Jozué 21:44 - Kazambale lé Sebe Sauunu 1979

⁴⁴ Gakelebale flinle nɔ wo lɛ bɛ faa ma, é a fe wo tranu lɛ ébo ’nyɔɔnle nya fɛan zo, a zo; wo nyanézan do kpen ’ka bɔa dɔle lɛ wo ma lo, yé Gakelebale wo faa pa wo lee.

Jozué 21:44 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 13:16

Izraɛl munu vɔ fli gi Judanu ’lɛ, yé Gakelebale wo pa wo lee.

Fwile 23:31

Maa dan ilé tɛrɛ glɛ dɔ lɛ, é sia Wɛyi Sɔɔn ma fɔɔ yé é bɔ Filisitinu lé wɛyi ma, yé é sia bwi ma fɔɔ yé é bɔ yuu ma; naa, maa dan ana tɛrɛlamunu pa lɛ ka lee, yé ka dan wo bin lɛ ka ’lɛ.

Fwile 33:14

Gakelebale léé: Maabozen é dan go lɛ i va, yé maa dan flinle nɔ lɛ i lɛ.

Ézai 63:14

Gakelebale Léli go wo nya flinna bélé wi lé é zun gɔ worona, a zo. ’Bɛ zo lé i go ilé munu nya, i tɔ kɛlɛle blɛn we ma.

Bélidɔwesɛbɛ Fiézan 2:36

É sia Aroɛɛ lé ke Aanɔn yuu gɔ la, ’bɛ valé fla lé ke gɔnu worona, fɔɔ yé é bɔ Galaad ma, fla lé é ko kele, ’bɛ ’ka lo. Gakelebale, kolé Bale a faa pa ko lee.

Bélidɔwesɛbɛ Fiézan 21:10

Dé ka go guli dan lɛ ka nyanézannu va, dé Gakelebale wo pa ka lee, yé ka wo si luu nya,

Ébrunu 4:9

Amalé yi sɔrafiézan lé flinle ana tan Kazambale lé munu zé nya.

Jozué 1:13

We lé Gakelebale wuozan Moizi a fe ka lɛ, a sele ’é dɔ ka gi ma. É léé: Gakelebale, kazé Bale flinle nɔ ka lɛ, yé é tɛrɛ ’ko nɔ ka lɛ.

Jozué 1:15

fɔɔ, yé Gakelebale é flinle nɔ wo lɛ, bélé fɛan zo lé é flinle nɔ ka lɛ, a zo, yé wo nyana kli tɛrɛ lé Gakelebale, kazé Bale a nɔ wo lɛ, a ta. ’Bɛ zuo faa yé ka dan da lɛ é ziin tɛrɛ lé Gakelebale wuozan Moizi a nɔ ka lɛ Juudɛn ’lɛzia, yirinwanazia, a ta, yé ka nyana ana.

Jozué 1:5

Mi do kpen ’ka dan dɔ lɛ i’lɛ i yuɛma bléyi faa va lo. Maa dan kɛlɛ lɛ i va, fɛan zo lé maa kɛlɛ Moizi va, a zo; maa ’ka dan i vo lɛ i do lo, maa ’ka dan daan lɛ i ma lo.

Jozué 11:12

Jozué minwiinzannu ’konu valé wolé flanu si, yé é wo gyɛ gwɔun nya yé é wo nɔ bale pale wo ma nya, fɛan zo lé Gakelebale wuozan Moizi a béli dɔ, a zo.

Jozué 11:23

Jozué ana tɛrɛ faa si, fɛan zo lé Gakelebale a fe Moizi lɛ, a zo. Yé Jozué yeé tɛrɛ nɔ Izraɛlnu lɛ wozé nya, tɛrɛ buru do do mi do do, wo bɛn ma bɛn ma. ’Bɛ zuo, tɛrɛ vo éboma, ’té guli ’ka lo.

Jozué 11:8

Gakelebale wo pa Izraɛl lee; wo wo gyɛ yé wo wo zuo bin fɔɔ yé wo bɔ Sidɔn blɛn ma, fɔɔ yé wo bɔ Misréfɔt‐Maim ma, fɔɔ yé wo bɔ Misipa pɛnguru gi yirinwanazia. Wo wo gyɛ fɔɔ wo do kpen ’ka vo lɛ lo.

Jozué 2:24

Wo lé Jozué lɛ léé: Gakelebale tɛrɛ ’ko faa nɔ ko lɛ weboen nya. Yé gligli zén ana tɛrɛlamunu faa gi kolé we ma.

Jozué 22:4

Sin, Gakelebale, kazé Bale flinle nɔ ka bwenu lɛ, é a fe wo lɛ fɛan zo, a zo, amalé ’ka diéra yé ’ka go kalé sɔkɔn ’léé, tɛrɛ lé é ke kazé nya, ’té Gakelebale wuozan Moizi a nɔ ka lɛ Juudɛn zi bɛ, a ta.

Jozué 22:9

Rubɛnnu koo, Gadnu koo, Manasé bɛn lɛgɔnɔ do koo, wo si Izraɛl lé nénu va Silo, Kanaan tɛrɛ la, yé wo nɔla gole we gi Galaad tɛrɛ lé ke wozé nya, ’té wo nyana a ta bɛ, a ta, Gakelebale a fe Moizi lɔlu nya fɛan zo, a zo.

Jozué 23:1

Ana mɔn Gakelebale flinle nɔ Izraɛl lɛ, a nyanézannu lé wa zi lɛ sɔɔ, a sile nya wo lee. Jozué a kwa, yé a lɛɛ kɛlɛ kiɛre.