Jozué 10:24 - Kazambale lé Sebe Sauunu 1979

²⁴ Bléyian va lé wo dan minwiinzan ’konu nya Jozué va, Jozué Izraɛl munu faa laa, yé é lé gulidanmunu nwiinzannu lé, wo tawo a va, wo lɛ léé: ’Ka bié, ’ka ganenu dɔra minwiinzannu ’konu bɔrɔ la. Wo bié yé wo ganenu dɔra wo bɔrɔ la.

Jozué 10:24 ပူးပေါင်းရင်းမြစ်များ

2 Samuɛl 22:39

Maa wo sié tɛrɛ la tata, maa wo ’wiié yé wo ’ka nwaan é dɛrɛ lo; Woo diaan an gane wuo.

2 Samuɛl 22:41

I an nyanézannu nwunzi dɔa an ta Yé munu lé an za ke wo gi maa wo kulu gaan.

Lɛrɛvɔ Sɛbɛ 107:40

Gakelebale éé nyé yélié mi blɛnnu ma Yé éé wo kɛla nɔɔzannu nya é boa bwi gi, ’té wo ’ka zi yé lo.

Lɛrɛvɔ Sɛbɛ 110:1

David zé lé. Lɛrɛ do lé. Gakelebale lé anzan lɛ léé: ’I nyana an bɛyila, Fɔɔ yé maa i nyanézannu pla i wuo.

Lɛrɛvɔ Sɛbɛ 110:5

Mizan a é dɔle i bɛyila, A blifliyi nya é dan minwiinzannu zɔn lɛ.

Lɛrɛvɔ Sɛbɛ 18:40

I plɛplɛ dɔa an gyɛn, gulidanle we ma, I an mazannu plin‐an an wuo.

Lɛrɛvɔ Sɛbɛ 91:13

I dan tawo lɛ golizra valé dubolu ta, I dan golizrané valé dragɔn zɔn lɛ

Ézai 51:23

Maa dan a nɔ lɛ munu lé woo yaan ka ta, wo lɛ. Wa fé ka lɛ turu léé: ’Ka bua, ko gié ka ta, Yé ka lala kɛlɛ bélé tɛrɛ zo wo lɛ, Bélé giémunu lé zi zo wo lɛ, maa dan yee kana nɔ lɛ wo ɛ lɛ.

Malasi 4:3

Yé ka dan mi nyanénu zɔn lɛ; wo dan kɛlɛ lɛ ka gane wuo bélé kyɛyee zo, yi lé maa a a ma’lɛrɛna, a yi nya. A zo lé lai sunyanu lé Gakelebale a fe.

Rom munu 16:20

Mi vo drɔɔ Bale é dan Satan ’wii lɛ ka gane wuo laoɛ. Kaazan Jézu Krist lé zin ’é kɛlɛ ka ta ma.

Bélidɔwesɛbɛ Fiézan 33:29

Izraɛl, izé a néné, de ɛ ke bélé bii zoo? Munu lé Gakelebale wo si we gi, ka lé. ’Té yee ɛ ke ka botakuunfɛ nya, ’Té yee ɛ ke ka tɔbɔgwɔun nya, de ɛ ke bélé bii zoo? Ka nyanézannu wo dan ’wo ’wuo wɔra lɛ ka gane wuo, Yé ka dan wolé gɔnwiin yobannanu zɔn lɛ ka gane nya.

Ébrunu 1:13

Yé lanjenu va lanje kyɛn lɛ lé Bale léé: ’I nyana ’é bɛyila Fɔɔ yé ’é i nyanézannu faa pla i wuoo?

Weblezannu 8:20

Yé é lé élé né vininzan Jétɛɛ lɛ léé: ’I nwa, ’i wo gyɛ. Naa, ’bɛ a tan pɛniɛné nya, yé ’bɛ kana, amalé ’bɛ ’ka élé gwɔun so lɛ é kɔlɛ gi lo.