Jozué 2:18 - Kazambale lé Sebe Sauunu 1979

¹⁸ Dé ko da tɛrɛ ’ko la, ’i bale sɔɔn vɔ fɛnɛti lé i ko zun a ta, a ma, yé i ti koo, i bu koo, i bwenu valé i zuanénu koo, i ti lé kɔngimunu faa koo, ’i wo zén ékeva ilé kɔn gi i va.

Jozué 2:18 ပူးပေါင်းရင်းမြစ်များ

Wepélisiananu 12:2

Maa dan i kɛlɛ lɛ bɛngɔnɔ blɛn nya, yé maa dan i drɔɔ vo lɛ, yé maa dan i tɔ kɛlɛ lɛ blɛn yé bii ɛ dan mi bɛnu drɔɔ vo lɛ.

Wepélisiananu 7:1

Gakelebale lé Noé lɛ léé: ’I wɔra ’yitagoro gi, bii valé ilé munu nya; naa, maa i ye mi tégélé nya bléyi ’ko vamunu méléna.

Esitɛɛ 8:6

Naa, we tɔntɔn é bɔa anlé munu ma an yuɛ va kaa? Yé an bɔa an bɛn kulu gana yele lɛ kaa?

Fwile 12:13

Nyɛ é dan kɛlɛ lɛ tɔmase nya ka lɛ ka nyanakɔnnu ma; maa dan nyɛ ye lɛ yé maa dan gié lɛ ka ta loru, yé dé maa Éjipiti tɛrɛ la munu gyɛ, dunuvɔmagyɛ do kpen ’ka dan ka kulu ga lɛ lo.

Wegɔné Ma Lɛrɛ 4:3

I lɔlu gi a sɔɔn bélé kununu sɔɔn zo, Yé i ’léé éé mi sian ana; I blin a bélé grénadéyili poro kuru zo, I yarayɔɔsɔ wuo.

Lévinu 14:4

Balebanzan é dan a fe lɛ léé, ’wo da a nwiinfolifɛnu nya. Miané yuɛmale zinzin fié koo, sɛdrɛyili koo, sɔ sɔɔn koo, izopéyilibɛ koo, ’wo da wo ɛ nya.

Mi Nɔnɔle 19:6

Sɛdrɛyili koo, izopéyili koo, sɔ sɔɔn koo, Balebanzan ’é wo si yé ’é wo vuli kyɛ lé é ke diriwi blena, a va.

Mi Nɔnɔle 4:8

’Wo sɔ sɔɔn fwila fɛ ’konu ta, yé ’wo dofɛn kɔlɛ wɔra a ma bélé sɔ zo. ’Bɛ zuo ’wo tablé siyilinu wɔra é gɔ gi.

WENÉNÉ LÉ LUK A GYE (Évangile selon Luc) 19:9

Jézu lé a lɛ léé: Mi ’ko a é ziin Abraam gɔnɔlazan do nya, bɛwemalé mi éé sié we gi kyɔ kɔn ’ko gi.

Kelewenu 10:27

Wo we fe aan wo ’wo ke lɛ, yé wo wɔra, yé Piɛri mi kiɛre ye é zénle ékeva.

Kelewenu 10:33

Tɔɔn, yé maa munu nwunvɔ i lɛ yé i da; ’bɛ a é zima. Sin, ko faa a Bale ’lɛ; we faa lé Kazambale a fe i lɛ, ’bé fe ko lɛ, ko ’ma.

Kelewenu 11:14

yé we lé bé kɛla yé bii valé ilé kɔngimunu faa é si we gi, é dan a fe lɛ i lɛ, Kɔɔnéi a zuo faa fe ko lɛ.

2 Timoté 1:16

Mizan nyanai ’é zén Onézifɔɔ lé kɔngimunu ta ma; é an tɔrɔ paa gɔnɔ kiɛre nya, yé yara ’ka a gyɛ lɛ an yeregɔgɔbalenu lé we ma lo, azama.

Ébrunu 9:19

Dé Moizi bélidɔwe sɔnné tɛtɛnénu fe munu faa lɛ faa, ’bɛ zuo yé diriné valé boligɔné nyɛ koo, ’yi koo, ’blakyɛɛsɔ sɔɔn valé izopéyili bɛné koo, é wo si yé é nyɛ nwɛɛn bélidɔwe sɛbɛ valé munu ta, yé é léé:

Jozué 2:21

É a zi pa léé: ’É kɛlɛ ka dére yɛrama ma. É si wo va yé wo go. Yé é bale sɔɔn vɔ yee fɛnɛti ta.

Jozué 6:23

Pɛniɛnu lé wo go tɛrɛ nagini lɛ yi la, wo wɔra yé Raab koo, a ti koo, a bu koo, a bwenu koo, alé fɛnu faa koo, wo wo bɔra. Wo alé munu faa bɔra yé wo wo vo Izraɛlnu lé sɔkɔn gini ma.

Jozué 6:25

Bɔrɔdɛ le Raab koo, a ti lé kɔngimunu koo, fɛnu faa lé ke azé nya koo, Jozué wo vo é yuɛma; é nyana Izraɛlnu va fɔɔ kyɔ, munu lé Jozué wo pa zia Jériko nagini lɛ, é wo yɔɔ, ’bɛzama.