Jozué 1:8 - Kazambale lé Sebe Sauunu 1979

⁸ Té bélidɔwe lé sɛbɛ ’ko é si i lɔ ma baa lo; bé bɔrɔ i bɔn‐in bladi nyanadi, wenu faa lé wa gyɛ a gi, ilé wo kɛlɛle yarapalale nya we ma; ’bɛ zo lé, we lé bé kɛlɛle pélisia, a nyian é dan wo lɛ yé i dan a ’wuoplana ye lɛ.

Jozué 1:8 ပူးပေါင်းရင်းမြစ်များ

Wepélisiananu 24:63

Yi do é nyanadi Izak go bazoro lɛ féi, yé é yara nwa yé é a nagini yé bé ye, nyɔgɔménu a dana.

2 Minwiinmunu lé Wezuofe Sɛbɛ 26:5

É Bale nagini é bli faa nya Zakari lé tɛrɛla bléyi va. Zakari Bale lee kanale paa a gi. Yé bléyian va lé é a Gakelebale naginina, Gakelebale alé we faa nyian wo.

Lɛrɛvɔ Sɛbɛ 119:11

Maa i dére paan an bli gi, Té an wenyané kɛlɛ i ma lo we gi.

Lɛrɛvɔ Sɛbɛ 119:15

An bɔn‐in bɔrɔan i déretawenu ma, Yé an yuɛ a ilé zinu va.

Lɛrɛvɔ Sɛbɛ 119:97

Ilé bélidɔwe sɔ an lɛ é baba. An bɔn‐in bɔrɔan ’bɛ ma bladi nyanadi.

Lɛrɛvɔ Sɛbɛ 119:99

An bɔn‐in bɔrɔan ilé wepladérenu ma, Amalé an we dɔɔ é mini an gi wepaazannu faa ta.

Lɛrɛvɔ Sɛbɛ 19:14

’I i wuozan tabin boblɛnzannu lee, Té wo pla an nwiin lo ma. A zo lé an dan kɛlɛ lɛ tata, yé an pagi ’ka dan kɛlɛ lɛ wenyané blɛn nya lo.

Lɛrɛvɔ Sɛbɛ 40:10

Maa ilé wetegele zuo fé mi gu blɛn lé wo zén ékeva, wo va; Bé ye, maa ’ka an lɔlu lɛ taan lo, Gakelebale, i ’bɛ dɔɔ.

Wegɔnévɔlenu 3:1

An be, té i gi é san anlé wepaale ma lo, yé anlé bélidɔwenu ’é vo i bli gi ma;

Ézai 59:21

Gakelebale léé: An dan gi pa lɛ wo va ’ko zo: An Léli lé ke ka ta, ’bɛ valé an dére lé maa pa ka ’léé, wo ’ka dan si lɛ ka ’léé lo, wo ’ka dan si lɛ kalé nénu ’léé lo, wo ’ka dan si lɛ ka nénénu ’léé lo; é sia bléyi ’ko va, fɔɔ a glɛ ’ka lo. Gakelebale ɛ fe.

Matio 12:35

Mi zin éé fɛ zimanu sié élé fɛwezan zimanu va, yé mi naané éé fɛ naanénu sié élé fɛwezan naanénu va.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

Matio 7:21

Munu lé wa fé an lɛ léé: Anzan, anzan, Kazambale ’ka dan pla lɛ wo faa nwiin lo, naa, an Ti lé é ke la gi, mi lé éé alé blibɔmawe kɛla, Kazambale a é plale ’bɛzan do kpen ɛ nwiin.

Matio 7:24

Bɛwemalé, dére ’konu lé maa a fé, dé mian éé a maan, yé azan a tawenu kɛla, éé kɛla bélé gikinizan lé é ’élé kɔn dɔ gɔlɛ ta, a zo.

WENÉNÉ LÉ LUK A GYE (Évangile selon Luc) 11:28

Yé Jézu a zi pa a lɛ léé: Gba, munu lé woo tɔné dɔa Kazambale dére lɛ, ’té woo a ta tawoo, wo ɛ zé ke néné.

WENÉNÉ LE JAN A GYE (Évangile selon Jean) 13:17

Dé ka we ’konu dɔɔ yé ka a wo kɛlɛna, ’té ’bɛ a é zima.

