Jozué 1:5 - Kazambale lé Sebe Sauunu 1979

⁵ Mi do kpen ’ka dan dɔ lɛ i’lɛ i yuɛma bléyi faa va lo. Maa dan kɛlɛ lɛ i va, fɛan zo lé maa kɛlɛ Moizi va, a zo; maa ’ka dan i vo lɛ i do lo, maa ’ka dan daan lɛ i ma lo.

Jozué 1:5 ပူးပေါင်းရင်းမြစ်များ

Wepélisiananu 39:2

Gakelebale a Jozɛfu va yé a bɛ ma kɛlɛ néné. Éé nyanaan ézan Éjipiti mi lé kɔn gi.

1 Minwiinzannu 1:37

Gakelebale kɛlɛ anzan minwiinzan va fɛan zo, ’é kɛlɛ Salomɔn va a zo ma, yé ’é alé plale mi nwiin mini anzan minwiinzan David zé ta ma.

1 Minwiinzannu 11:38

Dé i an dére lɛdɔma, dé i anlé zinu ta tawo, we lé ke é drɔle an yuɛ gi, dé i ’bɛ kɛlɛ anlé bélidɔwe ta tawole valé an sɔnné pale nya, an wuozan David a kɛlɛ fɛan zo, a zo, maa dan kɛlɛ lɛ i va, yé maa dan ilé kɔn dɔ lɛ gligli, maa David zé dɔ fɛan zo, a zo, yé maa dan Izraɛl nɔ lɛ i lɛ.

1 Minwiinzannu 6:13

maa dan nyana lɛ Izraɛl lé nénu méléna yé an ’ka dan daan lɛ anlé munu Izraɛl ma monomono lo.

1 Minwiinzannu 8:57

Gakelebale, kolé Bale a ko tinu va fɛan zo, ’é kɛlɛ ko va a zo ma; té é daan ko ma lo ma, té é ko vo lo ma,

Minwiinzannu lé Wezuofe Sɛbɛ 28:20

David lé é be Salomɔn lɛ léé: ’I dɔ gligli, ’i bli ta dɔ plɛplɛ, ’i we kɛlɛ; té i kana lo, té di é kini i gi lo. Naa, Gakelebale anlé Bale, é dan kɛlɛ lɛ i va; é ’ka dan i vo lɛ lo, é ’ka dan sɔn vɔ lɛ i ma lo, fɔɔ yé nyanamanu lé wo dan wo pa lɛ Gakelebale lé kɔn giwenu kɛlɛle lé we ma, yé wo lɛ é sɔɔ.

Lɛrɛvɔ Sɛbɛ 46:11

’Ka da, yé ’ka we ’ko dɔɔ ma: maa a Bale nya, Maa ɛ ke bɛnnu nwiin, maa ɛ ke tɛrɛ nwiin.

Fwile 3:12

Kazambale léé: Maa dan kɛlɛ lɛ i va; dé i munu si Éjipiti tɛrɛ la ka dan Kazambale bɔ lɛ gɔ ’ko nwiin; ’bɛ dan kɛlɛ lɛ tɔmase nya i lɛ léé, maa ɛ i nwunvɔ.

Ézai 42:16

Maa dan a kɛlɛ lɛ léé, yuɛwiimunu é tawo zi lé wa dɔɔa lo, a ta, Maa dan go lɛ wo nya zi prɔɔné lé wo ’ka a dɔɔa lo, a ta; Maa dan gunuti nɔla lɛ san nya wo ’lɛ, Yé maa dan zi plinle drɔ lɛ zi tegele nya; We lé maa dan a kɛlɛ lɛ, yee lé ke bɛ, yé an ’ka dan sɔn vɔ lɛ wo ma lo.

Jérémi 1:8

Té i kana wo lee pelo, naa, maa a i va, i ta béli dɔle we ma. Maa Gakelebale ɛ fe.

Daniɛl 11:16

Mian é nwaa a ma guli nya, dé wean sɔ a lɛ, éé a kɛla ’bɛzan lɛ. Yé mi do kpen ’ka dan dɔ lɛ a ’lɛ lo. É dan dɔ lɛ tɛrɛnu va tɛrɛ zima ta, yé munu lé wo vɔ a lee, é dan wo gyɛ lɛ.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

Rom munu 8:31

Kaa fé we ’konu ma nɔɔ? Dé Kazambale a kaa va, de ɛ kɛla kaa maa?

Rom munu 8:37

Naa, we ’konu faa gi kaa a a ’wuo?-?volɛmunu nya gɔnɔ fié, mi lé kaa sɔ a lɛ, alé we ma.

