Jozué 10:10 - Kazambale lé Sebe Sauunu 1979

¹⁰ Gakelebale wo kini ékema Izraɛl ’lɛ; yé Izraɛl wo gyɛ bélé winu zo Gabaɔn sɔnɔ, yé wo wo zuo bin zi lé é go loru Bɛt‐Orɔn vazia, a ta, yé wo go wo gyɛle nya fɔɔ Azéka valé Makéda.

Jozué 10:10 ပူးပေါင်းရင်းမြစ်များ

2 Samuɛl 22:15

É sawɔlɛnu vuli yé é an nyanézannu fwila; É zagele ban yé wo vlan buru.

1 Minwiinzannu 9:17

Gézɛɛ koo, Bɛt‐Orɔn tɛrɛzan koo,

2 Minwiinmunu lé Wezuofe Sɛbɛ 14:12

Aza valé é vamunu wo zuo bin fɔɔ Géraa, yé Étiopinu dia, ’té wo ’ka bɔa wobo sile lɛ we gi lo. Naa, Gakelebale valé élé sunyanu wo kulu ga. Aza valé élé munu gulizarafɛnu si di.

2 Minwiinmunu lé Wezuofe Sɛbɛ 25:13

Naa, duowo, sunya palu lé Amasia wo pa zia léé, té wo go ’é va guli danna lo, wo go guli dan lɛ Juda flanu va, wa péli sia Samari tɛrɛ la fɔɔ yé wo bɔ Bɛt‐Orɔn. Wo munu gyɛ ’bɛna mi baa do wuru soru, yé wo go gulizarafɛnu kiɛre nya wo lee.

Lɛrɛvɔ Sɛbɛ 18:14

Gakelebale we lagi bélé zagele banle zo, Lagiloruzan dére zuoi éé goo wele nya, Goowɔlɛlɛɛ valé kyɛnyɛnu nya.

Lɛrɛvɔ Sɛbɛ 44:3

I bɛ nya lé i bɛnnu bin ko tranu vole wo pa gi we ma. I nyané pa migɔnɔnu ta ko tranu sɔɔlale wo pa gi we ma.

Lɛrɛvɔ Sɛbɛ 68:14

Naa, bléyian va lé ka nyanaan ’blagɔrɔnu méléna ’Té plala bɛanu ta a é sɔɔlale gɔɔlifu nya, Yé a kyɛɛnu nyɔɔ a bélé kyan zo nyananyana.

Lɛrɛvɔ Sɛbɛ 78:55

É bɛnnu bin wo ’lɛ, É wolé tɛrɛ guli wo ma wolé tɔnɔfɛ nya, Yé é Izraɛl bɛnnu nyana wolé sɔkɔnnu wuo.

Ézai 28:21

Naa, Gakelebale é dan nwa lɛ, é nwa Pérasim gɔ ma fɛan zo, a zo. A bli é dan fli lɛ, a bli fli Gabaɔn pɛnguru gi fɛan zo, a zo. We lé é dan a kɛlɛ lɛ, ’bɛ a ’é bɛ; nyanama lé wo ’ka a gi maan lo, yee lé é dan a pa lɛ.

Ézai 30:30

Yé Gakelebale é dan élé tun dɔ mi gi dére we lɛ, a bli flile baba zama; a bɛ lé ke é nwale migyɛfɛ nya, é dan a nagɔɔn lɛ kyɛnɛnɛ lé éé fɛ blé, a méléna, yuu bɔrale é gɔ la koo, fu plɛplɛ giéle koo, goowɔlɛlɛɛ koo, wo méléna.

Jérémi 34:7

Yé Babilɔn nwiinzan blɛn lé sunyanu guli dan Jérusalɛm koo, Lakis valé Azéka koo, wolé munu va. Naa, Juda tɛrɛla flanu lé wo vo, wo lé ke bɛ. Wa fla plɛplɛnu nya.

Zakari 14:3

Gakelebale é dan da lɛ yé é dan guli dan lɛ bɛn ’konu va, fɛan zo lé é guli dan guli blɛn danyi nya, a zo.

