Jozué 21:43 - Kazambale lé Sebe Sauunu 1979

⁴³ ’Bɛ zo lé tɛrɛ lé Bale a nɔle fe wo tranu lɛ ébo ’nyɔɔnle nya, Gakelebale a faa nɔ Izraɛlnu lɛ; wa si wozé nya yé wo nyana ana kli.

Jozué 21:43 ပူးပေါင်းရင်းမြစ်များ

Wepélisiananu 12:7

Yé Gakelebale bɔra Abram va, yé é léé: Maa dan tɛrɛ ’ko nɔ lɛ i kulu é kulu lɛ. Yé Abram Gakelebale banna kɛlɛ, fɛana lé é bɔra a yuɛ va bɛ, ana.

Wepélisiananu 13:15

Yé tɛrɛ faa lé bé ye, maa dan a nɔ lɛ bii koo, ilé nénu koo, ka lɛ, lɛɛfaama zé nya.

Wepélisiananu 28:4

’Wo i drɔɔ vo Abraam drɔɔvobɛ gi, bii valé ilé nénu nya i va ma, tɛrɛ lé i nyanaan a ta bɛn nya ’ko, ’té é a nɔ Abraam lɛ bɛ, a kɛlɛle izé nya we ma.

2 Minwiinmunu lé Wezuofe Sɛbɛ 20:8

Wo nyana ana, yé wo kɔn dɔ i tɔ gi, yé wo léé:

Néémi 9:24

Yé wo benu bɔ tɛrɛ ’ko la yé wa si wozé nya, yé a tamunu, Kanaannu tua wo lɛ, yé wo valé ’wo nwiinzannu koo, tɛrɛ ’ko tamunu koo, i wo pa wo lee, léé, wo ’wolé sɔlɛwe kɛlɛ wo lɛ.

Néémi 9:8

Bii ɛ bli ye tegele i ’lɛ, i gipawe kɛlɛ a va, yé i blivolɛdére nɔ a lɛ, léé, tɛrɛ lé ke Kanaannu koo, Étinu koo, Amorénu koo, Férézinu koo, Jébusinu koo, Giigazinu koo, wozé nya, i dan a nɔ lɛ a kulu lɛ, yé i dɔ i dére ta, naa, i a tegele.

Lɛrɛvɔ Sɛbɛ 105:8

Alé gipawe sele éé dɔa a gi yifaama, Alé blivolɛdérenu lé é wo fe mi kulu wuru soru zé nya, a sele a a gi.

Lɛrɛvɔ Sɛbɛ 44:3

I bɛ nya lé i bɛnnu bin ko tranu vole wo pa gi we ma. I nyané pa migɔnɔnu ta ko tranu sɔɔlale wo pa gi we ma.

Lɛrɛvɔ Sɛbɛ 78:55

É bɛnnu bin wo ’lɛ, É wolé tɛrɛ guli wo ma wolé tɔnɔfɛ nya, Yé é Izraɛl bɛnnu nyana wolé sɔkɔnnu wuo.

Fwile 3:8

Maa zun wo sile Éjipiti munu lee we ma, wo sile tɛrɛ ’ko la yé ’wo go tɛrɛ blɛn zima ta we gi, wo gole tɛrɛ nyɔnɔzan ta we gi. Kanaannu koo, Étinu koo, Amorénu koo, Férézinu koo, Éévinu koo, Jébusinu koo, wa é nyanale tɛrɛ ’ko la.

Jérémi 32:23

Wo da, yé wo tɛrɛ ’ko si wozé nya, naa, wo ’ka i dére lɛdɔ lɛ a ma lo, yé wo ’ka ilé bélidɔwe tawe kɛlɛ lɛ monomono lo; we faa lé i wo béli dɔ a nya léé, ’wa kɛlɛ, wo ’ka a kɛlɛ lɛ lo. Amalé i we tɔntɔnnu faa ’ko bɔ wo ma.

Mi Nɔnɔle 33:53

’Ka wolé tɛrɛ si kazé nya, yé ’ka nyana ana kli; naa, maa ana tɛrɛ nɔ ka lɛ, yé é kɛlɛ kazé nya.

Mi Nɔnɔle 34:2

Bé fe Izraɛlnu lɛ léma: Dé ka bɔ Kanaan tɛrɛ la, ana tɛrɛ é dan kɛlɛ lɛ kalé zarafɛ nya. Kanaan tɛrɛ lé. A glɛnu lé ke ’ko:

Bélidɔwesɛbɛ Fiézan 11:31

Naa, ka dan Juudɛn yuu kini lɛ yé tɛrɛ lé Gakelebale, kalé Bale a nɔ ka lɛ, ka dan a si lɛ; é dan kɛlɛ lɛ kazé nya, yé ka dan nyana lɛ ana.

Bélidɔwesɛbɛ Fiézan 12:29

Bɛnnu lé ka dan go lɛ wo bin lɛ, dé ka wo bin, dé Gakelebale, kalé Bale wo si ana tata, ’té dé ka suni wɔra wolé tɛrɛ la,

Bélidɔwesɛbɛ Fiézan 17:14

Tɛrɛ lé Gakelebale, kalé Bale a nɔ ka lɛ, dé ka wɔra ana, dé ka a kɛlɛ kazé nya, dé ka nyana a ta, dé ka fe léé, é sɔ ’wo lɛ léé, ’wo mi do dɔ ’wo nwiinzan nya bélé ’wo zi bɛnnu faa zé zo,

Bélidɔwesɛbɛ Fiézan 34:4

Gakelebale lé a lɛ léé: Tɛrɛ lé maa anbo ’nyɔɔn léé, maa nɔ Abraam koo, Izak koo, Jakɔb koo, wo lɛ, a fele nya léé, maa dan a nɔ lɛ i nénénu lɛ, yee tɛrɛ lé ke bɛ. Maa a nagɔɔn i lɛ, bé ye i yuɛ nya, naa, i ’ka dan i gane zun lɛ ana lo.

Jozué 1:6

’Ibo dɔ gligli, yé ’i bli ta dɔ plɛplɛ, naa, tɛrɛ lé maa a fe ka tranu lɛ anbo ’nyɔɔnle nya lé maa dan a nɔ lɛ wo lɛ, mi lé é dan munu ’ko nyana lɛ a ta, bii ɛ ke a nya.

Jozué 21:42

Fla faa valé é zi tɛrɛ lé; a zo lé wo faa ke.

Weblezannu 11:24

Fɛ lé izé bale Kémɔs a nɔ i lɛ izé nya, é ’ka dan kɛlɛ lɛ izé nya loo? Yé fɛ faa lé Gakelebale, kozé Bale a nɔ ko lɛ, é ’ka dan kɛlɛ lɛ kozé nya loo?

1 Samuɛl 12:8

Jakɔb dale Éjipiti tɛrɛ la zuo, ka tinu siaa Gakelebale lɛ, yé Gakelebale Moizi valé Arɔn pa zia yé wo ka tinu si Éjipiti tɛrɛ la yé wo wo nyana fɛkona.