Jonas 3:9 - Kazambale lé Sebe Sauunu 1979

⁹ Dé Bale é dan é bli nɔla lɛ yé é bli flile plɛplɛ vo, yé ko ’ka zamaga wo loo?

Jonas 3:9 ပူးပေါင်းရင်းမြစ်များ

2 Samuɛl 12:22

É a zi pa léé: Bléyian va lé né a tan é yuɛma maa lɔrɔ sɔn‐o, ’té maa wuvɔa, naa, dé Gakelebale nɔdan é nyanai zén lɛ an ta yé né é vo é yuɛmaa? dé ɛ gi dɔɔ?

Lɛrɛvɔ Sɛbɛ 106:45

Wolé we ma lé alé gipawe sele dɔ a gi; Alé zin blɛn yɛrama lé é nyanai zén wo ta.

Lɛrɛvɔ Sɛbɛ 85:3

I ilé munu ma we vo wolé weplenu ma, I wolé wenyanénu faa ta yɔɔ. Ka ye do.

Lɛrɛvɔ Sɛbɛ 90:13

Gakelebale, ’i da; ko vo a zo ’koo? ’I nyanai zén i wuozannu ta.

Jérémi 26:13

Sin, ’ka ka kɛlɛwenu valé ka panyanama nɔla. ’Ka tɔné dɔ Gakelebale, kalé Bale dére lɛ. Yé wenaané lé Gakelebale a fe léé, é dan bɔ lɛ ka ma, é dan é bli nɔla lɛ a kɛlɛle ma.

Daniɛl 4:27

Bɛwemalé, minwiinzan blɛn, anlé we plale i lɛ ’é sɔ i lɛ ma. ’I daan ilé wenyané kɛlɛle ma; ’i we tegele kɛlɛ. ’Ilé weplenu vo yé i nyanai ’é zén nyanaizénlazannu ta; dé bé kɛlɛ a zo, i dan vo lɛ zin yena.

Amɔs 5:15

’Ka wenyané za pa, yé wezin ’é sɔ ka lɛ ma, ’ka we ble é blena bléyi faa va ma. Dé Gakelebale, lai sunyanu lé Bale nyanai é dan zén lɛ Jozɛfu kulu pɔnénu taa?

Jonas 1:15

Yé wo Jonas kun yé wa vuli wɛyi va. Yé wɛyi nanole plɛplɛ ta zana.

Jonas 1:6

’Yitagoro vɔzan go a vuo lɛ, yé ’bɛ lé a lɛ léé: Mɛmalé i a yigyɛnaa? ’I nwa, ’ilé Bale tɔ laa, dé é dan é gi bɔrɔ lɛ ko ma yé ko ’ka zamaga wo loo?

Jonas 4:2

É we ’ko laa Gakelebale lee yé é léé: Gakelebale, wean maa a fé turu, ’té maa a tan anlé tɛrɛ la, yeean é ke ’ko loo? Amalé é dɔ an gi léé, an go yɔɔ lɛ Taasis. Bii a Bale lé é mi mawe dɔɔ, ’té a nyanai éé zén‐é, ’té a bli ’ka flian é kele lo, ’té zin a a gi kiɛre, ’té éé bli nɔlaan we tɔntɔn kɛlɛle mi lɛ ma, a nya.

Sofoni 2:3

Ka faa lé ka ke bokiénézannu nya tɛrɛ ’ko la, ’ka Gakelebale nagini; ka lé, ka a déretawenu kɛla, ka lé! ’Ka we tegele nagini; ’ka kɛlɛ bokiénézannu nya! Dé ka dan so lɛ we lee Gakelebale lé blifliyi nyaa?

1 Samuɛl 6:5

’Ka kyan gyɛ flanbɔragyɛ foto valé ’monénu lé ke tɛrɛ sɛrɛna, wo foto nya, yé ’ka Izraɛl lé Bale tɔ bɔ, ɛɛ, dé é dan é bɛ nyané si lɛ ka koo, kalé balenu koo, kalé tɛrɛ koo, wo taa?