Bélidɔwesɛbɛ Fiézan 7:23

Gakelebale, kalé Bale é dan bɛn ’konu pa lɛ ka lee; é dan wo fwila lɛ fɔɔ yé é wo gyɛ tata.

Jozué 10:11

Bléyian va lé wo kini ékema Izraɛlnu ’lɛ yé wo zun zi lé é si Bɛt‐Orɔn, a ta, Gakelebale gɔlɛ blɛnnu dia wo ta fɔɔ Azéka yé wo ga; wo lé wo ga goowɔlɛlɛɛ nya wo kɛlɛ kiɛre é mini wo lé Izraɛlnu wo gyɛ gwɔun nya, wo ta.

Jozué 10:28

A yi duo nya Jozué Makéda si, yé é a tamunu gyɛ gwɔun nya; minwiinzan koo, fla koo, mi faa lé ke ana koo, é wo gyɛ tata; é ’ka mi do kpen vo lɛ lo, yé fɛan zo lé wa kɛlɛ Jériko nwiinzan lɛ, a zo lé wa kɛlɛ Makéda nwiinzan lɛ.

Jozué 10:9

Jozué si Gilgal aan wo, é ta faa wo é béli yé é bɔra wo ma fiaa.

Jozué 11:8

Gakelebale wo pa Izraɛl lee; wo wo gyɛ yé wo wo zuo bin fɔɔ yé wo bɔ Sidɔn blɛn ma, fɔɔ yé wo bɔ Misréfɔt‐Maim ma, fɔɔ yé wo bɔ Misipa pɛnguru gi yirinwanazia. Wo wo gyɛ fɔɔ wo do kpen ’ka vo lɛ lo.

Jozué 12:16

Makéda nwiinzan a do; Bétɛl nwiinzan a do;

Jozué 15:35

Jaamut koo, Adulam koo, Soko koo, Azéka koo,

Jozué 15:41

Gédérɔt koo, Bɛt‐Dagɔn koo, Naama koo, Makéda koo, woo lé; fla blɛnnu a vu ta suiɛdo, é valé wolé flanénu nya.

Jozué 16:3

’Bɛ zuo é zun yirivɔnazia, Jaflɛt munu glɛ vazia fɔɔ yé é bɔ tɛrɛzan Bɛt‐Orɔn, fɔɔ yé é bɔ Gézɛɛ yé é nyaa wɛyi ma.

Jozué 16:5

Éfraim benu glɛnu lé ke ’ko, wo gɔnɔla ma gɔnɔla ma. Wolé tɛrɛ zé yirinwanazia glɛ lé ke Atarɔt‐Adaa fɔɔ yé é bɔ loru zia Bɛt‐Orɔn.

Jozué 21:22

Kibisaim valé é zi tɛrɛnu koo, Bɛt‐Orɔn valé é zi tɛrɛnu koo, fla ziɛn lé;

Weblezannu 4:15

Sizéra koo, alé goronu faa koo, alé munu faa koo, Gakelebale wo fwila gwɔun sorosoro nya Barak ’lɛ. Sizéra zun élé goro gi yé é vlan buru é gane la.

Weblezannu 4:16

Barak goronu valé sunyanu zuo bin fɔɔ yé é bɔ Arosɛt‐Goim yé é Sizéra lé sunyanu faa gyɛ gwɔun nya, yé mi do kpen ’ka vo lɛ lo.

Weblezannu 5:20

Lanu guli dan, Monénénu lé wo ke nɔɔna, wo guli dan Sizéra va.

1 Samuɛl 13:18

a do Bɛt‐Orɔn zi sia; tɛrɛ glɛ la zi lé ke Séboim yara, nyéné saa lé fɛna bɛ do la, a palu yaazan ’bɛ zi sia.

1 Samuɛl 17:1

Filisiti munu ’wolé sunyanu laa guli danle we gi, yé wo zén ékeva Soko, Juda lé tɛrɛ la; wo sɔkɔnnu dɔ Soko valé Azéka méléna Éfɛz‐Damim.