Joɛl 3:2 - Kazambale lé Sebe Sauunu 1979

² An dan bɛnnu faa zén lɛ ékeva, Yé maa dan wo zun lɛ Jozafat lé gɔ worona; Anlé munu Izraɛl, anlé tɔnɔ lé we ma lé, Maa dan wolé we ble lɛ ’bɛna. Wo anlé munu sɔɔla bɛnnu gi, Yé wo anlé tɛrɛ guli, azama.

Joɛl 3:2 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 20:26

A yi ziɛnzan nya, wo zén ékeva pɛnguru lé wa laama Béraka, ana. Yé wo Gakelebale drɔɔ vo ’bɛna. Amalé woo fɛkona laama Béraka lé pɛnguru. Tɔ ’ko vo a ma fɔɔ kyɔ yi nya.

Ézai 66:16

Kyɛ nya lé Gakelebale élé we lɛgi paan; alé gwɔun éé we lɛdɔa mi faa gi, yé Gakelebale é dan mi kiɛre gyɛ lɛ.

Ézai 66:18

Maa wo kɛlɛwenu valé wo bɔn‐in bɔrɔle dɔɔ. Bɛn faa zén ékeva bléyi bɔ, wo valé dére faa gimunu nya; wo dan da lɛ yé wo dan anlé fua tɔbɔle ye lɛ.

Jérémi 12:14

An zi bɛn nyanénu lé woo nwaan tɔnɔfɛ lé Bale a nɔ élé munu Izraɛl lɛ, a ma bɛ, Gakelebale wo ma we fe yé é léma: Ka ye, maa dan wo si lɛ wolé tɛrɛ la, yé maa dan Juda munu si lɛ wo méléna.

Jérémi 25:31

A vun wele é dan go lɛ fɔɔ tɛrɛ glɛ sina; Naa, Gakelebale a we blena bɛnnu va, Éé munu faa lé we blé, Yé éé mi nyanénu dɔa gwɔun ’lɛ. Maa Gakelebale ɛ ke a fena.

Jérémi 49:1

Amɔn munu mawe lo. Gakelebale léma: Izraɛl be do kpen ’ka loo? A zarablezan ’ka loo? Mɛmalé Gad tɛrɛ la vo bale lé wa laama Malkɔm, a lɛ, yé ’bɛ banmunu éé nyanaan ana flanu taa?

Jérémi 50:17

Izraɛl a ’bla sanle lé golizra a zuo bin‐é, a nya; Asirinu nwiinzan blɛn a ble é vinin, yé é voéla ’ko, Babilɔn nwiinzan blɛn Nébukanɛsaa a wɔlɛnu yéli.

Ézékiɛl 25:8

Mizan Gakelebale léma: Fɛan zo lé Moab valé Séii munu a fe léé: Ka ye, Juda munu a bélé bɛngɔnɔnu faa zo,

Ézékiɛl 34:6

Anlé trubɛ palu vo nɔɔna gɔ faa valé gɔpanénu faa nwiin. Anlé trubɛ palu kini ékema tɛrɛ la fɛfaana. Mi do kpen ’ka é gi bɔrɔan wo ma lo; mi do kpen ’ka wo ginina lo.

Ézékiɛl 35:10

Bé fe léé: Bɛn fié ’ko valé tɛrɛ fié ’ko, é dan kɛlɛ lɛ ’ézé nya, ’é dan wo si lɛ ’ézé nya, dɔlé ’té Gakelebale ana bɛ,

Ézékiɛl 36:1

Yé bii blami be, ’i balelawe fe Izraɛl gɔnu ma. Bé fe léma: Izraɛl gɔnu, ’ka tɔné dɔ Gakelebale dére lɛ.

Ézékiɛl 36:5

Mizan Gakelebale léma: Iin, anlé maawole nwa wo ma bélé kyɛ zo; maa a we fena bɛn bɛnu valé Édom tɛrɛ faa lɛ. Wo lé wo anlé tɛrɛ si wozé nya, ’wiile ana fɛnu ta we ma bɛ, ’té wo gi éé nanama, ’té woo serele boo anlé tɛrɛ ma wo bli gi bɛ, maa a we fena wo ɛ lɛ.

