Jozué 18:1 - Kazambale lé Sebe Sauunu 1979

¹ Izraɛl lé nénu faa zén ékeva Silo yé wo zén‐ékevasɔkɔn dɔ ’bɛna. Wo pla tɛrɛ nwiin.

Jozué 18:1 ပူးပေါင်းရင်းမြစ်များ

2 Samuɛl 7:6

Naa, é sia yian nya lé maa Izraɛl lé nénu si Éjipiti tɛrɛ la fɔɔ kyɔ yi nya, maa ’ka tan nyana lɛ kɔn gi lo; an tawo sɔkɔn valé Bale lé sɔkɔn wuo.

1 Minwiinzannu 14:2

Ilé zanté, ’i nwa, ’i ma nɔla, té wo i dɔɔ Jéroboam na nya lo, yé ’i go Silo. Bé ye, balelayezan Akija ana bɛ; yee ɛ fe an lɛ léé, maa dan kɛlɛ lɛ munu ’ko nwiinzan blɛn nya.

1 Minwiinzannu 14:4

Jéroboam na a kɛlɛ a zo; é nwa yé é go Silo, yé é wɔra Akija lé kɔn gi. Akija yuɛ gi gunu dɔra élé kwa gyɛle we ma, amalé é ’ka fɛna yé tegele lo.

1 Minwiinzannu 2:27

’Bɛ zo lé Salomɔn Gakelebale lé balebannyanama si Abiataa lee, we lé Gakelebale a fe Silo Éli lé munu lé we ma, a lɛ sɔɔle we gi.

Néémi 9:24

Yé wo benu bɔ tɛrɛ ’ko la yé wa si wozé nya, yé a tamunu, Kanaannu tua wo lɛ, yé wo valé ’wo nwiinzannu koo, tɛrɛ ’ko tamunu koo, i wo pa wo lee, léé, wo ’wolé sɔlɛwe kɛlɛ wo lɛ.

Lɛrɛvɔ Sɛbɛ 78:60

É sɔn vɔ é nyanana lé ke Silo, a ma, Sɔkɔn lé éé nyanaan a gi munu méléna, é sɔn vɔ ’bɛ ma;

Lɛrɛvɔ Sɛbɛ 78:66

A nyanézannu vlan buru ’té éé goo wo gyɛle nya, ’Té alé serele bole wo ma glɛ ’ka lo.

Jérémi 26:6

’té wean maa kɛlɛ Silo lɛ, yee duo lé maa dan a kɛlɛ lɛ munu ’ko lɛ, yé maa dan fla ’ko kɛlɛ lɛ balepama fla nya tɛrɛla bɛnnu faa yuɛ gi.

Jérémi 26:9

Mɛmalé i balelawe fe Gakelebale tɔ gi léé: Kɔn ’ko é dan kɛlɛ lɛ bélé Silo zoo? yé wo dan fla ’ko guru zana lɛ a gi, té mi do kpen ’ka dan vo lɛ ana loo? Munu faa zén ékeva Jérémi zi, Gakelebale lé kɔn gi.

Jérémi 41:5

mi yɔ ziɛn lé wo si Sisɛm koo, Silo koo, Samari koo, wona, wo da ana, ’té wo puomagun a é bole yé wolé sɔnu a é fiale, ’té wo kɔlɛ ma a é mianle. Wo da blannu valé lasikɔrɔpo nya a plale Gakelebale lé kɔn gi we ma.

Mi Nɔnɔle 32:22

yé tɛrɛ ’ko plale Gakelebale wuo zuo yé ka si ana, ’té we ’ka dan kɛlɛ lɛ ka nwiin Gakelebale vazia valé Izraɛlnu vazia lo, yé tɛrɛ ’ko é dan kɛlɛ lɛ kazé nya Gakelebale ’lɛ.

Kelewenu 7:45

Dé kaa tranu sɔkɔn ye, wo goan yé wo bɔra a nya bɛnnu lé Kazambale wo bin wo ’lɛ, wolé tɛrɛ la, ’té Jozué a wo zilɛzan nya. Yee sɔkɔn vo ana fɔɔ yé é bɔ David zé bléyi ma.

