Jozué 17:14 - Kazambale lé Sebe Sauunu 1979

¹⁴ Jozɛfu benu we fe Jozué lɛ, yé wo léé: Mɛmalé i tɛrɛ fén do, tɛrɛ buru do kpen nɔ ko lɛ, dɔlé ’té ko a munu kiɛre nya yé Gakelebale ko drɔɔ vo fɔɔ bléyi ’ko vaa?

Jozué 17:14 ပူးပေါင်းရင်းမြစ်များ

Wepélisiananu 48:19

A ti ’ka a nyi si lɛ lo, yé é léé: Maa a gi dɔɔoo dɔɔ, an be. Yee é ziin é dan kɛlɛ lɛ bɛn do nya, yee é ziin é dan kɛlɛ lɛ blɛn; naa, a zuané kɛlɛle blɛn é dan mini lɛ a ta, yé ’bɛ kulu é dan kɛlɛ lɛ bɛngɔnɔ di nya.

Wepélisiananu 48:20

’Bɛ yi la é wo drɔɔ vo yé é léé: Izraɛl munu é dan munu drɔɔ vo lɛ ka tɔ nya. Wo dan munu drɔɔ vo lɛ a fele nya léé: Bale ’é i pa bélé fɛan zo lé é Éfraim valé Manasé pa, a zo. Yé é Éfraim dɔ Manasé ’lɛ.

Wepélisiananu 48:22

Maa dan izé nɔ lɛ bélé i bwenu zé zo, yé maa izé taa pa. Tɛrɛ lé maa a si Amoré munu lee anlé gwɔun valé anlé sa nya, yee lé maa izé taa pa a nya.

Ézékiɛl 48:5

É sia Manasé zé glɛ ma yirinwanazia yé é bɔ yirivɔnazia, Éfraim bɛn zé lé.

Mi Nɔnɔle 13:7

Isakaa gɔnɔ gi, Jozɛfu be Jigal lé.

Mi Nɔnɔle 26:54

Woan wo ’léé ke di, ’i fɛna blɛn nɔ wo lɛ, yé woan wo ’léé ke sɛ, ’i fɛna sɛ nɔ wo lɛ. ’Wo mi faa do do zé fɛna nɔ mi nɔnɔle ’léé yɛrama.

Mi Nɔnɔle 36:12

wo bo si Jozɛfu be Manasé kulu gi munu va, yé wolé zaratɛrɛ vo ’wo tranu gɔnɔ gi.

Jozué 16:4

’Bɛna lé Jozɛfu benu Manasé valé Éfraim wozé tɛrɛ ye.

Jozué 17:15

Jozué lé wo lɛ léé: Dé ka a munu kiɛre nya, ’ka go pɔrɔ gi yé ’ka ana wo yé kalé fɛna ’é kɛlɛ Férézi valé Réfaim munu lé tɛrɛ la, ’té dé Éfraim gɔ a ka ma kiéné.