Jonas 3:5 - Kazambale lé Sebe Sauunu 1979

⁵ É dɔ Ninive munu gi léé, Bale dére a weboen nya, yé wo lɔrɔ sɔnle zana dɔɔ yé wo bɔlɔ zén ’wo ta, é sia mi segelenu ma yé é bɔ nunukénénénu ma, wo faa lé.

Jonas 3:5 ပူးပေါင်းရင်းမြစ်များ

2 Minwiinzannu 19:1

Minwiinzan Ézékia we ’ko ’ma aan wo, ’élé sɔnu fia yé é bɔlɔ zén ’é ta, yé é go Gakelebale lé kɔn gi.

2 Minwiinmunu lé Wezuofe Sɛbɛ 20:3

Jozafat kana, yé é ’é ma’lɛrɛ Gakelebale naginile we ma, yé é zana dɔɔ léé, Juda munu faa ’é lɔrɔ sɔn.

Ezidras 8:21

Aava yuu sɔnɔ bɛ, an mibo kɛlɛ kiéné lɔrɔsɔnle zana dɔɔ kolé Bale ’lɛ, léé, ko zanté vɔ a lɛ léé, ’é bɛ zin pa ko ta kolé tawole gi, ko koo, kolé nénu koo, fɛnu faa lé wo ke ko lee koo, ko ta.

Esitɛɛ 4:1

We lé é bɔ, Maadosé a ’ma aan wo, élé sɔ fia, yé é bɔlɔ zén é ta, yé é kyɛyee ’wii é ta. ’Bɛ zuo, é go fla vuun la blikyɛdɔ siaale plɛplɛ nya.

Fwile 33:6

Bléyian va lé Izraɛl lé nénu si Orɛb gɔ ma, ’bɛ bléyi va wo ’wo ’lɛrɛfɛnu si ’wo ta.

Jérémi 31:34

Mi do kpen ’ka dan we paa lɛ é bɔluzan gi lo, yé mi do kpen ’ka dan we paa lɛ é bwe gi a fele nya léé, ’ka Gakelebale dɔɔ, lo. Naa, é sia né kiénénu ma, fɔɔ yé é bɔ mi kwakwanu ma, munu faa é dan an dɔɔ lɛ. Naa, maa dan wo ma we vo lɛ wolé weplenu ma, yé wolé wenyanénu sele ’ka dan dɔ lɛ an gi é dɛrɛ lo. Maa Gakelebale ɛ ke a fena.

Jérémi 36:9

Juda munu nwiinzan blɛn Jozias be Jojakim plale mi nwiin lɛɛ soruzan nya, a moné sɔraziɛnzan nya, wa zana dɔɔ léé, Jérusalɛm munu faa koo, Juda munu faa lé wo si ’wolé flanu ta yé wo da Jérusalɛm, wo koo, ’wo lɔrɔ sɔn Gakelebale lɛ.

Jérémi 42:1

Sunyanu ’lɛzannu faa koo, Karéak be Jokanan koo, Oozé be Jézania koo, munu faa koo, é sia mi kiénénu ma fɔɔ yé é bɔ mi segelenu ma, wo da balelayezan Jérémi va yé wo léé:

Jérémi 42:8

Yé Karéak be Jokanan koo, a va sunyanu ’lɛzannu faa koo, munu faa koo, é sia mi kiénénu ma fɔɔ yé é bɔ mi segelenu ma, Jérémi wo laa.

Daniɛl 9:3

An yara nɔla Mizambale va bazorole valé we laale a lee we gi, ’té maa lɔrɔ sɔn‐o, ’té bɔlɔ valé kyɛyee a é zénle an ta.

Joɛl 1:14

’Ka lɔrɔsɔnle valé zén‐ékeva plɛplɛ zana dɔɔ. ’Ka mi segelenu valé tɛrɛ ’ko la munu faa zén ékeva Gakelebale, kalé Bale lé kɔn gi, Yé ’ka siaa Gakelebale lɛ.

Jonas 3:7

Yé Ninive nwiinzan blɛn valé élé mi blɛnnu faa dére kɛlɛ do yé wo we ’ko zana dɔɔ munu faa lɛ léé: Munu koo, winu koo, dirinu koo, ’blanu koo, té wo fɛ do kpen ble lo; té wo lu do kpen ble lo, té wo ’yi mini pelo.

Matio 12:41

Webleyi nya, Ninive munu é dan nwa lɛ bléyi ’ko vamunu ma, yé wo we dɔ wo nwiin; naa, ’bɛnu ’wo bli nɔla Jonas dére ma, yé ka ye, mi lé ’bɛ mini Jonas ta, ’bɛzan ana ’ko.

WENÉNÉ LÉ LUK A GYE (Évangile selon Luc) 11:32

Webleyi nya Ninive munu é dan nwa lɛ bléyi ’ko vamunu ma yé wo dan we dɔ lɛ wo nwiin, naa, Ninive munu bli nɔla Jonas dére ma, yé ka ye, mi lé ’bɛ mini Jonas ta, ’bɛ a ’ko.

Kelewenu 27:25

Bɛwemalé, ’ka bli ta dɔ plɛplɛ. An bli a Kazambale lɛ léé, é a fe an lɛ fɛan zo, é dan a kɛlɛ lɛ a zo.

Kelewenu 8:10

É sia né kiiéné ma yé é bɔ mi kwa boen ma, wo faa wo tɔné dɔ a lɛ é zima yé wo léé: Mi ’ko a Bale lé plɛplɛ lé wa laama plɛplɛ blɛn, a nya.

Ébrunu 11:1

Fɛnu lé mi bli ke wo lɛ, blipale ɛ wo yé; fɛnu lé mi ’ka wo yé lo, blipale ɛ ke wo nagɔɔnzan nya.

Ébrunu 11:7

Kazambale tɛlɛ tɛlama we fe aan wo Noé lɛ, kana zén a gi, yé blipale nya lé é ’yitagoro do kɛlɛ yee valé é kulu sile we gi we ma; alé blipale nya lé é we dɔ tɛrɛlamunu nwiin, yé kɛlɛle tegele lé mi a yé blipale ma, é a ye ézé nya.

Wegɔɔnle 11:3

Maa dan balelawe fele se kɛlɛ lɛ anlé wenayezannu fié lɛ ’yi wuru suiɛdo yi yɔ yaa, ’té bɔlɔ a wo ta sɔ nya.