Joɛl 3:4 - Kazambale lé Sebe Sauunu 1979

⁴ Tii valé Sidɔn munu, ’kaa valé Filisitinu faa, Ka a a va léé, ka mɛ kɛlɛ an lɛɛ? Ka a a va léé, ka we lɛgi pa an maa? Dé é sɔ ka lɛ léé, ka we lɛgi pa an ma, Maa dan kalé we lɛgi pale nɔla lɛ ka ma é kele.

Joɛl 3:4 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 21:16

Filisitinu valé Arabunu lé woo nyanaan Étiopi lé tɛrɛ sɔnɔ, Gakelebale wo bli nwa Joram ma.

Ézai 14:29

Filisiti tɛrɛ lamunu, té ka gi é nana léé, ka bla vlewɔlɛ a é yélile, lo. Méné dɔgɔnɔ é dan né yaa lɛ bɔménéluzanuo nya, yé ’bɛ é dan né yaa lɛ dragɔn lé éé sié, a nya.

Ézai 34:8

Naa, Gakelebale lé welɛgipayi lé; é Siɔn lé we lɛgi pa lɛɛ ’ko nya.

Ézai 59:18

É dan mi faa do do banwo lɛ wo kɛlɛwe yɛrama; é dan é mazannu banwo lɛ é wɛwɛ nya; é dan é nyanézannu banwo lɛ yee duo zo; é dan wɛyiworona tɛrɛ la munu banwo lɛ yee duo zo.

Jérémi 47:1

Gakelebale we fe balelayezan Jérémi lɛ Filisitinu lé we ma, Faraɔn lé Gaza munu gyɛle ’lɛ.

Jérémi 47:4

Naa, a yi é dan bɔ lɛ yé wo dan Filisitinu faa sɛrɛ lɛ, Yé munu faa lé wo bɔ Tii valé Sidɔn munu va, wo dan wo kulu ga lɛ é ziin. Naa, Gakelebale é dan Filisitinu sɛrɛ lɛ, wɛyi worona tɛrɛ Kafitɔɔ lé munu lé wo vo, woo lé.

Jérémi 51:6

’Ka fwi Babilɔn, yé ka faa é vo é yuɛma, dé ka da zamaga wo a sɛrɛbléyi va. Naa, é a Gakelebale lé we lɛgi pabléyi nya; é dan alé we lɛgi pa lɛ a kɛlɛwenu yɛrama.

Joɛl 2:10

Tɛrɛ ma éé nyɔɔn‐an wo ’lɛ, Lanu ma éé nyɔɔn‐an, Gunu éé dɔraan yiri valé moné yara, Monénénu éé daan bile ma.

Joɛl 2:2

Yi ’ko la, béli éé taan yé gunu éé dɔraan; Yi ’ko la, lati éé tuaan, yé lolu éé vɔa; É dan bélé tukinile zo yé é zén gɔnu ta, Migɔnɔ lé wo ke kiɛre, ’té wa plɛplɛ, woo lé; Wo ’ka tan wo zoɛ munu ye lɛ é vinin lo, Yé wo ’ka dan wo zoɛ munu ye lɛ wo zuo monomono lo.

Matio 11:21

Korazɛn munu, ka gale nyɔ. Bɛtsaida munu, ka gale nyɔ. Gyɛzorowenu lé maa a kɛlɛ ka méléna, dé é vo léé, maa a kɛlɛ Tii valé Sidɔn, ’té ana munu ’wo bli nɔla namɔn é kwakwa, bɔlɔ valé kyɛyee zénle nya ’wo ta.

Matio 11:22

Bɛwemalé webleyi nya, kazé kleblele é dan mini lɛ Tii valé Sidɔn zé ta. Maa fe ka lɛ.

WENÉNÉ LÉ LUK A GYE (Évangile selon Luc) 10:13

Korazɛn munu, ka gale nyɔ. Bɛtsaida munu, ka gale nyɔ. Gyɛzorowenu lé maa a kɛlɛ ka méléna, dé é vo léé, maa a kɛlɛ Tii valé Sidɔn, ’té ana munu wo bli nɔla namɔn é kwakwa ’plawuli valé kyɛyee zénle nya wo ta.

WENÉNÉ LÉ LUK A GYE (Évangile selon Luc) 10:14

Bɛwemalé webleyi nya kazé kle é dan mini lɛ Tii valé Sidɔn zé ta.

WENÉNÉ LÉ LUK A GYE (Évangile selon Luc) 18:7

Yé munu lé Bale wo si a va ézé nya, ’té woo siaan a lɛ bladi nyanadi, é ’ka dan wo nyanémunu lé we ble lɛ loo? É dan mɔn lɛ faa ’lɛ yé é wolé we blee?

Kelewenu 9:4

É dia tɛrɛ va, yé é dére do ’ma yé ’bɛ lé a lɛ léé: Sɔl, Sɔl, mɛmalé i nyané paan an taa?

Bélidɔwesɛbɛ Fiézan 32:35

Dé wo saan Maa ɛ lɛ gi paan, maa ɛ wo banwoo. Naa, wolé we tɔntɔn ye yi bié é pu, Yé we lé é ke wo lɛbɛnna, é ’ka dan mɔn lɛ lo.

2 Tɛsalɔnik munu 1:6

Kazambale éé we kɛla tegele amalé munu lé woo kle paan ka ta bɛ, é dan kle pa lɛ wo ta.

Weblezannu 11:12

Jɛfeté munu nwunvɔ Amɔn benu nwiinzan va a fele we gi a lɛ léé: Mɛ we ɛ ke maa valé bii méléna yé i da an va, guli danle anlé tɛrɛlamunu va we gii?