Jozué 1:7 - Kazambale lé Sebe Sauunu 1979

⁷ ’Ibo dɔ gligli é wo, yé ’i bli ta dɔ plɛplɛ, yé ’i we kɛlɛ yarapalale nya bélidɔwe lé an wuozan Moizi a nɔ i lɛ, a yɛrama; té i nɔla, dé i bɛyilazia léé, dé i bɛbolazia léé, ana lo, we faa lé bé kɛlɛle pélisia, a ’wuo plale we gi.

Jozué 1:7 ပူးပေါင်းရင်းမြစ်များ

1 Minwiinzannu 2:2

Maa a gona tɛrɛ faa lé zi siana. ’I bli ta dɔ plɛplɛ, ’i kɛlɛ gɔné nya.

1 Minwiinzannu 2:3

’I Gakelebale, ilé Bale lé bélidɔwenu sɔnnénu pa, ’i tawo alé zinu ta, ’i alé bélidɔwe pun tawe kɛlɛ, ’i a dére tawe kɛlɛ, ’i alé webledére tawe kɛlɛ, ’i alé wepladére tawe kɛlɛ, fɛan zo lé wa gyɛ Moizi lé bélidɔwe gi, a zo, yé dé i wean kɛlɛoo, dé i go fɛanaoo, yé a lɛ é sɔɔ i lɛ é zima,

2 Minwiinzannu 22:2

Wean é ke é drɔle Gakelebale yuɛ gi, yee lé é a kɛlɛ, yé é tawo é tra David lé tawobɛ faa gi; é ’ka é yara nɔla lɛ, dé a bɛyilazia léé, dé a bɛbolazia léé, ana lo.

Minwiinzannu lé Wezuofe Sɛbɛ 22:13

Bélidɔwe valé é sɔnnénu lé Gakelebale a fe Moizi lɛ Izraɛlnu zé nya, dé i wo tawe kɛlɛ é zima, ilé we va é dan gyɛ lɛ é zima. ’I dɔ gligli, ’i bli ta dɔ plɛplɛ, té i kana lo, té di é kini i gi lo ma.

2 Minwiinmunu lé Wezuofe Sɛbɛ 15:7

Amalé, ’kaa, ’kabo dɔ gligli; té ka bɛ é kɛlɛ tɔɔtɔɔ lo, naa, ka dan ka kɛlɛwenu ma ban ye lɛ.

2 Minwiinmunu lé Wezuofe Sɛbɛ 26:5

É Bale nagini é bli faa nya Zakari lé tɛrɛla bléyi va. Zakari Bale lee kanale paa a gi. Yé bléyian va lé é a Gakelebale naginina, Gakelebale alé we faa nyian wo.

JOB (Job) 1:8

Gakelebale lé Satan lɛ léé: I an wuozan Job yee? ’Bɛ zoɛ mi ’ka tɛrɛ la lo; mi ’ko a tegele yé alé tawobɛ a é drɔle; éé kanaan Kazambale léé, yé éé nwun zi dɔa wenaané ta.

Lɛrɛvɔ Sɛbɛ 80:19

Yé ko ’ka dan si lɛ i ma baa é dɛrɛ lo, ’I ko vo é yuɛma é ziin, yé ko dan i tɔ laa lɛ.

Wegɔnévɔlenu 4:27

Dé é a i bɛyila nyaoo, dé é a i bɛbola nyaoo, té i nɔla ana lo, yé ’i gane si wenaané kɛlɛna zia.

Wegɔnévɔlenu 8:20

Maa tawoo wetegele zi ta, Yé an tawoo zi drɔlenu méléna,

Daniɛl 10:19

Yé é lé an lɛ léé: I sɔ Bale lɛ. Té i kana we do kpen lee lo. ’I vo drɔɔ ma. ’I bli ta dɔ plɛplɛ, ’i bli ta dɔ plɛplɛ ma. É ke aan wo we fena an lɛ, an fuu dɔ an ta é ziin yé maa léé: Anzan, ’i we fe, naa, i an fuu dɔ an ta.

Mi Nɔnɔle 27:23

É ’é bɛ pla a ta, yé é wenu pla a lɛ, fɛan zo lé Gakelebale a fe a lɛ Moizi lɔlu nya, a zo.

