Jozué 22:27 - Kazambale lé Sebe Sauunu 1979

²⁷ naa, ko kɛlɛ wenayefɛ nya ko valé ka méléna, ko kulunu valé ka kulunu méléna, léé, ko Gakelebale bɔa ’é bɔna, kolé balebanwinu kyɛblele koo, kolé wenyané ’yibo saraka valé kolé bɔvɔ saraka bole koo, wo nya, té ka benu a fe yi do nya ko benu lɛ léé, kazé ’ka Gakelebale va lo lo.

Jozué 22:27 ပူးပေါင်းရင်းမြစ်များ

Wepélisiananu 31:48

Laban léé: Gɔlɛ zun ’ko kɛlɛ kyɔ wenayefɛ nya maa valé bii méléna. Amalé wa tɔ pa Galɛd.

Wepélisiananu 31:52

Gɔlɛzun ’ko ’é kɛlɛ wenayefɛ nya ma; weseledɔmigifɛ ’ko ’é kɛlɛ wenayefɛ nya, té maa gɔlɛzun ’ko kini yé an go i va wenyané kɛlɛle i lɛ we gi lo ma; yé gɔlɛzun ’ko lé ke weseledɔmigifɛ nya ’ko, té bé kini yé i da an va wenyané kɛlɛle an lɛ we gi lo.

Lɛrɛvɔ Sɛbɛ 16:5

Gakelebale a anlé tɔnɔ nya; yé é a an miniyi nya; Bii ɛ dɔa an zi, yé anlé ’munnu a ble;

Ézai 19:19

Yee bléyi duo nya, Gakelebale banna do é dan kɛlɛ lɛ Éjipiti tɛrɛ méléna yé wo dan Gakelebale seledɔmigifɛ do dɔ lɛ wolé tɛrɛ glɛ la.

Bélidɔwesɛbɛ Fiézan 12:11

Yé Gakelebale, kalé Bale, é dan fɛ do na si lɛ yé é dan ’é tɔ pa lɛ a ma. Fɛ faa lé maa a fena ka lɛ kyɔ, ka dan da lɛ wo nya yee ɛ na; kalé winu lé wa kyɛ blé koo, kalé sarakanu koo, kalé fɛvuzannu koo, kalé féifɛ vininnu koo, kalé bale kunle lɛ sɔɔ sarakanu koo, ka dan da lɛ wo nya yee ɛ na.

Jozué 22:10

Wo bɔ aan wo Juudɛn yuu ma tɛrɛ lé ke Kanaan tɛrɛ buru do nya, ana, Rubɛnnu koo, Gadnu koo, Manasé bɛn lɛgɔnɔ do koo, wo balebanna do kɛlɛ Juudɛn yuu gɔ la, balebanna lé mi a yé é boan, a nya.

Jozué 22:26

Bɛwemalé ko léma: Kaa balebanna do kɛlɛ, wi kyɛblele valé saraka bole we ma kaan lo,

Jozué 22:28

Ko léma: Dé é kɛlɛ tɛlɛ tɛlama, dé wa fe ’bɛ zo, dé é a ko nyaoo, dé é a ko kulu nyaoo, ko lɛ, ko dan a zi pa lɛ léé: Gakelebale banna lé ko tinu a kɛlɛ, ka yé loo? Wo ’ka a kɛlɛ lɛ balebanwi kyɛblele valé saraka bole we ma lo, naa, wa dɔ kaa méléna tɔmase nya.

Jozué 22:34

Rubɛnnu valé Gadnu léma: Balebanna ’ko a wenayefɛ nya kaa méléna léé, Gakelebale ɛ ke Bale nya, amalé wa tɔ pa Ed.

Jozué 24:27

Jozué lé munu faa lɛ léé: Ka ye, gɔlɛ ’ko, é dan kɛlɛ lɛ wenayezan nya ko ma, naa, dérenu faa lé Gakelebale a fe ko lɛ, é a ’ma, azama. É dan kɛlɛ lɛ wenayezan nya ka ma, té ka kɛlɛ tɔnégiplɛplɛzannu nya kalé Bale ma lo we gi.

1 Samuɛl 7:12

Samuɛl gɔlɛ do sia yé é a pla Misipa valé Saan méléna, yé é a tɔ pa Ébɛn‐Ézɛɛ, a fele nya léé: Gakelebale bɔ ko va fɔɔ ’ko.