Bélidɔwesɛbɛ Fiézan 20:1

Dé ka guli dan ka nyanézannu va, yé ka wisoonu valé goronu ye, yé ka léé, wo kiɛre mini ’wo ta, té ka kana wo lee lo; naa, Gakelebale, kalé Bale lé é ka si Éjipiti tɛrɛ la, é a ka va, azama.

Bélidɔwesɛbɛ Fiézan 20:4

Naa, Gakelebale, kalé Bale a tawona ka va, gulidanle we gi ka nyanézannu va, ’bɛ valé ka bélile we gi.

Bélidɔwesɛbɛ Fiézan 31:23

Gakelebale é dére ’konu vo Nɛn be Jozué va. É léé: ’Ibo dɔ gligli, ’i bli ta dɔ plɛplɛ, naa, bii ɛ dan go lɛ Izraɛl nya, tɛrɛ lé maa anbo ’nyɔɔn léé, maa dan a nɔ lɛ wo lɛ, a ta; yé maaboen é dan kɛlɛ lɛ i va.

Bélidɔwesɛbɛ Fiézan 4:31

naa, Gakelebale, kalé Bale a nyanai zén mi ta Bale nya, yé é ’ka dan sɔn vɔ lɛ ka ma lo, yé é ’ka dan ka kulu ga lɛ lo; gipawe lé é a kɛlɛ ka tranu va, ’té ébo ’nyɔɔn a gi bɛ, a sele ’ka dan saan lɛ a gi lo.

Bélidɔwesɛbɛ Fiézan 7:24

É dan wo nwiinzannu pa lɛ ka lee, yé ka dan wo tɔ ta saan lɛ tɛrɛ la; wo va mi do kpen ’ka bɔa dɔle lɛ ka ma plɛplɛ lo, fɔɔ yé ka wo faa kulu ga.

2 Timoté 4:17

Mizan ɛ bɔ an va, yé é an dɔ plɛplɛ anlé wefele lɛsɔɔle we ma, bɛnnu faa lé a ’male we gi. Yé Bale an si golizra lɔ ma.

Ébrunu 13:5

Té ka tawo gɔɔli sɔle ka lɛ yɛrama lo; fɛnu lé wo ke ka lee, ’wo fɛnu lɔrɔ si ka ma ma. Naa, Kazambale bozen a fe léé: Maa ’ka dan i vo lɛ é pla monomono lo; yé maa ’ka dan sɔn vɔ lɛ i ma pelo.

Jozué 1:17

Ko dan i lɛdɔ lɛ a ma tegele fɛan zo lé ko Moizi lɛdɔama, a zo. Naa, Gakelebale izé Bale ’é kɛlɛ i va ma, fɛan zo lé é kɛlɛ Moizi va, a zo ma.

Jozué 1:9

Maa ’ka a fe lɛ i lɛ léé, ’ibo dɔ gligli yé i bli ta dɔ plɛplɛ, loo? Té i kana lo; té i gi nyɛ ’é kini lo, naa, Gakelebale, ilé Bale a i va, we faa lé i dan a kɛlɛle pélisia lɛ, a gi.

Jozué 10:8

Gakelebale lé Jozué lɛ léé: Té i kana wo lee lo, naa, maa wo nɔ i lɛ, yé wolé mi do kpen ’ka dan dɔ lɛ i ’lɛ lo.

Jozué 21:44

Gakelebale flinle nɔ wo lɛ bɛ faa ma, é a fe wo tranu lɛ ébo ’nyɔɔnle nya fɛan zo, a zo; wo nyanézan do kpen ’ka bɔa dɔle lɛ wo ma lo, yé Gakelebale wo faa pa wo lee.

Jozué 3:7

Gakelebale lé Jozué lɛ léé: Kyɔ maa dan i tɔ kɛlɛle blɛn pélisia lɛ Izraɛl munu faa yuɛ va, wolé a gi dɔɔle we ma lé maa dan kɛlɛ lɛ i va bélé fɛan zo lé an kɛlɛ Moizi va, a zo.

Jozué 6:27

Gakelebale a Jozué va, yé a tɔ kɛlɛle blɛn nwɛɛn ana tɛrɛ faa ta.

Weblezannu 2:18

Dé Gakelebale weblezannu nwa, ’té Gakelebale a ’bɛ weblezan va yé é wo si wo nyanézannu lee weblezan yuɛma bléyi faa va; naa, Gakelebale nyanai é zén wo ta wolé dunnu lé wa wo klepawotazannu valé nyanépawotazannu lee, alé we ma.

Weblezannu 6:16

Gakelebale lé a lɛ léé: Naa, maa dan kɛlɛ lɛ i va, yé i dan Madiannu gyɛ lɛ bélé mi do zo.

1 Samuɛl 10:7

Dé tɔmasenu ’ko lɛ sɔɔ i lɛ, dé wean dɔ i gi, bé kɛlɛ, naa, Bale a i va.