Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jonas 1:9 - Kazambale lé Sebe Sauunu 1979

9-10 É a zi pa wo lɛ léé: Maa a Ébru mi nya. An kanaan Gakelebale, lanu lé Bale lee. Yee ɛ wɛyi valé tɛrɛ kɛlɛ. Yé maa a gona yɔɔna a lee. Di kini munu ’konu gi é baba, yé wo lé a lɛ léé: Mɛmalé i we ’ko kɛlɛ a zoo?

အခန်းကိုကြည့်ပါ။ ကော်ပီ




Jonas 1:9
29 ပူးပေါင်းရင်းမြစ်များ  

Kazambale fɛna gale laa, tɛrɛ, yé ’yinu lé wo zén ékeva bɛ, é ’bɛnu laa wɛyi. Yé Kazambale a ye léé, ’bɛ a é zima.


Yé vlanburuzan do da yé é a zuo fe Ébru mi Abram lɛ. Mi ’ko a é nyanale Mamré lé sɛnéyilinu méléna. Mamré a Amoré mi nya. Yee koo, a bwe Esikɔl koo, a zuané Anɛɛ koo, wonu ɛ gi pa do Abram va.


Gakelebale, lagi Bale lé é an si an ti lé kɔn ’léé, é valé an lelenu va, ’té e we fe an lɛ yé ébo ’nyɔɔn an lɛ léé, ’é dan tɛrɛ ’ko nɔ lɛ an kulu lɛ, yeebozen é dan élé lanje nwunvɔ lɛ i ’lɛ; yé i dan le do si lɛ an be na nya ’bɛna.


yé é ’élé kɔngimunu laa yé é lé wo lɛ léé: Ka yua, an zana da Ébru mi do nya ’ko blɛn gle wole ko va we ma. Mi ’ko da yi gyɛle an va we ma, yé maa siaa an dére plɛplɛ nya.


Wo nyana ana aan wo, wo ’ka kanaan Gakelebale lee lo, yé Gakelebale golizranu nwunvɔ wo ma, yé ’bɛnu wo gyɛ.


Balebanzan do lé, wa si Samari yé wo goan luu gi, é da yé é nyana Bétɛl, yé é a lé wo kana Gakelebale lee fɛan zo, é a paa wo gi.


Pɛɛs munu nwiinzan blɛn Sirus léma: Gakelebale, lanu lé Bale tɛrɛ la fuatɛrɛ faa nɔ an lɛ yé é an bélidɔ léé, ’an kɔn dɔ Jérusalɛm, Juda tɛrɛ la.


Wa zi pa ko lɛ léé: Bale lé ke tɛrɛ valé la kɛlɛzan nya, ko a a wuozannu nya, yé kɔn lé wa dɔ a lɛɛ kiɛre lo, ko a yee ɛ bɛ dɔna é ziin. Kɔn lé Izraɛl minwiinzan blɛn do a dɔ, yee kɔn lé.


Maa we ’konu ’ma aan wo, an nyana wuvɔle nya, yé an yi kiɛre kɛlɛ anlé tɛrɛla lɔrɔ nyaale an ma gi. An lɔrɔ sɔn yé an bazoro lanu lé Bale lɛ,


Yé minwiinzan blɛn lé an lɛ léé: I léé, maa kɛlɛ kaa? An bazoro lanu lé Bale lɛ,


Bii Gakelebale, lanu koo, la zi lanu valé wolé sunyanu faa koo, tɛrɛ valé é tafɛnu faa koo, wɛyi valé é vafɛnu faa koo, bii do kpen ɛ wo kɛlɛ. Bii ɛ vole é yuɛma nɔ fɛnu ’ko faa lɛ, yé lagi sunyanu éé diaan bii ɛ ’lɛ.


Yé Satan lé Gakelebale lɛ léé: Job éé kanaan Kazambale lee é plaa?


’Ka lagi Bale tɔ zin fe, Naa, a nyanai éé zén‐é yifaama.


Éjipiti mununwiinzan blɛn we fe é ziin Ébru munu lé dɔtrɔlomu lɛ; wa do laama Sifra, yé wa koɛ laama Pua.


’Bɛ é tu kini é bɔra é ziin; yé bé ye, Ébru mi fié a guli danna. É lé wegyɛzan lɛ léé: Mɛmalé i a i bɔluzan blanaa?


Minwiinzan blɛn ’konu bléyi va, lanu lé Bale é dan plale mi nwiin lé é ’ka dan sɛrɛ lɛ monomono lo, a dɔ lɛ, ’té mi bɛ ’ka dan pla lɛ ’bɛ nwiin monomono lo. Yee ɛ dan plale mi nwiin ’konu faa ’wii lɛ yé é wo sɛrɛ tata, yé yeebozen é dan vo lɛ ana lɛɛfaama, ’bɛ glɛ ’ka lo.


’Bɛ zuo, Izraɛlnu é dan da lɛ wo pai; wo dan maa Gakelebale ’wolé Bale nagini lɛ, ’bɛ valé ’wo nwiinzan blɛn David nya; yé dé wo Gakelebale valé alé zin ye, é dan vɔ lɛ wo ma gi drɔɔ nya; ’bɛ é dan kɛlɛ lɛ zi zuowe nya.


Éé, munu! Mɛmalé ka ke we ’ko zoɛ kɛlɛnaa? Ko é ziin, ko a blaminu nya bélé ka zo. Ko da wenéné ɛ fe lɛ ka lɛ. Ko da we pla lɛ ka lɛ léé, ’ka si fɛ pla ’konu zuo yé ’ka nɔla Bale yuɛmale va. ’Té la koo, tɛrɛ koo, wɛyi koo, fɛnu faa lé ke wo gi koo, é wo kɛlɛ bɛ, yee lé.


Bale lé, maa ke azé nya, ’té maa a bɔa bɛ, alé lanje do bɔra an va kyɔ é béli,


wo an gane dɔ an yi sɔraazan nya; wo an yaa Izraɛl mi nya, Bɛnjamɛn gɔnɔlazan nya, Ébru mi lé wa yaa Ébru mi ma, a nya; dé é a bélidɔwe zé nya, maa a Farizimi nya;


’Bɛ bléyi va, tɛrɛ ma é dan nyɔɔn lɛ blɛɛn, yé dé flakɔnbale a vu a bale do guru é zanaan a gi, yé a sɔraziɛn é voo; tɛrɛ manyɔɔnle ’ko é dan mi baa yaa wuru soru gyɛ lɛ, yé mi pɔnénu gi nyɛ é dan kini lɛ yé wo dan la gi Bale tɔ bɔ lɛ.


Mizan, de ɛ ’ka kanaan i lee loo? De ɛ ’ka i tɔ bɔa loo? Bii do kpen ɛ ke sauun. Ilé weblelenu a é gɔɔnle, amalé bɛnnu faa é dan da lɛ yé wo dia ’wo bli la i ’lɛ.


yé wo la gi Bale sɔnɔ wolé nyanéblelenu valé wo manɔnnu lé we ma, yé wo ’ka ’wo bli nɔla lɛ ’wo kɛlɛwenu ma lo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