Jozué 10:8 - Kazambale lé Sebe Sauunu 1979

⁸ Gakelebale lé Jozué lɛ léé: Té i kana wo lee lo, naa, maa wo nɔ i lɛ, yé wolé mi do kpen ’ka dan dɔ lɛ i ’lɛ lo.

Jozué 10:8 ပူးပေါင်းရင်းမြစ်များ

1 Minwiinzannu 20:13

Naa, balelayezan do bié Izraɛl nwiinzan blɛn Akab va yé é léé: Gakelebale léma: I mi gbau ’ko yee? Maa dan wo pa lɛ i lee kyɔ yé bé gi dɔɔ léé, maa a Gakelebale nya.

Rom munu 8:31

Kaa fé we ’konu ma nɔɔ? Dé Kazambale a kaa va, de ɛ kɛla kaa maa?

Bélidɔwesɛbɛ Fiézan 3:2

Gakelebale lé an lɛ léé, té maa kana lo, naa, Ɔg valé élé munu faa koo, wolé tɛrɛ koo, ’é wo pa an lee; é léé, fɛan zo lé maa kɛlɛ Amorénu nwiinzan Sioni lé é ke é nyanale Esibɔn, a lɛ yi la, a zo duo lé ’maa kɛlɛ Ɔg lɛ.

Bélidɔwesɛbɛ Fiézan 7:24

É dan wo nwiinzannu pa lɛ ka lee, yé ka dan wo tɔ ta saan lɛ tɛrɛ la; wo va mi do kpen ’ka bɔa dɔle lɛ ka ma plɛplɛ lo, fɔɔ yé ka wo faa kulu ga.

Jozué 10:25

Jozué lé wo lɛ léé: Té ka kana lo, yé té ka gi nyɛ é kini lo. ’Ka dɔ gligli yé ’ka bli ta dɔ plɛplɛ, naa, ’ko zo lé Gakelebale é dan a kɛlɛ lɛ ka nyanézannu lé ka guli daan wo nya, wo lɛ.

Jozué 10:9

Jozué si Gilgal aan wo, é ta faa wo é béli yé é bɔra wo ma fiaa.

Jozué 11:6

Gakelebale lé Jozué lɛ léé: Té i kana wo lee lo, naa, tɛlɛ, bléyi ’ko va, maa dan wo pa lɛ Izraɛl lee yé wo wo gyɛ. I dan wolé wisoonu gane zuo miinnu bɔi lɛ, yé i dan wolé goronu kyɛ ble lɛ.

Jozué 8:1

Gakelebale lé Jozué lɛ léé: Té i kana lo, yé té i gi nyɛ é kini lo. ’I gulidanmunu faa si, ka go wo nya, ’i nwa, ’i go Ai ma. Bé ye, Ai nwiinzan valé alé munu koo, alé fla koo, alé tɛrɛ koo, maa wo nɔ i lɛ.

Weblezannu 6:16

Gakelebale lé a lɛ léé: Naa, maa dan kɛlɛ lɛ i va, yé i dan Madiannu gyɛ lɛ bélé mi do zo.

Weblezannu 7:9

Gakelebale lé Jédéɔn lɛ é béli léé: ’I nwa, ’i zun sɔkɔndɔna, naa, maa a pa i lee.

1 Samuɛl 17:47

Yé mi gbau ’ko faa é dan a gi dɔɔ lɛ léé, Gakelebale ’ka mi sié we gi gwɔun valé din nya lo. Guliwuo éé voo Gakelebale lɛ. Yé é dan ka pa lɛ ko lee.