Joɛl 3:16 - Kazambale lé Sebe Sauunu 1979

¹⁶ Gakelebale dére a wena Siɔn bélé golizra zo, ’Té éé wé Jérusalɛm. Tɛrɛ valé la ma éé nyɔɔn‐an, Naa, Gakelebale a élé munu yɔɔna nya, É a Izraɛlnu vɔzizan nya.

Joɛl 3:16 ပူးပေါင်းရင်းမြစ်များ

Lɛrɛvɔ Sɛbɛ 18:2

Oo Gakelebale, anlé plɛplɛ, i sɔ an lɛ.

Lɛrɛvɔ Sɛbɛ 29:11

Gakelebale éé plɛplɛ no élé munu lɛ; Gakelebale élé munu drɔɔ voo yé éé gi nanale no wo lɛ.

Lɛrɛvɔ Sɛbɛ 61:3

An fuu a é sile an ta, ’té an siaan i lɛ tɛrɛ glɛ sina; Gɔlɛgɔ lé an ’ka bɔa a giéle lɛ lo, ’i go an nya a nwiin.

Wegɔnévɔlenu 18:10

Gakelebale tɔ a bélé flagɔrɔ nwiin kɔn torole zo, mi tegele éé yɔɔan ana ’té a ta béli a é dɔle.

Ézai 33:16

Mi ’ko, é dan nyana lɛ fɛna nwale na; gɔlɛ plɛplɛ é dan kɛlɛ lɛ a yɔɔna nya. Wo dan fɛblele nɔ lɛ a lɛ, wo dan ’yi nɔ lɛ a lɛ, é ta nya drɔɔ.

Ézai 33:21

’Bɛna lé Gakelebale givuruwe blɛnnu kɛlɛ ko lɛ weboen nya; ’bɛna lé é kɛlɛ ko lɛ bélé yuu blɛnnu zo, bélé ’yi laala blɛn zo. ’Yitagoro lé wa vɔa payili nya, é ’ka dan bɔ lɛ ’bɛna lo; ’yitagoro blɛn ’ka dan bɔ lɛ ’bɛna lo.

Ézai 42:13

Gakelebale éé goo ’é ’lɛ bélé nyanazan zo, Ébo nwa bélé gulidanzan zo; Éé dére nwaan plɛplɛ, éé siaan plɛplɛ, É élé plɛplɛ nagɔɔn‐an é nyanézannu lɛ.

Ézai 51:16

Maa an dérenu paan i ’léé, Maa i tabuaan an bɛ furɔ nya. Maa ɛ lanu fwila yé maa ɛ tɛrɛ kɛlɛ, Yé maa ɛ fe Siɔn munu lɛ léé: Ka a anlé munu nya.

Jérémi 16:19

Gakelebale, anlé plɛplɛ, an tɛngizan, bii a an yɔɔna nya klebleyi nya. Bɛnnu é dan si lɛ tɛrɛ glɛ sina yé wo da i va, yé wo dan a fe lɛ léé: Viéfɛnu saa lé ko tranu a ye tɔnɔfɛ nya, yee valé miyili boanu lé wo tɔnɔ ’ka lo, wo nya.

Jérémi 17:17

Té i kana vɔ an gi lo; bii ɛ ke an yɔɔna nya we tɔntɔn bɔyi nya.

Ézékiɛl 38:19

Maa fe ka lɛ, ’bɛ yi ’ko nya, anlé maawole valé anlé bliflile blɛn lé we ma Izraɛl tɛrɛ bɔ é dan gyɛ lɛ blɛɛn.

OZÉ (Osée) 11:10

Gakelebale é dan we lɛ bélé golizra zo, ’té woo goo a zuo; é dan we lɛ yé alé nénu é dan si lɛ yirivɔnazia vlan nya.

Amɔs 1:2

É léé: Gakelebale dére a wena Siɔn bélé golizra zo, ’Té éé wé Jérusalɛm. Trubɛ tabinzannu lé trubɛ blena a gyɛ bona, Kaamɛl gɔ bɛlo nwiin a é gale.

Amɔs 3:8

Dé golizra we ’naan, kana ’ka vɔa de ɛ gi loo? Dé Mizan Gakelebale a wena ’naan, de ɛ ’ka kɔɔn balelawe fé loo?

Naum 1:7

Gakelebale a é zin, É a mivɔzizan nya klebleyi la; Munu lé woo paan a ta, é wo dɔɔ.

Agajé 2:6

Naa, lai sunyanu lé Gakelebale léma: A bléyi vo sɛ yé maa dan la valé tɛrɛ ma nyɔɔn lɛ, wɛyi valé fɛna gale koo é ziin;

Agajé 2:7

maa dan bɛnnu faa ma nyɔɔn lɛ; bɛnnu faa lé fɛwezannu é dan da lɛ yé maa dan kɔn ’ko fan lɛ fuafɛnu nya. A zo lé lai sunyanu lé Gakelebale a fe.

Zakari 10:12

Maa dan wo dɔ lɛ gligli Gakelebale lé plɛplɛ nya, Yé wo dan tawo lɛ a tɔ gi. A zo lé Gakelebale a fe.

Zakari 10:6

Maa dan Judanu dɔ lɛ gligli, Maa dan Jozɛfunu si lɛ we gi; An nyanai zén wo ta, amalé an dan da lɛ wo nya wo pa gi, Yé wo dan kɛlɛ lɛ bélé an ’ka tan sɔn vinin vɔ lɛ wo ma lo. Naa, maa a Gakelebale wolé Bale nya, yé an dan wolé bazoro dére nyi si lɛ.

Zakari 9:12

’Kaa luugimunu lé ka bli ke we lɛ, ’ka go kɔn plɛplɛ gi ka pa gi. Maa fe ka lɛ kyɔ é ziin, Maa dan a lɛgi kɛlɛ lɛ ka lɛ gɔnɔ fié.

Ébrunu 12:26

Bale dére tɛrɛ ma nyɔɔn é vinin, yé sin é lé kaa lɛ léé, é dan fɛnu ma nyɔɔn lɛ é ziin gɔnɔ do, tɛrɛ saa kaan lo, la koo é ziin.

Wegɔɔnle 11:13

’Bɛ bléyi va, tɛrɛ ma é dan nyɔɔn lɛ blɛɛn, yé dé flakɔnbale a vu a bale do guru é zanaan a gi, yé a sɔraziɛn é voo; tɛrɛ manyɔɔnle ’ko é dan mi baa yaa wuru soru gyɛ lɛ, yé mi pɔnénu gi nyɛ é dan kini lɛ yé wo dan la gi Bale tɔ bɔ lɛ.

Wegɔɔnle 11:19

Balebangikɔn lé é ke la gi, a lɛ so yé munu gipawe pagikɛsu ye Balebangikɔn gi. Lɛɛ yuɛ wuo vɔ yé dérenu we, zagelenu ban yé tɛrɛ manyɔɔn, yé goowɔlɛlɛɛ plɛplɛ da.

Wegɔɔnle 16:18

Yé lɛɛ yuɛ wuo vɔ, ’té dérenu éé wé, ’té zagelenu éé baan, ’té tɛrɛ ma éé nyɔɔn‐an. É sia mi bɔrale tɛrɛ la ma, ’bɛ zoɛ tɛrɛ ma ’ka tan nyɔɔn lɛ do lo.

1 Samuɛl 15:29

Mi lé é ke Izraɛl lé plɛplɛ nya, é ’ka vié woo lo yé a bli ’ka nɔlaan lo, é ’ka mi nya yé a bli éé nɔlaan lo, azama.