Jozué 10:41 - Kazambale lé Sebe Sauunu 1979

⁴¹ É sia Kadɛs‐Baanéa yé é bɔ Gaza, Jozué ana munu faa gyɛ; é Gozɛn tɛrɛ ta munu faa gyɛ fɔɔ yé é bɔ Gabaɔn.

Jozué 10:41 ပူးပေါင်းရင်းမြစ်များ

Wepélisiananu 10:19

Kanaannu lé tɛrɛ glɛ pélisia Sidɔn, yé é gié Géraa vazia fɔɔ Gaza, yé a pélisia é ziin Sɔdɔm yé é gié Gɔmɔɔ koo, Adima koo, Séboim koo, wo vazia fɔɔ Lésa.

1 Minwiinzannu 3:5

Gakelebale da Salomɔn va nyɛ fla é béli Gabaɔn, yé Bale lé a lɛ léé: Wean sɔ i lɛ léé, maa a kɛlɛ i lɛ, bé laa an lee.

Zakari 9:5

Azkalɔn é dan a ye lɛ, yé kana é dan vɔ lɛ a gi. Gaza é dan a ye lɛ é ziin, yé a ma é dan nyɔɔn lɛ plɛplɛ; Ékrɔn é dan a ye lɛ é ziin, yé we lé a bli ke a lɛ, a sele é dan saan lɛ a gi. Gaza nwiinzan blɛn é dan san lɛ, munu ’ka dan nyana lɛ é dɛrɛ Azkalɔn lo.

Mi Nɔnɔle 13:26

Wo bɔ aan wo, wo da Moizi valé Arɔn va, woo valé Izraɛlnu faa lé é ke é zénle ékeva Kadɛs lé ke Paran bwi la ana bɛ, wo va. Wo ’wo sina glewo wo lɛ, woo valé zén‐ékevamunu faa lɛ, yé wo tɛrɛ ’ko la fɛnu nagɔɔn wo lɛ.

Mi Nɔnɔle 32:8

Ko a Kadɛs‐Baanéa bléyian va, yé maa ka tinu nwunvɔ léé, ’wo go tɛrɛ nagini, a zo lé wa kɛlɛ ’ko zo.

Mi Nɔnɔle 34:4

yé éé nɔlaa Akrabim gɔ yirinwana bɛyilazia, é gié Tisɛn fɔɔ yé é bɔ Kadɛs‐Baanéa yirinwana bɛyilazia, yé é go gole nya Asaa‐Adari yé éé giéan Asimɔn zia;

Kelewenu 8:26

Mizambale lé lanje do we fe Filip lɛ yé é léé: ’I nwa yé ’i go yirinwana bɛyila nyéné la, zi lé é si Jérusalɛm yé é zun Gaza, a ta.

Bélidɔwesɛbɛ Fiézan 1:19

Ko si Orɛb, yé bwi blɛn lé a ta éé kana zén‐é mi gi, ’té ka a ye ’ko, ko gié ana fɛfaana; ko Amorénu lé gɔ ma zi sia, Gakelebale, kolé Bale a fe ko lɛ fɛan zo, a zo, yé ko bɔ Kadɛs‐Baanéa.

Bélidɔwesɛbɛ Fiézan 2:23

Avinu lé wolé flanu ke é pale fɔɔ Gaza, Kafitɔɔnu lé wo si Kafitɔɔ, ’bɛnu wo gyɛ, yé ’bɛnu nyana wo pa gi.

Bélidɔwesɛbɛ Fiézan 9:23

Gakelebale a a va léé, ka si Kadɛs‐Baanéa bléyian va, yé é lé ka lɛ léé, ’ka nwa, tɛrɛ lé ’é a nɔ ka lɛ, ’ka a si kazé nya, ’ka tɔné gi kɛlɛ plɛplɛ Gakelebale, kalé Bale dére ma, yé ka bli ’ka vo lɛ a lɛ lo, yé ka ’ka a dére lɛdɔ lɛ a ma lo.

Jozué 10:12

Naa, yian nya lé Gakelebale Amorénu nɔ Izraɛlnu lɛ, Jozué we fe Gakelebale lɛ, yé é lé Izraɛl yuɛ va léé: Yiri, ’i dɔ flii Gabaɔn ta, Yé bii, moné, ’i dɔ Ajalɔn gɔ worona ta.

Jozué 10:2

A we ma lé kana blɛn zén a gi. Gabaɔn a fla blɛn nya, fɛan zo lé minwiinzannu lé flanu a blɛn, a zo. É a blɛn é mini Ai la, yé alé gɔnénu bli ta a plɛplɛ.

Jozué 11:16

’Bɛ zo lé Jozué tɛrɛ ’ko faa si; gɔ koo, yirinwana bɛyilazia faa koo, Gozɛn tɛrɛ faa koo, pɛngurunu koo, fɛna pɛblɛɛ koo, Izraɛl lé gɔ valé alé pɛngurunu koo, woo lé;

Jozué 11:22

Anak mi do kpen ’ka vo lɛ Izraɛl lé nénu lé tɛrɛ la lo; Gaza koo, Gat koo, Azdɔd koo, wo vo wo ɛ na.

Jozué 15:51

Gozɛn koo, Olɔn koo, Gilo koo, woo lé; fla blɛnnu vu ta do, é valé ’wolé flanénu nya.

Weblezannu 16:1

Samsɔn go Gaza; é bɔrɔdɛ le do ye ana, yé é wɔra a va.

Weblezannu 16:21

Filisitinu a kun yé wa yuɛwɔlɛ si a gi; wo go a nya Gaza yé wa yere zénégɔgɔbale nya. Éé fɛ zɔn‐o bokɔn gi.

1 Samuɛl 6:17

Kyanflanbɔra gyɛ foto lé Filisitinu a nɔ Gakelebale lɛ wenyané ma ban nya, wo lo: Azdɔd zé a do, Gaza zé a do, Azkalɔn zé a do, Gat zé a do, Ékrɔn zé a do.