Jozué 1:9 - Kazambale lé Sebe Sauunu 1979

⁹ Maa ’ka a fe lɛ i lɛ léé, ’ibo dɔ gligli yé i bli ta dɔ plɛplɛ, loo? Té i kana lo; té i gi nyɛ ’é kini lo, naa, Gakelebale, ilé Bale a i va, we faa lé i dan a kɛlɛle pélisia lɛ, a gi.

Jozué 1:9 ပူးပေါင်းရင်းမြစ်များ

Wepélisiananu 28:15

Maa a i va ma, yé fɛ faa lé i dan go lɛ ana, maa dan an yuɛ pa lɛ i va yé ma dan da lɛ i nya é ziin tɛrɛ ’ko la; maa ’ka dan i vo lɛ pelo, ’té we faa lé maa a fe i lɛ bɛ, ’té maa a lɛ sɔɔ é wo.

Wepélisiananu 39:2

Gakelebale a Jozɛfu va yé a bɛ ma kɛlɛ néné. Éé nyanaan ézan Éjipiti mi lé kɔn gi.

Wepélisiananu 39:3

Azan a ye léé, Gakelebale a a va. Yé we faa lé éé a kɛla, Gakelebale a va gya é zima.

2 Samuɛl 13:28

Abusalɔm é wuomunu faa béli dɔ léé: ’Ka yuɛ pa Aminɔn va, yé dé a gi nana nwɛ minile ma, dé maa fe ka lɛ léé, ’ka Aminɔn gyɛ, ’ka gyɛ; té ka kana lo; maa‐an maa fe loo? ’Ka dɔ gligli yé ’ka gɔnéwe nagɔɔn.

Minwiinzannu lé Wezuofe Sɛbɛ 28:20

David lé é be Salomɔn lɛ léé: ’I dɔ gligli, ’i bli ta dɔ plɛplɛ, ’i we kɛlɛ; té i kana lo, té di é kini i gi lo. Naa, Gakelebale anlé Bale, é dan kɛlɛ lɛ i va; é ’ka dan i vo lɛ lo, é ’ka dan sɔn vɔ lɛ i ma lo, fɔɔ yé nyanamanu lé wo dan wo pa lɛ Gakelebale lé kɔn giwenu kɛlɛle lé we ma, yé wo lɛ é sɔɔ.

2 Minwiinmunu lé Wezuofe Sɛbɛ 15:7

Amalé, ’kaa, ’kabo dɔ gligli; té ka bɛ é kɛlɛ tɔɔtɔɔ lo, naa, ka dan ka kɛlɛwenu ma ban ye lɛ.

Lɛrɛvɔ Sɛbɛ 46:7

Bɛnnu wo gi gunu yé wolé plale mi nwiin ma nyɔɔn; Bale we do fe yé tɛrɛ ’yi bo kanale nya.

Ézai 41:10

Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Ézai 43:1

Jakɔb‐oo Jakɔb, Gakelebale lé é i kɛlɛ, é a wefena sin; Izraɛloo Izraɛl, mi lé é i bɔra, é léma: Maa i tabo, amalé té i kana we do kpen lee lo, Maa i laa i tɔ nya; bii a anzé nya.

Ézai 43:5

Maa a i va, amalé té i kana we do kpen lee lo, Maa dan i bɛn si lɛ yirinwanazia, Maa dan wo si lɛ yirivɔnazia, yé maa wo zén ékeva.

Ézai 8:12

Dé munu ’ko a fe léé, wo gi pa ko ma, té bii a fe a zo lo; woo kanaan fɛan lee, té i kana ’bɛ lee lo, té di é kini i gi lo.

Daniɛl 10:19

Yé é lé an lɛ léé: I sɔ Bale lɛ. Té i kana we do kpen lee lo. ’I vo drɔɔ ma. ’I bli ta dɔ plɛplɛ, ’i bli ta dɔ plɛplɛ ma. É ke aan wo we fena an lɛ, an fuu dɔ an ta é ziin yé maa léé: Anzan, ’i we fe, naa, i an fuu dɔ an ta.

Agajé 2:4

Gakelebale léma: Sin, Zorobabɛl, ’ibo dɔ plɛplɛ. Balebanmunu nwiinzan Josadak be Jozué, ’ibo dɔ plɛplɛ. Gakelebale léma: ’Kaa tɛrɛ ’ko la munu faa, ’kabo dɔ plɛplɛ. ’Ka nyanama pa, naa, maa a ka va. A zo lé lai sunyanu lé Gakelebale a fe.