Bélidɔwesɛbɛ Fiézan 11:8

Amalé, a sɔnnénu faa lé maa wo gɔɔn ka lɛ kyɔ, ’ka wo pa, yé ka plɛplɛ ye, yé tɛrɛ lé ka dan go lɛ a kɛlɛ lɛ kazé nya bɛ, yé ka bɔalɛ léé, ka a si,

Bélidɔwesɛbɛ Fiézan 12:32

We lé maa a fena ka lɛ, ’ka wo lɛdɔma, ’ka wo ta tawo; té ka wo taa do kpen pa lo, té ka a do kpen si wo va lo.

Bélidɔwesɛbɛ Fiézan 28:14

we faa lé maa ka béli dɔ wo nya kyɔ, dé ka ’ka nɔla lɛ ka bɛyila valé ka bɛbola yé ka go bale bɛnu zuo yé ka wo bɔ lo, Bale é dan wezin ’konu lɛ sɔɔ lɛ ka lɛ.

Bélidɔwesɛbɛ Fiézan 29:8

Ko wolé tɛrɛ si yé ko a nɔ Rubɛnnu koo, Gadnu koo, Manasé bɛn lɛgɔnɔ do koo, wo lɛ.

Bélidɔwesɛbɛ Fiézan 29:9

Amalé ’ka gipawe ’ko lɛdɔma, yé ’ka a ta tawo, léé, we faa lé ka dan a kɛlɛ lɛ, yé é vɔ a ma.

Bélidɔwesɛbɛ Fiézan 31:7

Moizi Jozué laa yé é lé a lɛ Izraɛl faa yuɛ va léé: ’Ibo dɔ gligli, ’i bli ta dɔ plɛplɛ, naa, tɛrɛ lé Gakelebale ébo ’nyɔɔn munu ’konu tranu lɛ léé, é dan a nɔ lɛ wo lɛ, bii ɛ dan go lɛ wo va ana, yé bii ɛ dan wo kɛlɛ lɛ azannu nya.

Bélidɔwesɛbɛ Fiézan 4:2

We lé maa a fena ka lɛ, té ka a taa do kpen pa lo, té ka a ke si a ta lo; naa, Gakelebale, kalé Bale lé bélidɔwenu lé maa a fena ka lɛ, ’ka wo ta we kɛlɛ.

Bélidɔwesɛbɛ Fiézan 5:32

We lé Gakelebale, kalé Bale a fe ka lɛ, ’ka a kɛlɛ é zima; dé ka bɛyila léé, dé ka bɛbola léé, té ka nɔla ana lo.

Jozué 1:1

Gakelebale wuozan Moizi gale zuo, Gakelebale lé Moizi wuozan Nɛn be Jozué lɛ léé:

Jozué 1:8

Té bélidɔwe lé sɛbɛ ’ko é si i lɔ ma baa lo; bé bɔrɔ i bɔn‐in bladi nyanadi, wenu faa lé wa gyɛ a gi, ilé wo kɛlɛle yarapalale nya we ma; ’bɛ zo lé, we lé bé kɛlɛle pélisia, a nyian é dan wo lɛ yé i dan a ’wuoplana ye lɛ.

Jozué 1:9

Maa ’ka a fe lɛ i lɛ léé, ’ibo dɔ gligli yé i bli ta dɔ plɛplɛ, loo? Té i kana lo; té i gi nyɛ ’é kini lo, naa, Gakelebale, ilé Bale a i va, we faa lé i dan a kɛlɛle pélisia lɛ, a gi.

Jozué 11:15

We faa lé Gakelebale é wuozan Moizi béli dɔ a nya, yé Moizi Jozué béli dɔ a nya, Jozué a faa kɛlɛle lɛ sɔɔ; we faa lé Gakelebale a fe Moizi lɛ, Jozué ’ka a do kpen vo lɛ lo.

Jozué 23:6

We faa lé wa gyɛ Moizi lé bélidɔwe sɛbɛ gi, ’ka yara pa a kɛlɛle valé a ta tawole ta tegele, té ka nɔla, dé ka bɛyilazia lé, dé ka bɛbolazia lé, ana lo.