Jozué 11:20 - Kazambale lé Sebe Sauunu 1979

²⁰ Naa, Gakelebale munu ’konu bli kɛlɛ plɛplɛ gulidanna Izraɛl va, alé wo gyɛle tata yé a nyanai ’ka zén wo ta lo we ma, yé wo wo nɔ bale pale wo ma nya, fɛan zo lé Gakelebale a fe Moizi lɛ, a zo.

Jozué 11:20 ပူးပေါင်းရင်းမြစ်များ

2 Samuɛl 17:14

Abusalɔm valé Izraɛl munu faa léé: Aaki mi Usai lé weplale fila vɔ é mini Asitofɛl zé ta. Naa, é a Gakelebale gi léé, ’é Asitofɛl lé weplale zima kɛla we pla nya, wenaané bɔle Abusalɔm ma we gi.

1 Minwiinzannu 12:15

’Bɛ zo lé minwiinzan blɛn ’ka é tɔné dɔ lɛ munu lɛ lo; naa, a we si Gakelebale va, dére lé Gakelebale a fe Silozan Akija lɔlu nya Nébat be Jéroboam lɛ, a lɛ sɔɔle we gi.

2 Minwiinmunu lé Wezuofe Sɛbɛ 22:7

Kazambale lé blibɔmawe yɛrama, Akazia gole Joram va kɛlɛ a sɛrɛwe nya. É bɔ aan wo ’bɛna, yee valé Joram bɔra gole zidɔle Nimsi be Jéu ’lɛ we ma, mi lé Gakelebale nyɔnɔ zén a nwiin léé, ’é Akab lé munu kulu ga, yee lé.

2 Minwiinmunu lé Wezuofe Sɛbɛ 25:16

É a tan wefena tɔɔn, Amasia lé a lɛ léé: Ko i dɔ léé, i we pla minwiinzan blɛn lɛɛ? ’I gyɛ i zuo. Mɛmalé ibo bɔra i blale lɛɛ? Balelayezan si ana, ’té é a fé léé: Maa a gi dɔɔ léé, é a Bale bli gi léé, é dan i gyɛ lɛ. I we ’ko kɛlɛ yé i ’ka tɔné dɔ lɛ anlé weplale lɛ lo, azama.

Fwile 10:1

Gakelebale lé Moizi lɛ léé: ’I go Faraɔn va, naa, maa a bli valé a wuozannu bli kɛlɛ plɛplɛ, anlé tɔmasenu kɛlɛle wo méléna we ma;

Fwile 11:10

Moizi valé Arɔn gyɛzorowe ’konu faa kɛlɛ Faraɔn yuɛ va, yé Faraɔn ’ka daan lɛ Izraɛl lé nénu ma, léé, ’wo si élé tɛrɛ la lo.

Fwile 14:17

Yé maa, maa dan Éjipiti munu bli ta dɔ lɛ plɛplɛ, wo wɔrale ana ka zuo we gi; yé maa dan anlé plɛplɛ nagɔɔn lɛ Faraɔn valé élé sunyanu faa koo, alé goronu valé alé wisootazannu koo, wo nya.

Fwile 14:4

Maa dan Faraɔn bli kɛlɛ lɛ tɔntɔn, yé é dan go lɛ wo zuo; naa, maa dan anlé fuasan nagɔɔn lɛ Faraɔn valé élé sunyanu faa nya, yé Éjipiti munu é dan a gi dɔɔ lɛ léé, maa a Gakelebale nya. Yé Izraɛl lé nénu a kɛlɛ a zo.

Fwile 14:8

Gakelebale Éjipiti mununwiinzan blɛn Faraɔn bli kɛlɛ tɔntɔn yé Faraɔn go Izraɛlnu zuo. Izraɛl lé nénu si wo va baale nya wo yuɛ gi.

Fwile 4:21

Gakelebale lé Moizi lɛ léé: I a gona Éjipiti tɛrɛ la sin, amalé we blɛnblɛnnu lé maa wo bɛ pa i lee, ’i gi bɔrɔ wo ma; i dan wo kɛlɛ lɛ Faraɔn yuɛ va. Yé maa dan a bli kɛlɛ lɛ plɛplɛ, yé é ’ka dan daan lɛ munu ma wo go lo.

Fwile 9:12

Gakelebale Faraɔn bli kɛlɛ plɛplɛ yé Faraɔn ’ka é tɔné dɔ lɛ Moizi valé Arɔn lɛ lo, Gakelebale a fe Moizi lɛ fɛan zo, a zo.

Fwile 9:16

Naa, é i vo ana, ilé ’élé plɛplɛ yele we gi yé wo ’é tɔ sɔɔla tɛrɛ faa la.

Ézai 14:24

Lai sunyanu lé Gakelebale ébo ’nyɔɔn léé: lin, we lé maa a fe léé, an dan a kɛlɛ lɛ, é dan bɔ lɛ; yé we lé an gi bɔrɔ a nya, a lɛ é dan sɔɔ lɛ.

Ézai 34:2

Naa, Gakelebale lé bliflile é dan nwa lɛ bɛnnu faa ma, yé a wɛwɛ é dan dɔ lɛ wolé sunyanu faa ma. É dan wozé nyaa lɛ; é wo pa wo gyɛzannu lee.

Rom munu 9:18

Bɛwemalé, dé é sɔ Bale lɛ léé, ’é nyanai zén mian ta, ’bɛzan ta lé éé a zén‐é, yé dé é sɔ a lɛ léé, ’é mian tɔné gi kɛlɛ plɛplɛ, ’bɛzan lé é a tɔné gi kɛla plɛplɛ.

Bélidɔwesɛbɛ Fiézan 2:30

Naa, Esibɔn munu nwiinzan Sioni ’ka a nyi si lɛ léé, ko gié ’élé fɛna lo; Gakelebale, kalé Bale a bli dɔ kpɛɛn yé é a bli dɔ plɛplɛ a pale ka lee we gi, fɛan zo lé ka ye kyɔ, a zo.

Bélidɔwesɛbɛ Fiézan 7:16

Bɛnnu faa lé Gakelebale, kalé Bale é dan wo pa lɛ ka lee, ’ka wo gyɛ; té ka nyanai zén wo ta lo, té ka wolé balenu bɔ lo, naa, é dan kɛlɛ lɛ ka kunsan nya, ’bɛzama.

Weblezannu 14:4

A ti valé a bu ’ka a gi dɔɔ lɛ léé, a we si Gakelebale va lo; naa, é a we ginina Filisitinu va. ’Bɛ bléyi va ’té Filisitinu a é plale Izraɛl nwiin.

1 Samuɛl 2:25

Dé mi do wenyané kɛlɛ mi bɛ lɛ, Bale é dan a we ble lɛ; naa, dé mi wenyané kɛlɛ Gakelebale lɛ, de ɛ dan dɔ lɛ a zuoo? Yé wo ’ka wo tɔné dɔ lɛ wo ti dére lɛ lo, Gakelebale a a va léé, é wo gyɛ, azama.