Jozué 1:6 - Kazambale lé Sebe Sauunu 1979

⁶ ’Ibo dɔ gligli, yé ’i bli ta dɔ plɛplɛ, naa, tɛrɛ lé maa a fe ka tranu lɛ anbo ’nyɔɔnle nya lé maa dan a nɔ lɛ wo lɛ, mi lé é dan munu ’ko nyana lɛ a ta, bii ɛ ke a nya.

Jozué 1:6 ပူးပေါင်းရင်းမြစ်များ

Wepélisiananu 12:7

Yé Gakelebale bɔra Abram va, yé é léé: Maa dan tɛrɛ ’ko nɔ lɛ i kulu é kulu lɛ. Yé Abram Gakelebale banna kɛlɛ, fɛana lé é bɔra a yuɛ va bɛ, ana.

Wepélisiananu 26:3

’I vo tɛrɛ ’ko la ’ko; maa dan kɛlɛ lɛ i va yé maa dan i drɔɔ vo lɛ, naa, maa dan tɛrɛ ’konu faa nɔ lɛ bii valé i kulu lɛ, yé gipawe lé maa a kɛlɛ i ti Abraam va, maa dan dɔ lɛ a ta.

2 Samuɛl 10:12

’I dɔ gligli yé kaa bli ta plɛplɛ nagɔɔn kolé munu valé kolé Bale lé flanu lé we ma, yé dé wean dɔ Gakelebale gi wezin nya, ’é a kɛlɛ ma.

1 Minwiinzannu 2:2

Maa a gona tɛrɛ faa lé zi siana. ’I bli ta dɔ plɛplɛ, ’i kɛlɛ gɔné nya.

Minwiinzannu lé Wezuofe Sɛbɛ 22:13

Bélidɔwe valé é sɔnnénu lé Gakelebale a fe Moizi lɛ Izraɛlnu zé nya, dé i wo tawe kɛlɛ é zima, ilé we va é dan gyɛ lɛ é zima. ’I dɔ gligli, ’i bli ta dɔ plɛplɛ, té i kana lo, té di é kini i gi lo ma.

Minwiinzannu lé Wezuofe Sɛbɛ 28:10

’É dɔ i bɔn‐in léé, Gakelebale i si a va léé, ’i kɔn dɔ ’é lɛ, ’élé fɛna sauun nya. ’I dɔ plɛplɛ, ’i we kɛlɛ.

Minwiinzannu lé Wezuofe Sɛbɛ 28:20

David lé é be Salomɔn lɛ léé: ’I dɔ gligli, ’i bli ta dɔ plɛplɛ, ’i we kɛlɛ; té i kana lo, té di é kini i gi lo. Naa, Gakelebale anlé Bale, é dan kɛlɛ lɛ i va; é ’ka dan i vo lɛ lo, é ’ka dan sɔn vɔ lɛ i ma lo, fɔɔ yé nyanamanu lé wo dan wo pa lɛ Gakelebale lé kɔn giwenu kɛlɛle lé we ma, yé wo lɛ é sɔɔ.

2 Minwiinmunu lé Wezuofe Sɛbɛ 15:7

Amalé, ’kaa, ’kabo dɔ gligli; té ka bɛ é kɛlɛ tɔɔtɔɔ lo, naa, ka dan ka kɛlɛwenu ma ban ye lɛ.

2 Minwiinmunu lé Wezuofe Sɛbɛ 20:7

Oo, kolé Bale, biian i tɛrɛ ’ko la munu bin ilé munu Izraɛl ’lɛ loo? Biian i tɛrɛ ’ko nɔ Abraam lé, é sɔ i lɛ, a kulunu lɛ yifaama loo?

Lɛrɛvɔ Sɛbɛ 27:14

’I bli vo Gakelebale lɛ. ’I dɔ gligli, yé ’i bli ta dɔ plɛplɛ ma. ’I bli vo Gakelebale lɛ.

Daniɛl 10:19

Yé é lé an lɛ léé: I sɔ Bale lɛ. Té i kana we do kpen lee lo. ’I vo drɔɔ ma. ’I bli ta dɔ plɛplɛ, ’i bli ta dɔ plɛplɛ ma. É ke aan wo we fena an lɛ, an fuu dɔ an ta é ziin yé maa léé: Anzan, ’i we fe, naa, i an fuu dɔ an ta.

Agajé 2:4

Gakelebale léma: Sin, Zorobabɛl, ’ibo dɔ plɛplɛ. Balebanmunu nwiinzan Josadak be Jozué, ’ibo dɔ plɛplɛ. Gakelebale léma: ’Kaa tɛrɛ ’ko la munu faa, ’kabo dɔ plɛplɛ. ’Ka nyanama pa, naa, maa a ka va. A zo lé lai sunyanu lé Gakelebale a fe.

Zakari 8:9

Lai sunyanu lé Gakelebale léma: Balelayemunu lé wo bɔra lai sunyanu lé Gakelebale lé kɔn gane vɔbléyi va, yé wo léé, ’wo dan yee kɔn ’ko dɔ lɛ, ka lé ka wo dére ’ma kyɔ, ’ka bɛ dɔ plɛplɛ.

Mi Nɔnɔle 26:53

Wo dan tɛrɛ guli lɛ wo ma, yé é kɛlɛ wozé nya, wo tɔ ’léé yɛrama.

Mi Nɔnɔle 33:53

’Ka wolé tɛrɛ si kazé nya, yé ’ka nyana ana kli; naa, maa ana tɛrɛ nɔ ka lɛ, yé é kɛlɛ kazé nya.

