Jozué 2:14 - Kazambale lé Sebe Sauunu 1979

¹⁴ Munu ’konu a zi pa a lɛ léé: Dé kanu gaan kɔɔn, ko ga ka lɛi, ’té dé i ’ka ko ta bɔra lɛ lo; yé dé Gakelebale tɛrɛ ’ko nɔ ko lɛ, ko dan ilé we kɛlɛ lɛ wezin valé yarapalale nya.

Jozué 2:14 ပူးပေါင်းရင်းမြစ်များ

Wepélisiananu 24:49

Sin, dé é sɔ ka lɛ léé, ka wezin valé we tegele kɛlɛ anzan lɛ, ’ka fe an lɛ, dé é ’ka sɔ lɛ ka lɛ lo, ’ka fe an lɛ yé an nɔla, dé an bɛyilazia léé, dé an bɛbolazia léé, ana.

Wepélisiananu 47:29

Izraɛl gale bɔ aan wo é pu, é ’é be Jozɛfu laa yé é lé a lɛ léé: Dé maa i yuɛi bɔ, ilé zanté, ’i bɛ wɔra an boro wuo, yé i wezin kɛlɛ an lɛ yé i kɛlɛ yarapawelazan nya anlé we ma. Té i an pa Éjipiti tɛrɛ la lo.

2 Samuɛl 2:5

David munu nwunvɔ Galaad tɛrɛ la Jabɛs munu va, a fele we gi wo lɛ léé: Ka we zin kɛlɛ kazan Saul lɛ yé ka a pa, amalé Gakelebale ’é ka drɔɔ vo ma.

2 Samuɛl 2:6

Yé sin Gakelebale ’é zin valé tɔnégidrɔɔ we kɛlɛ ka lɛ ma. Kalé we kɛlɛle ’bɛ zo lé we ma lé, maa é ziin, an dan wezin kɛlɛ lɛ ka lɛ.

2 Samuɛl 9:1

David léé: Saul lé kɔngimi do vo é ziin yé maa we zin kɛlɛ a lɛ Jonatan lé we maa?

1 Minwiinzannu 20:39

Minwiinzan blɛn a giéna bléyian va, é siaa a lɛ yé é léé: I wuozan a guli méléna; yé bé ye, mi do bié yé é da mi do nya an va yé é léé: ’I yuɛ pa gɔné ’ko va; dé é san, i dan ga lɛ a pa gi, dé ’bɛ kaan lo, ’i gɔɔlifu talan do no.

Wegɔnévɔlenu 14:22

Munu lé woo gi bɔrɔan wenyané nya, wo ’ka dan saan lɛ loo? Naa, munu lé woo gi bɔrɔan wezin nya woo we kɛla bli zin valé yarapalale nya.

Wegɔnévɔlenu 18:24

Mi lé a béénu ke di, wa di a gyɛle nyané nya we ma, naa, béé do ana yé é a é yerele mi ma é mini mi bwe ta.

Matio 5:7

Nyanaizénmunu a bɛan ’bɛ gi bɛ, ’bɛ a é zima wozé nya, naa, Bale é dan nyanai zén lɛ wo ta.

Kelewenu 23:22

Sunyanuzan segele lé pɛniɛ lɛ léé: We lé bé fe an lɛ, té bé fe mi do kpen lɛ lo. ’Bɛ zuo yé é a pa zia.

Jozué 2:13

’Ka sɔbɛlawe fe an lɛ; an ti koo, an bu koo, an bwenu koo, an burunu koo, an zuanénu koo, wolé fɛnu faa koo, dé ka dan wo vo lɛ é yuɛma yé ka ko si ga lee, ’ka fe an lɛ.

Jozué 2:15

Alé kɔn a é dɔle flagɔrɔ ta loru, amalé é wo zun fɛnɛti la bale nya.

Jozué 6:17

Fla koo, fɛnu faa lé ke fla koo, wo dan wo nɔ lɛ Gakelebale lɛ bale pale wo ma nya, naa, bɔrɔdɛ le Raab koo, munu faa lé wo ke a va kɔn gi koo, wo dan wo vo lɛ é yuɛma, munu lé ko wo nwunvɔ, é wo yɔɔ, ’bɛzama.

Jozué 6:22

Mi fié lé wo da yi la tɛrɛ nagini lɛ bɛ, Jozué lé wo lɛ léé: ’Ka wɔra bɔrɔdɛ le lé kɔn gi, yé le ’ko valé élé munu faa lé wo ke alé kɔn gi, ’ka wo bɔra, bɛan zo lé ka Bale ’nyɔɔn a lɛ, a zo.

Jozué 6:25

Bɔrɔdɛ le Raab koo, a ti lé kɔngimunu koo, fɛnu faa lé ke azé nya koo, Jozué wo vo é yuɛma; é nyana Izraɛlnu va fɔɔ kyɔ, munu lé Jozué wo pa zia Jériko nagini lɛ, é wo yɔɔ, ’bɛzama.

1 Samuɛl 20:8

Ko gi pa do é kyɛn Gakelebale ’lɛ, amalé i an sɔle i lɛ nagɔɔn sin. Yé dé wenyané a an gi, ’i an gyɛ i boan; naa, mɛmalé é a lé i go an nya i ti vaa?