Ézékiɛl 38:22

Maa dan dɔra lɛ a ta bawurumagyɛ koo, nyɛ zanale koo, lɛɛ ’lɛ plɛplɛ koo, goowɔlɛlɛɛ lé ke gɔlɛ zo koo, wo nya. Maa dan kyɛ valé povun zén lɛ yee valé élé sunyanu koo, mi kiɛre lé wo ke a va koo, wo ta, bélé lɛɛ zo.

Ézékiɛl 39:11

’Bɛ yi nya, maa dan fɛdona nɔ lɛ Gɔg lɛ Izraɛl tɛrɛ la, alé mipana nya, yee lé ke giémunu lé pɛnguru nya yirinwanazia wɛyi ma; mipana ’ko é dan zi lɛ tan lɛ giézannu ’lɛ. Ana lé wo dan Gɔg valé élé mi gbaunu pa lɛ, yé wo dan pɛnguru ’ko laa lɛ Gɔg lé mi gbau pa pɛnguru.

Joɛl 3:12

Bɛnnu ’é vuo, yé ’wo gɔ gié Gɔ worona lé wa laama Jozafat, a vazia ma. Ana lé maa dan nyana lɛ ka zi bɛnnu faa lé we blele we ma.

Joɛl 3:14

Mi gu blɛn lé. Mi wuru é wuru gu blɛn lé. Wa gɔworona lé wa laama weblena, ana; Naa, Gakelebale lé yi bɔ é pu Weblena gɔ worona.

Amɔs 1:11

Gakelebale léma: Édom munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo; é ’é bwenu zuo bin gwɔun nya, yé é nyanai zénle wo ta yi ga. Alé bliflile ana yifaama, yé a wɛwɛ dɔle glɛ ’ka lo,

Misé 4:12

Naa, wo ’ka Gakelebale lé gibɔrɔle dɔɔa lo, yé wo ’ka a bligiwe gi maan lo, yé wo ’ka a gi dɔɔa léé, é ’wo zén ékeva bélé ’sanwunnu lé wo wo téé ’sa sunwona, wo zo lo.

Sofoni 3:8

Gakelebale léma: Yian nya lé maa dan nwa lɛ gulizarafɛ sile we ma bɛ, ’ka an lɛbɛn ’bɛ yi nya. Naa, é dɔ an gi léé, maa bɛngɔnɔnu zén ékeva, yé tɛrɛnu lé munu ke é plale wo nwiin, maa dan wo zén lɛ ékeva, an wɛwɛ dɔle wo ma we gi, an bli flile baba wo ma we gi. Naa, maa dan tɛrɛ faa kyɛ ble lɛ anlé maawole nya.

Wegɔɔnle 11:18

Bɛnnu bli fli; yé izé bliflile nwa yé migalenu lé weblebléyi bɔ; i wuozan balelayemunu koo, Kazambale lé munu koo, mi kiénénu valé mi segelenu lé woo kanaan i tɔ lee koo, wo faa goolipabléyi bɔ, yé tɛrɛ sɛrɛmunu kulugabléyi bɔ.

Wegɔɔnle 16:14

Yo lélinu lé é ke wo nya; woo we blɛnblɛnnu kɛla, ’té woo goo tɛrɛ faa la, minwiinmunu va, wo zénle ékeva Plɛplɛfaazan Bale lé yi blɛn la gulidanle we ma.

Wegɔɔnle 16:16

Yonu minwiinmunu zén ékeva fɛana lé wa laama Ébru dére gi Amagédɔn, ana.

Wegɔɔnle 16:6

Naa, wo Kazambale lé munu valé balelayemunu nyɛ zana, amalé ilé nyɛ nɔle wo lɛ yé wa mini yara lé.

Wegɔɔnle 20:8

É dan bɔra lɛ yé ’é go tɛrɛ faa la bɛnnu saanle we ma; Gɔg valé Magɔg tɛrɛlamunu lé, yé é wo zén ékeva gulidanle we gi; wo ’léé a bélé wɛyi gɔɔn ma nyéné zo.