1 Korent munu 16:13

Té ka vo yi bla lo. ’Ka dɔ gligli Kazambale lé we gi. ’Ka kɛlɛ gɔné nya. ’Ka dɔ plɛplɛ.

Éfez munu 6:10

We pɔné lé é ke ’ko: ’ka dɔ gligli Mizan gi, alé plɛplɛ lé a glɛ ’ka lo, a nya.

Bélidɔwesɛbɛ Fiézan 1:21

Ka yua, sin, Gakelebale, kalé Bale tɛrɛ nɔ ka lɛ; ’ka go, ’ka a si kazé nya, Gakelebale, ka tranu lé Bale a fe ka lɛ fɛan zo, a zo; té ka kana lo; té di ’é kini ka gi lo.

Bélidɔwesɛbɛ Fiézan 1:8

É lé yi la léé, ’é tɛrɛ ’ko faa nɔ ka lɛ; ’ka go, tɛrɛ lé ’yee Gakelebale a fe ébo ’nyɔɔnle nya léé, é dan a nɔ lɛ ka tranu Abraam koo, Izak koo, Jakɔb koo, wo lɛ, wo valé ’wo kulunu lɛ, ’ka go a si kazé nya.

Bélidɔwesɛbɛ Fiézan 11:8

Amalé, a sɔnnénu faa lé maa wo gɔɔn ka lɛ kyɔ, ’ka wo pa, yé ka plɛplɛ ye, yé tɛrɛ lé ka dan go lɛ a kɛlɛ lɛ kazé nya bɛ, yé ka bɔalɛ léé, ka a si,

Bélidɔwesɛbɛ Fiézan 31:23

Gakelebale é dére ’konu vo Nɛn be Jozué va. É léé: ’Ibo dɔ gligli, ’i bli ta dɔ plɛplɛ, naa, bii ɛ dan go lɛ Izraɛl nya, tɛrɛ lé maa anbo ’nyɔɔn léé, maa dan a nɔ lɛ wo lɛ, a ta; yé maaboen é dan kɛlɛ lɛ i va.

2 Timoté 2:1

Bɛwemalé, bii anlé né, zin lé ke Jézu Krist gi, ’é i dɔ plɛplɛ ma.

Jozué 1:18

Mi faa lé wo dan sɔn vɔ lɛ i dére ma, yé wo ’ka i lɛdɔ lɛ a ma we faa lé bé fe wo lɛ, a gi lo, wo dan ga dɔ lɛ wo nwiin. ’Ibo dɔ gligli é wo, yé ’i bli ta dɔ plɛplɛ.

Jozué 1:7

’Ibo dɔ gligli é wo, yé ’i bli ta dɔ plɛplɛ, yé ’i we kɛlɛ yarapalale nya bélidɔwe lé an wuozan Moizi a nɔ i lɛ, a yɛrama; té i nɔla, dé i bɛyilazia léé, dé i bɛbolazia léé, ana lo, we faa lé bé kɛlɛle pélisia, a ’wuo plale we gi.

Jozué 1:9

Maa ’ka a fe lɛ i lɛ léé, ’ibo dɔ gligli yé i bli ta dɔ plɛplɛ, loo? Té i kana lo; té i gi nyɛ ’é kini lo, naa, Gakelebale, ilé Bale a i va, we faa lé i dan a kɛlɛle pélisia lɛ, a gi.

Jozué 10:25

Jozué lé wo lɛ léé: Té ka kana lo, yé té ka gi nyɛ é kini lo. ’Ka dɔ gligli yé ’ka bli ta dɔ plɛplɛ, naa, ’ko zo lé Gakelebale é dan a kɛlɛ lɛ ka nyanézannu lé ka guli daan wo nya, wo lɛ.

Jozué 13:6

gɔma munu, é sia Liban fɔɔ yé é bɔ Misréfɔt‐Maim koo, Sidɔn munu faa koo, woo tɛrɛnu lé. Maa dan wo bin lɛ Izraɛl lé nénu ’lɛ. ’I tɛrɛ ’ko nɔ Izraɛl lɛ wozé nya, ’munnu zunle nya fɛan zo lé maa fe i lɛ, a zo;

Jozué 18:3

Jozué lé Izraɛl lé nénu lɛ léé: Tɛrɛ lé Gakelebale, ka tinu zé Bale a nɔ ka lɛ, ka dan nwa lɛ mɛ yi la yé ka a sii?

Jozué 21:43

’Bɛ zo lé tɛrɛ lé Bale a nɔle fe wo tranu lɛ ébo ’nyɔɔnle nya, Gakelebale a faa nɔ Izraɛlnu lɛ; wa si wozé nya yé wo nyana ana kli.

Jozué 5:6

Naa, Izraɛlnu tawo lɛɛ yɔ fié nyéné saa lé fɛna, fɔɔ yé gulidanmunu faa lé wo si Éjipiti, ’té wo ’ka Gakelebale dére lɛdɔ lɛ a ma lo, wo ga; tɛrɛnyɔnɔzan lé, Gakelebale ébo ’nyɔɔn wo tinu lɛ léé, é dan a nɔ lɛ ko lɛ bɛ, Gakelebale ébo ’nyɔɔn wo lɛ léé, wo ’ka dan a ye lɛ lo.

1 Samuɛl 4:9

Filisitinu, ’ka dɔ plɛplɛ yé ’ka kɛlɛ gɔné nya, dé Ébrunu é da pla ka nwiin bélé fɛan zo lé ka pla wo nwiin a zo; ’ka kɛlɛ gɔné nya yé ’ka guli dan!