Jozué 11:16 - Kazambale lé Sebe Sauunu 1979

¹⁶ ’Bɛ zo lé Jozué tɛrɛ ’ko faa si; gɔ koo, yirinwana bɛyilazia faa koo, Gozɛn tɛrɛ faa koo, pɛngurunu koo, fɛna pɛblɛɛ koo, Izraɛl lé gɔ valé alé pɛngurunu koo, woo lé;

Jozué 11:16 ပူးပေါင်းရင်းမြစ်များ

Lɛrɛvɔ Sɛbɛ 105:44

É bɛn bɛnu lé tɛrɛ nɔ wo lɛ, Yé nyanama lé bɛn bɛnu a pa, wo a tɔnɔ ble,

Lɛrɛvɔ Sɛbɛ 78:55

É bɛnnu bin wo ’lɛ, É wolé tɛrɛ guli wo ma wolé tɔnɔfɛ nya, Yé é Izraɛl bɛnnu nyana wolé sɔkɔnnu wuo.

Ézékiɛl 17:23

Maa dan a suru lɛ gɔ blɛn torole nwiin, Izraɛl tɛrɛ la. A bɛnu é dan kɛlɛ lɛ yé é dan é poro baa lɛ, yé é dan kɛlɛ lɛ sɛdrɛyili nɔnɔmi kaii nya. Miané gɔnɔ faa do do é dan nyana lɛ a bɛnu la. Yé fɛnu faa lé wo bɛanu ke, wo dan nyana lɛ a bɛnu furɔ va.

Ézékiɛl 36:8

Yé ’kaa Izraɛl gɔnu, yilinu é dan tin lɛ ka nwiin, yé wo poro é dan baa lɛ anlé munu Izraɛl zé nya; naa, é vo sɛ yé we ’konu é bɔ.

Bélidɔwesɛbɛ Fiézan 1:7

É léé: ’Ka nwa, ’ka zi sia. ’Ka go Amorénu lé gɔ valé é zi tɛrɛ faa la; fɛna pɛblɛɛna koo, gɔ ma koo, pɛngurunu koo, yirinwana bɛyilazia koo, wɛyi vazia koo, Kanaan munu lé tɛrɛ valé Liban tɛrɛ koo, ’ka go wo faa na, fɔɔ yé ka bɔ yuu blɛn Yufrat ma.

Jozué 10:40

Jozué ana tɛrɛlamunu faa gyɛ, gɔ nwiin munu koo, yirinwana bɛyilazia munu koo, fɛna dégélé munu koo, gɔpanénu nwiin munu koo, woo lé, yé é wo nwiinzannu faa gyɛ; é ’ka mi do kpen vo lɛ lo, yé fɛnu faa lé woo flin‐é é wo gyɛ tata, fɛan zo lé Gakelebale Izraɛl lé Bale a fe, a zo.

Jozué 10:41

É sia Kadɛs‐Baanéa yé é bɔ Gaza, Jozué ana munu faa gyɛ; é Gozɛn tɛrɛ ta munu faa gyɛ fɔɔ yé é bɔ Gabaɔn.

Jozué 11:15

We faa lé Gakelebale é wuozan Moizi béli dɔ a nya, yé Moizi Jozué béli dɔ a nya, Jozué a faa kɛlɛle lɛ sɔɔ; we faa lé Gakelebale a fe Moizi lɛ, Jozué ’ka a do kpen vo lɛ lo.

Jozué 11:2

minwiinmunu lé wo ke yirinwana bɛbolazia gɔ ma valé fɛna pɛblɛɛ lé ke Kinérɛt yirinwana bɛyilazia valé gɔ worona valé Dɔɔ gɔnu nwiin yirivɔnazia, ’bɛnu faa koo,

Jozué 11:21

’Bɛ bléyi duo va, Anaknu lé wo ke Ébrɔn gɔ koo, Débii koo, Anab koo, Juda gɔ koo, Izraɛl gɔ koo, wona, Jozué go guli dan lɛ wo va, yé é wo nyaa tɛrɛ la. Jozué wo gyɛ tata, wo valé ’wolé flanu nya.

Jozué 12:8

gɔ nwiin koo, gɔnu worona koo, fɛna pɛblɛɛ koo, gɔ kiénénu koo, bwi gi koo, yirinwana bɛyilazia koo, wona. Étinu koo, Amorénu koo, Kanaannu koo, Férézinu koo, Éévinu koo, Jébusinu koo, wolé tɛrɛnu lé.

Jozué 9:1

Minwiinzannu faa lé ke Juudɛn bɛ ’ko la zia, gɔ nwiin koo, gɔ worona koo, wɛyi blɛn gɔ ma faa koo, fɔɔ é bɔ Liban sɔnɔ, Étinu koo, Amorénu koo, Kanaannu koo, Férézinu koo, Éévinu koo, Jébusinu koo, wo we ’konu ’ma aan wo, wo zén ékeva bli do nya gulidanle Izraɛl valé Jozué va we gi.