Jozué 13:14 - Kazambale lé Sebe Sauunu 1979

¹⁴ Lévi bɛn do kpen lɛ lé, Moizi ’ka tɛrɛ nɔ lɛ lo; wozé lé ke balebanfɛnu lé woo wo kyɛ blé Gakelebale Izraɛl lé Bale lɛ, wo nya, é a fe a lɛ fɛan zo a zo.

Jozué 13:14 ပူးပေါင်းရင်းမြစ်များ

Ézékiɛl 44:28

Zara lé wo dan a ble lɛ, yee lé ke ’ko: Maa ɛ ke wolé zarafɛ nya. Té ka wozé zarafɛ nɔ Izraɛl munu va lo; maa ɛ ke wozé zara nya.

Ézékiɛl 44:29

Blɛfɛnu koo, wenyané ’yibo sarakanu koo, wenyané ma sarakanu koo, wo dan kɛlɛ lɛ wozé fɛblele nya; yé fɛ faa lé Izraɛlnu a pa é yɛrama Bale zé nya, ’wa nɔ Balebanmunu lɛ.

Bélidɔwesɛbɛ Fiézan 10:9

Bɛwemalé Lévinu lé tɔnɔ ’ka wo bwenu zé va lo; Gakelebale ɛ ke wolé tɔnɔfɛ nya, Gakelebale, kalé Bale a fe wo lɛ fɛan zo, a zo.

Bélidɔwesɛbɛ Fiézan 12:12

’Bɛna lé ka koo, ka benu valé ka lunu koo, ka wuogɔnénu valé ka wuolomu koo, ka gi é dan nana lɛ Gakelebale, kalé Bale ’lɛ; dé Lévimi a ka va, yee koo é ziin, naa, azé fɛ do ’ka ka va lo, yé ka valé wonu lé tɔnɔ ’ka ékeva lo, ’bɛzama.

Bélidɔwesɛbɛ Fiézan 12:19

Dé ka mɔn kalé tɛrɛ la kaaoo, ’ka yuɛ pa kabozen va, té ka gi é san Lévinu ma lo.

Jozué 13:13

Naa, Izraɛlnu ’ka Gésuunu valé Maakatinu bin lɛ lo, yé wa é nyanale Izraɛl munu méléna fɔɔ kyɔ yi nya.

Jozué 13:15

Moizi tɛrɛ buru do nɔ Rubɛnnu lɛ wo gɔnɔla ma gɔnɔla ma.

Jozué 13:33

Moizi ’ka tɛrɛ nɔ lɛ Lévinu lɛ lo; Gakelebale, Izraɛl lé Bale a wozé tɔnɔ nya, é a fe wo lɛ fɛan zo, a zo.

Jozué 18:7

Naa, Lévinu zé ’ka dan kɛlɛ lɛ ka va lo; naa, balebannyanama lé ke wozé nya; yé Gad koo, Rubɛn koo, Manasé bɛn lɛgɔnɔ do koo, wozé tɛrɛ lé Gakelebale wuozan Moizi a nɔ wo lɛ Juudɛn zi, yirinwana zia, wa ye.