Agajé 2:5

Gipawe lé maa kɛlɛ ka va ka sile Éjipiti tɛrɛ la bléyi va, maa a é dɔle ’bɛ ta; an Léli a ka va, té ka kana lo.

Kelewenu 4:19

Piɛri valé Jan a zi pa wo lɛ léé: É dɔ ka gi kaa? Dé ko ka dére lɛdɔmale mini Kazambale dére ta, ’bɛ a tegele Kazambale yuɛ gii?

Bélidɔwesɛbɛ Fiézan 1:21

Ka yua, sin, Gakelebale, kalé Bale tɛrɛ nɔ ka lɛ; ’ka go, ’ka a si kazé nya, Gakelebale, ka tranu lé Bale a fe ka lɛ fɛan zo, a zo; té ka kana lo; té di ’é kini ka gi lo.

Bélidɔwesɛbɛ Fiézan 20:1

Dé ka guli dan ka nyanézannu va, yé ka wisoonu valé goronu ye, yé ka léé, wo kiɛre mini ’wo ta, té ka kana wo lee lo; naa, Gakelebale, kalé Bale lé é ka si Éjipiti tɛrɛ la, é a ka va, azama.

Bélidɔwesɛbɛ Fiézan 31:23

Gakelebale é dére ’konu vo Nɛn be Jozué va. É léé: ’Ibo dɔ gligli, ’i bli ta dɔ plɛplɛ, naa, bii ɛ dan go lɛ Izraɛl nya, tɛrɛ lé maa anbo ’nyɔɔn léé, maa dan a nɔ lɛ wo lɛ, a ta; yé maaboen é dan kɛlɛ lɛ i va.

Bélidɔwesɛbɛ Fiézan 31:28

’Ka ka bɛn gi mi segelenu faa valé kalé kominu zén ékeva an ’lɛ; maa dan dére ’konu fe lɛ wo yuɛ va, yé maa dan la valé tɛrɛ si lɛ anlé wenayezannu nya wo ma.

Jozué 1:10

Jozué lé munu nwiinzannu lɛ léé:

Jozué 1:17

Ko dan i lɛdɔ lɛ a ma tegele fɛan zo lé ko Moizi lɛdɔama, a zo. Naa, Gakelebale izé Bale ’é kɛlɛ i va ma, fɛan zo lé é kɛlɛ Moizi va, a zo ma.

Jozué 1:18

Mi faa lé wo dan sɔn vɔ lɛ i dére ma, yé wo ’ka i lɛdɔ lɛ a ma we faa lé bé fe wo lɛ, a gi lo, wo dan ga dɔ lɛ wo nwiin. ’Ibo dɔ gligli é wo, yé ’i bli ta dɔ plɛplɛ.

Jozué 10:25

Jozué lé wo lɛ léé: Té ka kana lo, yé té ka gi nyɛ é kini lo. ’Ka dɔ gligli yé ’ka bli ta dɔ plɛplɛ, naa, ’ko zo lé Gakelebale é dan a kɛlɛ lɛ ka nyanézannu lé ka guli daan wo nya, wo lɛ.

Jozué 10:8

Gakelebale lé Jozué lɛ léé: Té i kana wo lee lo, naa, maa wo nɔ i lɛ, yé wolé mi do kpen ’ka dan dɔ lɛ i ’lɛ lo.

Jozué 3:7

Gakelebale lé Jozué lɛ léé: Kyɔ maa dan i tɔ kɛlɛle blɛn pélisia lɛ Izraɛl munu faa yuɛ va, wolé a gi dɔɔle we ma lé maa dan kɛlɛ lɛ i va bélé fɛan zo lé an kɛlɛ Moizi va, a zo.

Jozué 6:27

Gakelebale a Jozué va, yé a tɔ kɛlɛle blɛn nwɛɛn ana tɛrɛ faa ta.

Jozué 8:1

Gakelebale lé Jozué lɛ léé: Té i kana lo, yé té i gi nyɛ é kini lo. ’I gulidanmunu faa si, ka go wo nya, ’i nwa, ’i go Ai ma. Bé ye, Ai nwiinzan valé alé munu koo, alé fla koo, alé tɛrɛ koo, maa wo nɔ i lɛ.

Weblezannu 6:14

Gakelebale nɔla a va yé é léma: ’I go, plɛplɛ ’ko lé ke i lee, a nya, yé ’i Izraɛl si Madian lee; maa ’ka i pa lɛ zia loo?

1 Samuɛl 10:7

Dé tɔmasenu ’ko lɛ sɔɔ i lɛ, dé wean dɔ i gi, bé kɛlɛ, naa, Bale a i va.