Jozué 11:14 - Kazambale lé Sebe Sauunu 1979

¹⁴ Izraɛl lé nénu fla ’konu ta gulizarafɛnu faa valé winu si ’wozé nya, naa, wo munu faa gyɛ gwɔun nya fɔɔ wo wo gyɛ tata, yé wo ’ka mi do kpen vo lɛ é yuɛma lo.

Jozué 11:14 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 20:25

Jozafat valé élé munu go gulizarafɛ si lɛ. Wo fuafɛnu ye migalenu va kiɛre, yé wo fɛwezannu ye ’bɛna di. Wo wo sia kiɛre fɛan zo bɛ, wo ’ka bɔa gole lɛ wo faa nya kɔné do nya lo. Gulizarafɛ a kiɛre fɛan zo bɛ, wo vo a siana fɔɔ yi yaa.

Mi Nɔnɔle 31:9

Madian lomu koo, wolé né kiénénu koo, Izraɛlnu wo si luunu nya, yé wolé winu koo, wolé trubɛnu koo, wolé fuafɛnu faa koo, wo wo si gla nya.

Bélidɔwesɛbɛ Fiézan 20:14

Naa, lomu koo, nénu koo, winu koo, fɛ faa lé ke fla koo, ’ka ’bɛ faa si; wo faa a gulizarafɛ nya, yé ka nyanézannu lé Gakelebale, kalé Bale a pa ka lee, ka dan wo leefɛ ble lɛ.

Bélidɔwesɛbɛ Fiézan 20:16

Naa, bɛnnu lé Gakelebale, kalé Bale a wolé tɛrɛnu nɔna ka lɛ tɔnɔfɛ nya, dé fɛofɛan ke flinna, té ka a vo é yuɛma lo.

Jozué 10:40

Jozué ana tɛrɛlamunu faa gyɛ, gɔ nwiin munu koo, yirinwana bɛyilazia munu koo, fɛna dégélé munu koo, gɔpanénu nwiin munu koo, woo lé, yé é wo nwiinzannu faa gyɛ; é ’ka mi do kpen vo lɛ lo, yé fɛnu faa lé woo flin‐é é wo gyɛ tata, fɛan zo lé Gakelebale Izraɛl lé Bale a fe, a zo.

Jozué 11:11

Wa kele guli nya, yé wo ana fɛnu faa nɔ bale pale wo ma nya; fɛ faa lé woo flin‐é, a do kpen ’ka vo lɛ lo, yé wo Asɔɔ kyɛ ble.

Jozué 11:13

Naa, flanu lé wo ke é pale gɔpanénu nwiin, Izraɛl ’ka wo do kyɛ ble lɛ lo, ’té dé é ’ka Asɔɔ do kpen lé Jozué a kyɛ ble, a nya lo.

Jozué 11:15

We faa lé Gakelebale é wuozan Moizi béli dɔ a nya, yé Moizi Jozué béli dɔ a nya, Jozué a faa kɛlɛle lɛ sɔɔ; we faa lé Gakelebale a fe Moizi lɛ, Jozué ’ka a do kpen vo lɛ lo.

Jozué 8:2

Fɛan zo lé bé kɛlɛ Jériko valé é nwiinzan lɛ, i dan a kɛlɛ lɛ Ai valé é nwiinzan lɛ a zo; naa, ka dan gulizarafɛnu valé winu si lɛ kazé nya. ’I sunyanu pa zia ’wo yɔɔ fla nwun zi.

Jozué 8:27

Fla ’ko la winu koo, fla gulizarafɛnu koo, Izraɛl wo si ’wozé nya, bélé fɛan zo lé Gakelebale a fe Jozué lɛ, a zo.