Jonas 3:10 - Kazambale lé Sebe Sauunu 1979

¹⁰ Bale a ye léé, wa we ’ko kɛlɛna yé wo daan wolé weple kɛlɛle ma, yé we tɔntɔn lé é a a va léé, ’é a kɛla wo lɛ bɛ, é bli si a lɛ, yé é ’ka a kɛlɛ lɛ lo.

Jonas 3:10 ပူးပေါင်းရင်းမြစ်များ

Minwiinzannu lé Wezuofe Sɛbɛ 21:15

Kazambale lanje do pa zia léé, ’é Jérusalɛm guru zana a gi; é a kɛlɛna bléyian va, Gakelebale a nagini yé é bli nɔla we tɔntɔn kɛlɛle ma, yé é lé fɛ guru zanaagi lanje lɛ léé: É sɔ, ’i bɛ si ana sin. Gakelebale lé lanje a é dɔle Jébusi mi Oonan lé ’sa sunwona sɔnɔ.

Fwile 32:14

Yé Gakelebale bli nɔla we tɔntɔn lé é a a va léé, é a kɛlɛ élé munu lɛ, a ma.

Wegɔnévɔlenu 28:13

Mi lé élé wenyané yɔɔan, alé we do kpen ’ka vɔa a ma lo, naa, mi lé éé wo fé yé éé daan wo ma, yee ɛ nyanai zénle é ta yé.

Ézai 30:18

Duowo, Gakelebale a a va léé, é zin kɛlɛ ka lɛ, yé é dan nwa lɛ nyanai zénle ka ta we gi. Naa, Gakelebale a Bale lé éé we tegele kɛla, a nya. Munu faa lé wo bli ke a lɛ, wo gi a é nanale.

Jérémi 18:7

Yi ke nya an we fé, dé migɔnɔ do léé, dé bɛn do léé, wolé we ma, léé, ’wo wo si ana, ’wo wo gyɛ, ’wo wo kulu ga.

Jérémi 18:8

Naa, bɛn lé maa a mawe fe, dé é daan élé we lɛrɛlɛrɛ kɛlɛle ma, wenaané lé ke an bli gi léé, maa kɛla a lɛ, maa dan an bli si lɛ ’bɛ lɛ.

Jérémi 36:3

Wenaané faa lé é a an bli gi léé, maa dan a kɛlɛ lɛ Juda munu lɛ, dé wa ’ma, dé wo faa do do é dan daan lɛ wo kɛlɛwe naanénu maa? Dé wa kɛlɛ, maa dan wo ma we vo lɛ wolé weplenu valé wolé wenyané ma.

Jérémi 42:10

Dé ka vo tɛrɛ ’ko la, maa dan ka nyana lɛ ana kli, maa ’ka dan ka kulu ga lɛ lo; maa dan ka suni wɔra lɛ, maa ’ka dan ka dia lɛ lo, naa, wenaané lé maa a kɛlɛ ka lɛ, an bli si ’bɛ lɛ.

Joɛl 2:13

Té ka sɔnu fia lo, Naa, nyɛ ’é ’wii ka zuru va, Yé ka da Gakelebale, kalé Bale va é ziin, Naa, é a mi mawe dɔɔzan valé nyanaizénzan nya; A bli ’ka flian é kele lo, yé alé zin a blɛɛn, Yé we tɔntɔnnu lé éé a paan munu lɛ zia, éé bli nɔlaan wo kɛlɛle ma.

Amɔs 7:3

Gakelebale bli nɔla ’bɛ ma. Gakelebale léma: We ’ko ’ka dan bɔ lɛ é dɛrɛ lo.

Amɔs 7:6

Gakelebale bli nɔla ’bɛ ma. Mizan Gakelebale léma: ’Bɛ we ’ko é ziin, ’bɛ ’ka dan bɔ lɛ é dɛrɛ lo.

Jonas 4:11

yé Ninive lé ke fla blɛn nya, ’té mi baa yɔ yaa lé wo ’ka wo bɛyi valé wo bɛbo dɔɔa lo, ’té wo ke ana bɛ, wo valé wi ’léé kiɛre nya, an nyanai ’ka zén‐é ’bɛnu ta loo?

Jonas 4:2

É we ’ko laa Gakelebale lee yé é léé: Gakelebale, wean maa a fé turu, ’té maa a tan anlé tɛrɛ la, yeean é ke ’ko loo? Amalé é dɔ an gi léé, an go yɔɔ lɛ Taasis. Bii a Bale lé é mi mawe dɔɔ, ’té a nyanai éé zén‐é, ’té a bli ’ka flian é kele lo, ’té zin a a gi kiɛre, ’té éé bli nɔlaan we tɔntɔn kɛlɛle mi lɛ ma, a nya.

WENÉNÉ LÉ LUK A GYE (Évangile selon Luc) 11:32

Webleyi nya Ninive munu é dan nwa lɛ bléyi ’ko vamunu ma yé wo dan we dɔ lɛ wo nwiin, naa, Ninive munu bli nɔla Jonas dére ma, yé ka ye, mi lé ’bɛ mini Jonas ta, ’bɛ a ’ko.

WENÉNÉ LÉ LUK A GYE (Évangile selon Luc) 15:20

Yé é nwa yé é ti va zi sia. Bléyian va lé é ke baa mi, a ti a ye, yé ’bɛ nyanai zén a ta, yé ’bɛ vlan si yé ’bɛ vɔ a bɔrɔ ma yé ’bɛ a tuu gyɛ.