Jozué 10:40 - Kazambale lé Sebe Sauunu 1979

⁴⁰ Jozué ana tɛrɛlamunu faa gyɛ, gɔ nwiin munu koo, yirinwana bɛyilazia munu koo, fɛna dégélé munu koo, gɔpanénu nwiin munu koo, woo lé, yé é wo nwiinzannu faa gyɛ; é ’ka mi do kpen vo lɛ lo, yé fɛnu faa lé woo flin‐é é wo gyɛ tata, fɛan zo lé Gakelebale Izraɛl lé Bale a fe, a zo.

Jozué 10:40 ပူးပေါင်းရင်းမြစ်များ

1 Minwiinzannu 15:29

É kɛlɛ minwiinzan nya aan wo, é Jéroboam lé kɔn ’léé munu faa gyɛ, é ’ka mi do kpen vo lɛ lo, yé fɛ faa lé éé flin‐é é wo gyɛ, dére lé Gakelebale a fe é wuozan Silozan Akija lɔlu nya, a yɛrama.

Néémi 9:24

Yé wo benu bɔ tɛrɛ ’ko la yé wa si wozé nya, yé a tamunu, Kanaannu tua wo lɛ, yé wo valé ’wo nwiinzannu koo, tɛrɛ ’ko tamunu koo, i wo pa wo lee, léé, wo ’wolé sɔlɛwe kɛlɛ wo lɛ.

Lɛrɛvɔ Sɛbɛ 9:17

Gakelebale éé ’é dɔbɛ gɔɔn‐an wo lɛ, éé we tegele kɛla, Éé minyanénu yerean ’wo bɛnu panyanama nya. ’Ka dɔ. ’Wo flinnu gyɛ.

Fwile 34:12

Tɛrɛ lé i dan go lɛ ana bɛ, ’i yuɛ pa ibo va léé, té i gi pa do ana munu va lo, dé wo da kɛlɛ i kunsan nya.

Mi Nɔnɔle 13:17

Moizi wo nwunvɔ Kanaan tɛrɛ naginile we ma. É lé wo lɛ léé: ’Ka gié ’ko, yirinwana bɛyilazia, yé ’ka gɔ gié.

Bélidɔwesɛbɛ Fiézan 1:7

É léé: ’Ka nwa, ’ka zi sia. ’Ka go Amorénu lé gɔ valé é zi tɛrɛ faa la; fɛna pɛblɛɛna koo, gɔ ma koo, pɛngurunu koo, yirinwana bɛyilazia koo, wɛyi vazia koo, Kanaan munu lé tɛrɛ valé Liban tɛrɛ koo, ’ka go wo faa na, fɔɔ yé ka bɔ yuu blɛn Yufrat ma.

Bélidɔwesɛbɛ Fiézan 2:34

Yé ko alé flanu faa si yé ko ana munu faa gyɛ, gɔnénu koo, lomu koo, né kiénénu koo, woo faa lé; a do kpen ’ka so lɛ a ta ko lee lo.

Bélidɔwesɛbɛ Fiézan 7:24

É dan wo nwiinzannu pa lɛ ka lee, yé ka dan wo tɔ ta saan lɛ tɛrɛ la; wo va mi do kpen ’ka bɔa dɔle lɛ ka ma plɛplɛ lo, fɔɔ yé ka wo faa kulu ga.

Jozué 10:35

Wa si a yi duo nya, yé wa tamunu gyɛ gwɔun nya; Jozué wo gyɛ tata a yi duo nya, fɛan zo lé é a kɛlɛ Lakis lɛ, a zo.

Jozué 10:37

Wa si, yé wa tamunu gyɛ gwɔun nya, wo nwiinzan koo, a fla faa lé ke a wuo, wo tamunu faa lé wo ke ana koo, wo nya; Jozué ’ka mi do kpen vo lɛ lo, fɛan zo lé é a kɛlɛ Églɔn lɛ, a zo, yé é a tamunu faa gyɛ tata.

Jozué 10:39

Fla koo, a nwiinzan koo, fla faa lé wo ke a wuo koo, Jozué wo si; wo wo tamunu gyɛ gwɔun nya, yé mi faa lé wo ke ana wo wo gyɛ tata, é ’ka fɛ do kpen vo lɛ lo; fɛan zo lé é a kɛlɛ Ébrɔn koo, Libina valé é nwiinzan koo, wo lɛ, a zo duo lé Jozué a kɛlɛ Débii valé é nwiinzan lɛ.

Jozué 11:16

’Bɛ zo lé Jozué tɛrɛ ’ko faa si; gɔ koo, yirinwana bɛyilazia faa koo, Gozɛn tɛrɛ faa koo, pɛngurunu koo, fɛna pɛblɛɛ koo, Izraɛl lé gɔ valé alé pɛngurunu koo, woo lé;

Jozué 12:8

gɔ nwiin koo, gɔnu worona koo, fɛna pɛblɛɛ koo, gɔ kiénénu koo, bwi gi koo, yirinwana bɛyilazia koo, wona. Étinu koo, Amorénu koo, Kanaannu koo, Férézinu koo, Éévinu koo, Jébusinu koo, wolé tɛrɛnu lé.

Jozué 18:21

Bɛnjamɛn bɛn lé flanu lé ke ’ko, wo gɔnɔla ma gɔnɔla ma: Jériko koo, Bɛt‐Ogla koo, Émɛk‐Kɛsit koo,

Jozué 6:17

Fla koo, fɛnu faa lé ke fla koo, wo dan wo nɔ lɛ Gakelebale lɛ bale pale wo ma nya, naa, bɔrɔdɛ le Raab koo, munu faa lé wo ke a va kɔn gi koo, wo dan wo vo lɛ é yuɛma, munu lé ko wo nwunvɔ, é wo yɔɔ, ’bɛzama.

Jozué 8:2

Fɛan zo lé bé kɛlɛ Jériko valé é nwiinzan lɛ, i dan a kɛlɛ lɛ Ai valé é nwiinzan lɛ a zo; naa, ka dan gulizarafɛnu valé winu si lɛ kazé nya. ’I sunyanu pa zia ’wo yɔɔ fla nwun zi.

Jozué 8:27

Fla ’ko la winu koo, fla gulizarafɛnu koo, Izraɛl wo si ’wozé nya, bélé fɛan zo lé Gakelebale a fe Jozué lɛ, a zo.

Jozué 9:24

Wa zi pa Jozué lɛ yé wo léma: Fɛan zo lé Gakelebale izé Bale a fe é wuozan Moizi lɛ léé, ’é tɛrɛ ’ko faa nɔ ka lɛ yé ’é ana tɛrɛlamunu faa gya ka ’lɛ, wa fe ko lɛ, bɛwemalé ka dale ’ko é kana blɛn zén ko gi; ko vole é yuɛma lé we ma lé ko kɛlɛ a zo.