Jozué 11:12 - Kazambale lé Sebe Sauunu 1979

¹² Jozué minwiinzannu ’konu valé wolé flanu si, yé é wo gyɛ gwɔun nya yé é wo nɔ bale pale wo ma nya, fɛan zo lé Gakelebale wuozan Moizi a béli dɔ, a zo.

Jozué 11:12 ပူးပေါင်းရင်းမြစ်များ

Bélidɔwesɛbɛ Fiézan 7:2

Dé Gakelebale, kalé Bale wo pa ka lee yé ka wo kele, ’ka wo gyɛ tata; té ka gi pa do wo nya lo; té ka wo ma we vo lo.

Bélidɔwesɛbɛ Fiézan 9:3

Amalé kyɔ, Gakelebale, kalé Bale é dan tawo lɛ ka ’lɛ bélé kyɛ lé éé fɛ faa blé, a zo, ’ka ’bɛ gi dɔɔ ma; yee ɛ dan wo kɛlɛ lɛ kiéné ka ’lɛ, yee ɛ dan wo kulu ga lɛ; ka dan wo bin lɛ, ka dan wo gyɛ lɛ do ’té, Gakelebale a fe ka lɛ fɛan zo, a zo.

Jozué 10:20

Jozué valé Izraɛl lé nénu wo gyɛ wigyɛbɛ gi fɔɔ wo wo gyɛ tata aan wo, wo lé wo bɔ fla plɛplɛ ta wo si we gi,

Jozué 10:28

A yi duo nya Jozué Makéda si, yé é a tamunu gyɛ gwɔun nya; minwiinzan koo, fla koo, mi faa lé ke ana koo, é wo gyɛ tata; é ’ka mi do kpen vo lɛ lo, yé fɛan zo lé wa kɛlɛ Jériko nwiinzan lɛ, a zo lé wa kɛlɛ Makéda nwiinzan lɛ.

Jozué 10:30

Gakelebale ’bɛ nɔ wo lɛ é ziin, é a pa Izraɛl lee, é valé é nwiinzan nya, yé é a tamunu gyɛ gwɔun nya; é ’ka mi do kpen vo lɛ lo, yé fɛan zo lé wa kɛlɛ Jériko nwiinzan lɛ, a zo lé wa kɛlɛ Libina nwiinzan lɛ.

Jozué 10:32

Gakelebale Lakis pa Izraɛl lee, wa si a yi fiézan nya, yé wa tamunu gyɛ gwɔun nya, fɛan zo lé wa kɛlɛ Libina lɛ, a zo.

Jozué 10:35

Wa si a yi duo nya, yé wa tamunu gyɛ gwɔun nya; Jozué wo gyɛ tata a yi duo nya, fɛan zo lé é a kɛlɛ Lakis lɛ, a zo.

Jozué 10:37

Wa si, yé wa tamunu gyɛ gwɔun nya, wo nwiinzan koo, a fla faa lé ke a wuo, wo tamunu faa lé wo ke ana koo, wo nya; Jozué ’ka mi do kpen vo lɛ lo, fɛan zo lé é a kɛlɛ Églɔn lɛ, a zo, yé é a tamunu faa gyɛ tata.

Jozué 11:13

Naa, flanu lé wo ke é pale gɔpanénu nwiin, Izraɛl ’ka wo do kyɛ ble lɛ lo, ’té dé é ’ka Asɔɔ do kpen lé Jozué a kyɛ ble, a nya lo.

Jozué 11:15

We faa lé Gakelebale é wuozan Moizi béli dɔ a nya, yé Moizi Jozué béli dɔ a nya, Jozué a faa kɛlɛle lɛ sɔɔ; we faa lé Gakelebale a fe Moizi lɛ, Jozué ’ka a do kpen vo lɛ lo.

Jozué 13:6

gɔma munu, é sia Liban fɔɔ yé é bɔ Misréfɔt‐Maim koo, Sidɔn munu faa koo, woo tɛrɛnu lé. Maa dan wo bin lɛ Izraɛl lé nénu ’lɛ. ’I tɛrɛ ’ko nɔ Izraɛl lɛ wozé nya, ’munnu zunle nya fɛan zo lé maa fe i lɛ, a zo;

Jozué 21:44

Gakelebale flinle nɔ wo lɛ bɛ faa ma, é a fe wo tranu lɛ ébo ’nyɔɔnle nya fɛan zo, a zo; wo nyanézan do kpen ’ka bɔa dɔle lɛ wo ma lo, yé Gakelebale wo faa pa wo lee.

Jozué 8:31

fɛan zo lé Gakelebale wuozan Moizi a fe Izraɛl lé nénu lɛ, yé wa gyɛ Moizi lé bélidɔsɛbɛ gi, a zo. É balebanna kɛlɛ gɔlɛnu lé wo ’ka wo ’wii lɛ foliɛwɔlɛ nya lo, a nya. Wo Gakelebale ban balebanna ’ko ta, wi lé wa kyɛ blé, a nya, yé wo bɔvɔ sarakanu bo é ziin.

Jozué 8:8

Dé ka fla si, ka dan a kyɛ vɔ lɛ, ka dan a kɛlɛ lɛ fɛan zo lé Bale a fe, a zo. Ka ye, maa fe ka lɛ.

Jozué 9:24

Wa zi pa Jozué lɛ yé wo léma: Fɛan zo lé Gakelebale izé Bale a fe é wuozan Moizi lɛ léé, ’é tɛrɛ ’ko faa nɔ ka lɛ yé ’é ana tɛrɛlamunu faa gya ka ’lɛ, wa fe ko lɛ, bɛwemalé ka dale ’ko é kana blɛn zén ko gi; ko vole é yuɛma lé we ma lé ko kɛlɛ a zo.