Jozué 18:2

Izraɛl lé nénu bɛn sɔrafié ’ka tan ’wolé tɛrɛ ye lɛ lo.

Jozué 18:8

Bléyian va lé munu ’ko nwa yé wo go tɛrɛ glɛnu ye lɛ, Jozué lé wo lɛ léma: ’Ka go, ’ka gié ana tɛrɛ faa la, ’ka tɛrɛnu nyɔɔ dɔ yé ’ka da an va é ziin; ’bɛ zuo maa dan ’munnu zun lɛ ka lɛ Gakelebale ’lɛ, Silo.

Jozué 19:51

Tɛrɛnu lé Balebanzan Éléazaa koo, Nɛn be Jozué koo, Izraɛl bɛn gi guniwuonu koo, wo wo nɔ ’munnu zunle nya Gakelebale ’lɛ, Silo, Bale lé sɔkɔn ’léé, wa yee ɛ zo. ’Bɛ zo lé wo tɛrɛ gulile lɛ sɔɔ.

Jozué 21:2

Wo we fe wo lɛ Silo, Kanaan tɛrɛ la yé wo léé: Gakelebale a fe Moizi lɔlu nya léé, ’wo ko nyanalaflanu nɔ, é valé wo zi tɛrɛnu nya, kolé winu zé nya.

Jozué 22:12

Wo ’bɛ ’ma aan wo, Izraɛl lé nénu faa zén ékeva Silo, gulidanle wo va we gi.

Jozué 22:19

Dé kazé tɛrɛ tiri dɔ, tɛrɛ lé ke Gakelebale zé nya, ’té a nyanana ke a ta bɛ, ’ka go ’bɛna yé ’ka nyana ko va, naa, té ka nwa Gakelebale ma lo yé té ka kan kini ko ma balebanna lé é ’ka Gakelebale kozé Bale zé nya lo, a kɛlɛle nya lo.

Jozué 22:9

Rubɛnnu koo, Gadnu koo, Manasé bɛn lɛgɔnɔ do koo, wo si Izraɛl lé nénu va Silo, Kanaan tɛrɛ la, yé wo nɔla gole we gi Galaad tɛrɛ lé ke wozé nya, ’té wo nyana a ta bɛ, a ta, Gakelebale a fe Moizi lɔlu nya fɛan zo, a zo.

Weblezannu 18:31

Miyili nyaale lé Mika a kɛlɛ, wa dɔ wozé nya, bléyi faa lé Bale lé kɔn a Silo, a bléyi faa va.

Weblezannu 21:12

Jabɛs lé ke Galaad tɛrɛ la, ana munu méléna wo blɛnnu ye wuru fié, ’té wo ’ka tan gɔné dɔɔ lɛ lo, yé wo da wo nya sɔkɔndɔna, Silo, Kanaan tɛrɛ la.

Weblezannu 21:19

Yé wo léé: Woo fɛti kɛla Gakelebale lɛ Silo lɛɛ do do ma Bétɛl lé yirinwana bɛbolazia, zi lé é si Bétɛl yé é go Sisɛm, é a ’bɛ lé yirinwanazia, yé é a Lébona lé yirinwana bɛyilazia.

1 Samuɛl 1:24

Né si nyɔ ma aan wo, Ane go a nya é lee, yé dirigɔné yaa koo, burupun vlekyɛɛ do koo, nwɛ kuo do koo, é go wo nya é lee. É go né nya Gakelebale lé kɔn gi Silo; naa, né a tan kiéné.

1 Samuɛl 1:3

Lɛɛ do do gi, gɔné ’ko éé sié élé fla yé éé goo Silo diale é bli la we gi lai sunyanu lé Gakelebale ’lɛ, ’é valé a banle we gi. ’Bɛna lé Gakelebale banzannu fié ke, Éli benu Ofoni valé Finé lé.