WENÉNÉ LE JAN A GYE (Évangile selon Jean) 14:21

Mi lé anlé bélidɔwenu ke a lee, ’té éé wo kɛla, yee ɛ lɛ lé an sɔ, yé mi lé an sɔ a lɛ, é dan sɔ lɛ an Ti lɛ, yé é dan sɔ lɛ an lɛ, yé maa dan anbozen nagɔɔn lɛ a lɛ.

Éfez munu 4:29

Té dére naané do kpen é bɔra ka ’léé lo, naa, dére zima lé éé mi dɔa gligli, ’té munu lé wa maan, ’té éé wo drɔɔ voo bɛ, ’ka yee ɛ fe é febléyi nya ma.

Bélidɔwesɛbɛ Fiézan 29:8

Ko wolé tɛrɛ si yé ko a nɔ Rubɛnnu koo, Gadnu koo, Manasé bɛn lɛgɔnɔ do koo, wo lɛ.

Bélidɔwesɛbɛ Fiézan 29:9

Amalé ’ka gipawe ’ko lɛdɔma, yé ’ka a ta tawo, léé, we faa lé ka dan a kɛlɛ lɛ, yé é vɔ a ma.

Bélidɔwesɛbɛ Fiézan 30:14

Gba, é a fɛ do lé é ke ka sɔnɔ, ’té é a ka ’léé, ’té é a ka bli gi, a nya, kalé a ta tawole we gi.

Bélidɔwesɛbɛ Fiézan 31:11

bléyian va lé Izraɛl faa éé dan Gakelebale, kalé Bale ’lɛ, fɛna do lé é a si a va, ana, ’bɛ bléyi va lé ka dan bélidɔwe ’ko ta fe lɛ Izraɛl faa lɛ, ’té wa maan.

Bélidɔwesɛbɛ Fiézan 31:24

Dé Moizi nyaa bélidɔwe ’ko gyɛle nya sɛbɛ gi faa,

Bélidɔwesɛbɛ Fiézan 5:1

Moizi Izraɛl munu faa laa yé é lé wo lɛ léé: Izraɛl munu, bélidɔwenu valé ka gɔnɔlawenu lé maa a wo fena ka lɛ kyɔ, ’ka tɔné dɔ wo lɛ. ’Ka wo pa ka ’wuo gi, yé ’ka wo ta tawo é zima ma.

Bélidɔwesɛbɛ Fiézan 5:29

Oo, bli ’ko duo ’é vo wo gi yifaama ma, yé ’wo kana ’é lee ma, yé ’wo ’élé bélidɔwe lɛdɔma ma, yé wo gi é dan nana lɛ yifaama, wo valé ’wolé nénu nya.

Bélidɔwesɛbɛ Fiézan 5:32

We lé Gakelebale, kalé Bale a fe ka lɛ, ’ka a kɛlɛ é zima; dé ka bɛyila léé, dé ka bɛbola léé, té ka nɔla ana lo.

Kolɔs munu 3:16

Krist dére ’é kɛlɛ ka méléna di ma. ’Ka we paa ka ke gi yé ’ka we pla ka ke lɛ wedɔɔle faa nya, Bale lé Lɛrɛvɔ sɛbɛ gi lɛrɛnu koo, Bale tɔbɔlɛrɛnu koo, lélilɛrɛnu koo, wo nya; ’ka lɛrɛ vɔ ka bli faa nya Kazambale lɛ zin nya ka bli gi.

Jozué 1:7

’Ibo dɔ gligli é wo, yé ’i bli ta dɔ plɛplɛ, yé ’i we kɛlɛ yarapalale nya bélidɔwe lé an wuozan Moizi a nɔ i lɛ, a yɛrama; té i nɔla, dé i bɛyilazia léé, dé i bɛbolazia léé, ana lo, we faa lé bé kɛlɛle pélisia, a ’wuo plale we gi.

Jozué 8:34

’Bɛ zuo Jozué bélidɔdére faa ta fe, drɔɔvolenu koo, balepalenu koo, fɛan zo lé wa gyɛ bélidɔwesɛbɛ gi, a zo.

Wegɔɔnle 22:14

Munu lé woo ’wolé sɔnu zuruwo, mibéliyiliporo blele se valé wɔrale fla ’léé zia se yele we gi, wozé a é zima.