, Kazambale a nɔlaan wo ma wezin nya.

Bélidɔwesɛbɛ Fiézan 10:20

’Ka kana Gakelebale, kalé Bale lee, ’ka a bɔ, ’ka buvɔ a ma, ’ka bale ’nyɔɔn a tɔ nya.

Bélidɔwesɛbɛ Fiézan 11:1

’Ka Gakelebale, kalé Bale lɔrɔ pa; ’ka alé weplale ka lɛ nyi si, ’ka alé bélidɔwenu ta tawo, ’ka a gɔnɔlawenu kɛlɛ, ’ka a sɔnnénu pa.

Bélidɔwesɛbɛ Fiézan 11:13

Bale sɔnnénu lé maa wo fe ka lɛ kyɔ, dé ka wo pa, dé ka Gakelebale kalé Bale lɔrɔ pa, dé ka a bɔ ka bli valé kaboen faa nya,

Bélidɔwesɛbɛ Fiézan 11:22

Naa, sɔnnénu faa lé maa wo fe ka lɛ, dé ka wo pa, dé ka wo ta tawo, yé ka Gakelebale, kalé Bale lɔrɔ pa, yé ka tawo alé zinu faa ta, yé ka buvɔ a ma,

Bélidɔwesɛbɛ Fiézan 13:4

’Ka go Gakelebale, kalé Bale ɛ zuo, yé ’ka kana yee ɛ lee; ’ka a sɔnnénu pa, ’ka a dére lɛdɔma, ’ka a bɔ, yé ’ka buvɔ yee ɛ ma.

Bélidɔwesɛbɛ Fiézan 4:29

’Bɛna sin, ka dan Gakelebale kalé Bale nagini lɛ yé ka dan a ye lɛ, ’té dé ka a nagini ka bli faa valé kaboen faa nya.

Bélidɔwesɛbɛ Fiézan 4:4

Yé ka lé ka buvɔ Gakelebale ma, ka faa a é yuɛma kyɔ.

Bélidɔwesɛbɛ Fiézan 4:6

’Ka wo lɛdɔma yé ’ka wo ta tawo. ’Bɛ é dan kɛlɛ lɛ kalé wedɔɔle valé kalé gikinile nya munu yuɛ va. Wo dan bélidɔwe ’konu faa ma gun ’ma lɛ yé wo dan a fe lɛ léé: Bɛn blɛn do kpen ’ko, wo ɛ ke wedɔɔzannu valé gikinizannu nya.

Bélidɔwesɛbɛ Fiézan 4:9

Naa, we do ana. ’Ka yuɛ pa kabo va. ’Ka yuɛ pa kabozen va é zima kalé tɛrɛla faa gi, wenu lé ka wo ye ka yuɛ nya, té ka gi é san wo do kpen ma lo, té ’wo si ka bli gi lo; ’ka wo paa kalé nénu valé ka nénénu gi.

Bélidɔwesɛbɛ Fiézan 5:10

yé munu lé Bale éé sɔa wo lɛ, ’té woo alé bélidɔwenu kɛla, a nyanai éé zén‐é wo ta fɔɔ yé é bɔ wo kulu wuru soruzan ma.

Bélidɔwesɛbɛ Fiézan 6:17

Gakelebale, kalé Bale sɔnnénu koo, alé gɔnɔlawenu koo, alé bélidɔwenu koo, ’té é wo gɔɔn ka lɛ bɛ, ’ka wo ta tawo.

Ébrunu 12:15

’Ka yuɛ pa kabozen va, léé, té mi do é vuru Kazambale lé zin ma lo; mi sɛrɛwenu lé woo blan sié é kele bɛ, té wo wɔra ka méléna yé wo gi bɔrɔ pa mi ma yé mi kiɛre é sɛrɛ lo.

SEBE LÉ JAK A GYE (Épitre de Jacques) 1:12

Mian éé dɔa é gidanwenu wuo bli tiéé nya, azé a néné. Naa, a gi danle zuo, wo dan vole é yuɛma nɔ lɛ a lɛ bélé tɔkoro zo; tɔkoro lé Mizan a ma blivolɛdére fe munu lé, Mizan sɔ wo lɛ, wo lɛ bɛ, wo dan a nɔ lɛ a lɛ.

SEBE LÉ JAK A GYE (Épitre de Jacques) 2:5

’Kaa an bwenu lé ka sɔ an lɛ, ’ka tɔné dɔ. Munu lé wo ke nyanégyɛzannu nya tɛrɛlamunu yuɛ gi, Kazambale ’ka wo si lɛ léé, ’wo kɛlɛ fua nya blipale gi loo? yé wo kɛlɛ tɔnɔblezannu nya fuatɛrɛ lé é a ma blivolɛdére fe munu lé é sɔ wo lɛ, wo lɛ bɛ, a ta loo?

Jozué 23:8

Naa, ’ka yere Gakelebale, kalé Bale ma, ka kɛlɛ fɔɔ kyɔ fɛan zo, a zo.

Wegɔɔnle 15:3

Yé wo Kazambale wuozan Moizi lé lɛrɛ vɔ, yé wo ’Blané lé lɛrɛ vɔ yé wo léé: Mizambale, Plɛplɛfaazan, i kɛlɛwenu a blɛn yé wo tɔ a é bɔle. Bɛnnu nwiinzan, ilé zinu a tegele yé wa webozen nya.

1 Samuɛl 12:20

Samuɛl lé munu lɛ léé: Té ka kana lo. Weboen lé, ka wenyané kɛlɛ; naa, té ka diéra Gakelebale zuo lo, ’ka a bɔ ka bli faa nya;

1 Samuɛl 12:24

Naa, ’ka kana Gakelebale lee ma, yé ’ka a bɔ tɔnégidrɔɔ valé ka bli faa nya ma; we plɛplɛ lé é a kɛlɛ ka méléna, ka a yé loo?

1 Samuɛl 7:3

Samuɛl lé Izraɛl munu faa lɛ léé: Dé ka bli faa nya lé ka da Gakelebale va é ziin, ’ka bɛnnu lé balenu valé Asataténu si ka méléna, ’ka bli drɔ Gakelebale vazia tegele yé ’ka yee do kpen ɛ bɔ; yé é dan ka si lɛ Filisitinu lee.